Lærðu menn ekkert í vor?

Hjá Landspítalanum berast nú ógnvekjandi tölur. Að vísu eru þær allar í formi spádóma en nógu sláandi til að fylla stóra frétt.

Miðað við spár Landspítalans virðist staðan vera sú að menn hafi ekkert lært undanfarna mánuði. 

Til dæmis hefur lengi blasað við að spítalar hýsa aldraða einstaklinga sem eiga miklu frekar heima á hjúkrunarheimilum. Þau heimili hafa ekki verið byggð nógu hratt og enginn kemst því neitt.

Einnig hefur nú komið í ljós að ungt fólk tekur COVID-19 veirunni tiltölulega létt og að það eigi að verja aldraða og aðra veikburða fyrir þessari veiru og öðrum. Engu að síður búast menn við miklu álagi. Það er sem sagt búið að gera ráð fyrir að þeir sem eru veikastir fyrir veirunni fái framan í sig hósta og hnerra COVID-19 smitaðra eins og enginn sé morgundagurinn og raðist í spítalarúmin á færibandi.

Landspítalinn segist geta teygt sig lengra en svartsýnustu spár gera ráð fyrir en samt er lýst yfir áhyggjum og um leið vita menn að svartsýnustu spár hafa aldrei ræst - ekki einu sinni nálægt því. 

Ekkert er minnst á aðra kvilla eða sjúkdóma. Dánartíðni vegna þeirra er ekki í sviðsljósinu. Deyi sykursjúkur hjartasjúklingur þá rýkur hann sennilega beint í COVID-19 tölfræðina þótt sú veira hafi bara verið punkturinn yfir i-ið. Þannig má halda uppi óverðskulduðu orðspori fyrir veiruna sem stórhættulegur fjöldamorðingi. 

Að þessu sögðu blasir við að menn virðast ekki hafa lært neitt seinustu mánuði og allt skal sett í sömu spennitreyju og í febrúar þegar menn vissu lítið og allir voru sammála um að vera á varðbergi.

Þriðja bylgja meiri áskorun en sú fyrsta

Athugasemdir

[Þorsteinn Siglaugsson, 10.10.2020 kl. 10:28]

Hóparnir eru tveir. Hópur A er í verulegri hættu. Hópur B er ekki í neinni hættu.

Skynsamlega leiðin myndi snúast um að vernda hóp A með ströngum aðgerðum, en láta hóp B eiga sig. Þannig gæti pestin gengið yfir með lágmarksmanntjóni.

En þess í stað er beitt ómarkvissum og síbreytilegum aðgerðum til að hægja á útbreiðslu í báðum hópunum. Hópur A er ekki verndaður sérstaklega líkt og dagleg smit á hjúkrunarheimilum sýna.

Niðurstaðan verður langtum meira manntjón en nauðsynlegt er. Miklu langvinnari faraldur. Miklu meira tjón vegna aðgerðanna sjálfra en nauðsynlegt er.

Sumir tala um að lækningin sé verri en sjúkdómurinn. En þá er gengið út frá því að lækningin lækni í raun og veru sjúkdóminn. "Lækningin" sem nú er beitt, og krafist að allir standi saman um, er hins vegar engin lækning. Hún er líkari því að gefa verkjalyf við krabbameini, án þess að gera minnstu tilraun til að lækna krabbameinið sjálft.

[Ragnhildur Kolka, 10.10.2020 kl. 10:52]

Páll Matthíasson kvartar undan plássleysi, því spítalinn losnar ekki við fólk sem er búið að ljúka meðferð en getur ekki farið heim til sín. Fráflæðivandann má laga m.þ.a. nýta hótelin sem standa auð um alla borg.  

[Þorsteinn Siglaugsson, 10.10.2020 kl. 11:28]

Já, nota hótelin, og ráða kannski eitthvert brot af fólkinu sem búið er að hirða störfin af til að sinna þeim gömlu.

[Jón Þórhallsson, 10.10.2020 kl. 11:37]

Sæll Geir; 

fyrir hvað stendur appelsínuguli liturinn í hausnum hjá þér?

1.Ert þú tengdur einhverjum björgunaraðilum

sem að þurfa að sjást betur í fjarska.

 Eða

2. Ert þú að markaðssetja fána samkynhenigðra? 

[Sigurður Kristján Hjaltested, 10.10.2020 kl. 17:35]

Jón Þórhallsson er mjög málefnalegur og hefur greinilega

ekkert til að leggja til í umræðuna.

[Geir Ágústsson, 10.10.2020 kl. 18:20]

Örsvar til Jóns: Fela hrukkurnar.

[Ásgrímur Hartmannsson, 10.10.2020 kl. 19:25]

Merkilegast í þessu fári öllu finnst mér er að það er eins og fólk viti almennt minna núna um pestina en í upphafi.