Heilsan

Ég ætla ekki að gefa neinum heilsuráð en eftirfarandi virkar ágætlega fyrir mig:

• Sofa 7-8 tíma á nóttu sem flestar nætur. 
• Drekka vatn sem oftast.
• 2 matskeiðar af lýsi á dag og 1 fjölvítamín.
• Sleppa morgunmat og borða kvöldmat snemma og reyna að láta a.m.k. 16 tíma líða á milli kvöldverðar og hádegisverðar. Að fasta aðeins er hollt fyrir líkamann.
• Borða þess á milli eitthvað sem er gott en er helst líka hollt. Venjulegur matur, í stuttu máli (með laktósa, glúten, fitu, dýraafurðum og salti).
• Stunda einhvers konar hreyfingu sem oftast, t.d. að taka nokkrar armbeygjur daglega eða planka. Nota yfirleitt stigann og labba eða hjóla styttri vegalengdir (upp að 7 km).

Lengri er listinn ekki né flóknari. Hvernig heldur þú þínum skrokki við?

Íslensk börn sofa mörg hver of lítið

Athugasemdir

[Guðjón E. Hreinberg, 25.10.2020 kl. 12:58]

Ég varð nú eiginlega úrvinda við að lesa listann?

En ég er líka með (smá) bumbu.

[Geir Ágústsson, 25.10.2020 kl. 21:18]

Guðjón,

Ég tel mig hafa fundið svakalega skilvirka uppskrift til að hámarka líkamlega og andlega frammistöðu, og sparar krónur í þokkabót, fyrir utan lýsiskostnað.