Trump-Biden veðmálið

Ég fylgist lítið með bandarískum stjórnmálum og hvað þá heldur kosningum þar sem valið stendur á milli tveggja lélegra valkosta. En þó rakst ég á nokkuð sem er athyglisvert.

Myndin hér að neðan sýnir skoðanakannanir í aðdraganda Trump-Clinton kosninganna.

Þann 26. október í aðdraganda kosninganna mældist Trump með 43% og Clinton með 48,4%. Munurinn var 5,4%. Lokatölur urðu 46,8%-43,6% (Clinton fékk fleiri atkvæði en Trump vann á fjölda svokallaðra kjörmanna).

Í Trump-Biden er staðan svona:

Trump er í dag í 43,8% og Biden er í 50,8%. Munurinn er 7%. Aðeins meiri en á sama tíma í Trump-Clinton kosningabaráttunni en ekki svakalega mikið.

Það er freistandi að veðja svolitlu fé á að Trump vinni. Mér sýnist ávöxtunin geta orðið ágæt.

Athugasemdir

[Grímur Kjartansson, 26.10.2020 kl. 10:38]

Það er þessi hópur sem nennir að mæta á kjörstað ekki til að kjósa SINN frambjóðanda heldur til að koma í veg fyrir að hinn valkosturinn verði forseti.

Hillary var tákngerfingur kerfisins og stöðnunar þannig að sumir mættu eingöngu á kjörstað því þeir vildu hennar persónu ekki í forsetastól.

Trump hefur tekist að æsa ansi marga upp í að vilja allt nema Trump en öllum virðist nokkuð sama um Biden en Biden er svo sannarlega hvorki nýr né ferskur. Það mæta mun fleiri á framboðsfundi hjá Trump en hjá Biden og hjá Harris er nánast enginn. Verður ekki að teljast líklegt að þeir sem mæta á framboðsfundi muni mæta á kjörstað?

[Geir Ágústsson, 26.10.2020 kl. 10:55]

Grímur,

Ég hef séð svipaðar vangaveltur. Þeir sem styðja Trump eru ákafari stuðningsmenn en þeir sem styðja Biden/Clinton. Trump hefði aldrei unnið Obama, sem átti eldheitt stuðningsfólk, en á möguleika gegn stofnanafólkinu með beinagrindurnar í skápunum.

Annars hefur margt breyst síðan 2016. Google, Facebook og Twitter eru t.d. í kosningabaráttu fyrir Biden, en samfélagsmiðlar voru mjög mikilvægt tæki í kosningavél Trumps 2016. 

Sjáum hvað setur. Kannski Trump geti aftur gert einhvern ríkan.

[Ásgrímur Hartmannsson, 26.10.2020 kl. 11:34]

1: Trump hefur gert góða hluti fyrir efnahaginn.

2: Það er sjáanlegur munur á kosningafundum Trumps & Bidens, Trump í hag.

3: Demókrataflokkurinn hefur verið að vinna hörðum höndum að því að fæla fólk úr flokknum.  (Walk away campaign, ef þú hefur áhuga.)

En sjáum hvernig fer.

[Grímur Kjartansson, 26.10.2020 kl. 16:55]

Varðandi lið 3 hjá Ásgrími

Sanders hafði sterkan hljómgrunn hjá ungu fólki sem snéri svo baki við Hillary. Ungt fólk hefur minnst af öllum áhyggjur af Covid og mér virðist Demókratar leggja höfuðáherslu á að ef þeir fengju að stjórna skipinu þá væri það á lygnum Covid sjó sem er náttúrlega ótrúverðugt miðað við ástandið í öðrum löndum

[Húsari. (IP-tala skráð) 27.10.2020 kl. 01:07]

 Sæll Geir.

Ætli þetta myndband auðveldi eitthvað veðmálin?

https://www.youtube.com/watch?v=HNKV2qmGhi8

[Húsari. (IP-tala skráð) 27.10.2020 kl. 01:55]

 Sæll Geir.

Er þetta sá Cadillac sem menn biðu eftir???:

https://www.youtube.com/user/12olgr/videos