Eru fyrstu lögsóknirnar vegna lokana að fæðast?

Það er ljóst að nú þegar mesti hamagangurinn vegna kórónavírussins er að ganga yfir að margir séu nú farnir að hugsa: Var brotið á mér? Var ég sviptur lífsviðurværinu án fullnægjandi lagaheimilda? Var mér og mínu fyrirtæki mismunað? 

Einn rekstraraðili í Danmörku hefur fengið svolítið dálkapláss til að ræða hugmyndir sínar um að lögsækja lögregluna. Hann fékk ekki að opna klippistofu sína því hún er inni í verslunarmiðstöð (hálfyfirbyggð, svipað og Mjóddin í Reykjavík). Samkeppnisaðilar hans við göngugötur máttu hins vegar opna. Þetta finnst honum vera mismunun og er að kanna rétt sinn.

Það er viðbúið að fleiri svona mál skjóti upp kollinum. Nú þegar mörg ríki eru smátt og smátt að taka upp sænsku leiðina við veiru-ógn og gögn að hrannast upp sem sýna að veiran er á heildina litið ekki mikið banvænni en skæð inflúensa (kórónaveira með handþvotti og einhverjum fjarlægðarmörkum jafnvel mun vægari en inflúensa án handþvotts og fjarlægðarmarka) þá fer að fjara undan hinum yfirgengilegu aðgerðum sem mörg ríki gripu til.

Danir fóru að vísu aldrei í útgöngubann en þau yfirvöld sem gripu til slíks geta nú bara vonað það besta.

En sjáum hvað setur. Þetta er ekki búið þótt þetta sé að verða búið.

Athugasemdir

[Vagn (IP-tala skráð) 15.5.2020 kl. 11:31]

Ekki veit ég hvaðan bullið og þvælan sem þú lest og trúir kemur en engin ríki eru smátt og smátt að taka upp sænsku leiðina við veiru-ógn og ekki eru til nein gögn sem sýna að veiran sé á heildina litið ekki mikið banvænni en skæð inflúensa.

Þó Danir opni barina fyrst þá er óþarfi að sitja þar með álhattinn að sumbli frá morgni til kvölds. Nóg virðist þú hafa sprittað innvolsið meðan þeir voru lokaðir.

[Geir Ágústsson, 15.5.2020 kl. 12:20]

Vagn,

Ég ætlaði alls ekki að rugla þig í ríminu en skal reyna að vera skýrari:

Nú eru fleiri ríki að taka upp aðferðir, tungutak, nálganir, viðmiðanir, viðbúnað, opnanir og umgengnisreglur Svía.

[Vagn (IP-tala skráð) 15.5.2020 kl. 18:39]

Lyktin er sú sama þó þú kallir skítinn kúk.

[Þorsteinn Siglaugsson, 16.5.2020 kl. 09:53]

Arnar Sigurðsson skrifar áhugaverða grein um þetta í Moggann í morgun. Hann bendir þar á að líkur séu á að sýna megi fram á að meðalhófs hafi ekki verið gætt í aðgerðum gegn veirunni. Sé þetta rétt kann ríkisvaldið að standa frammi fyrir lögsóknum upp á fordæmalausar fjárhæðir í náinni framtíð.

[Örn Einar Hansen, 16.5.2020 kl. 15:53]

Alveg rétt hjá þér Geir. Menn eru að byrja að gera sér grein fyrir að hræðslupólitík vinstrisinna er lítið annað en blekking. Í raun er þessi veira, að engu leiti verri en "flensa". Í BNA, reiknar maður *alla* sem dáið hafa, en hafa veiruna í líkamanum, sem COVID-19 dauða. Þó svo að dánarorsökin hafi verið hjarta áfall, eða eitthvað annað. Í Kína, og Rússlandi reiknar maður einungis ef viðkomandi hafa dáið af völdum lungnabólgu og voru með þessa veiru. Í Kína, reiknaði maður ekki hvort viðkomandi hafi haft veiruna, heldur einungis ef viðkomandi hafi haft lungna vandamál ... þá voru þeir reiknaðir sem sýktir af þessari veiru.

Svo taka menn mark á mönnum eins og Fauci, sem fjármagnaði veiruna ...

[Geir Ágústsson, 18.5.2020 kl. 08:30]

Las grein Arnars. Mjög góðir punktar þarna! Ef yfirvöld sleppa ekki tökunum NÚNA þá hrannast upp gögn sem í síauknum mæli geta nýst til að lögsækja þau um fúlgur.

Örn,

Ég held að leiðir til að telja dauðsföll vegna COVID-19 séu jafnmargar og ríkin sem framkvæma slíkar talningar. 

https://www.politico.eu/article/why-is-belgiums-death-toll-so-high/

Eftir stendur að auðvitað er þetta bráðsmitandi veira en tiltölulega skaðlaus fyrir fólk undir áttræðu eða sem er án undirliggjandi sjúkdóma. Dánartíðnir eins og 0,1-0,2% virðast gilda víða. Svíar hafa misst marga eldri borgara á risahjúkrunarheimilum sínum, og innflytjendur sem búa þétt og knúsast og kyssast eins og enginn sé morgundagurinn.