Kolefnisjöfnun er hin nýja skattheimta

Sífellt fleiri tala nú um að kolefnisjafna hitt og þetta.

Til hvers?

Plöntur éta kolefni og nota til að stækka og framleiða súrefni. Heimurinn er að grænka. Náttúran kolefnisjafnar til lengri tíma.

Eldfjall gýs. Hvað er til ráða? Hækka skatta á íslenska bifreiðaeigendur?

Kolefnisóttinn er hin nýja skattheimta. Það mistókst að selja Vesturlandabúum kommúnisma. Nú er búið að klæða kommúnismann í grænan hjúp. Fólk virðist ætla að falla í gildruna og ætlar að neita íbúum Indlands, Kína og Afríku að afla sér hagkvæms eldsneytis og bæta lífskjör sín. Vesturlandabúar gefa auðvitað ekki frá sér sinn auð. Þetta er glapræði. 

Hættum að kolefnisjafna. Það er versta fjárfesting sem hægt er að hugsa sér, bæði fyrir fyrirtæki og einstaklinga til skemmri tíma og mannkynið til lengri tíma.

Hægt að kolefnisjafna losun sjókvíaeldis

Athugasemdir

[Ásgrímur Hartmannsson, 18.12.2018 kl. 15:35]

Þetta eru semsagt svona kolefnisjafnaðarmenn?

[Haukur Árnason, 18.12.2018 kl. 17:28]

"Gilbert Plass (1956) er síðan oft nefndur sem sá sem kom með lausnina. Hann hafði notað nýjustu mæliniðurstöður úr rannsóknastofum (þess tíma) á gleypnieiginleikum gróðurhúsalofttegunda og fundið út geislunarflæði á megin gleypnisviðum CO2 í lofthjúpnum og birti tilgátulíkan þar um (upp að 75 km hæð). Auk annars þá sýndi líkan hans þrýsting og hvernig gleypnisviðið breyttist með hæð, auk skörunar í litrófi. Samkvæmt niðurstöðum hans, þá myndi tvöföldun í styrk CO2 í andrúmsloftinu valda um 3,6°C hlýnun við yfirborð Jarðar. Að auki svaraði hann öllum helstu rökunum sem áður sýndu fram á að aukning CO2 í andrúmsloftinu hefði lítil áhrif. Plass (1956b) skrifaði grein um málið fyrir almenning, þar svarar hann helstu rökunum. Fyrst að gleypnisvið vatnsgufu og CO2 skarist:"............

Gæti trúað að þetta sé opphafið á vitleysunni. TILGÁTULíKAN Gilberts Plass.

[Valdimar Samúelsson, 18.12.2018 kl. 19:45]

Geir góð spurning en í morgun heyrði ég að það er engin stöðluð aðferð til að mæla CO2 og það kom fram líka að þessir háu herrar ætluðu fljótlega að koma sér saman um eins aðferð. Einfalda spurningin er: CO2 er þung lofttegund og er venjulega við yfirborð jarðar. Hvernig mælist þetta upp í 10 eða 20 km hæð.  

[Geir Ágústsson, 18.12.2018 kl. 20:51]

Valdimar,

Það er heldur ekki langt síðan menn játuðu að þeir hefðu stórkostlega vanáætlað það magn sem eldfjöll og aðrar holur í jörðinni dæla út. Samt halda menn fast í líkönin sín sem ættu í raun að vera komin á ruslahaugana, enda hafa þau aldrei spáð neitt rétt.

Haukur,

Já það getur vel verið að menn séu að nota 70 ára tilgátu til að réttlæta alsheimssósíalisma og kæfingu hagkerfa fátæka fólksins. Það kæmi mér raunar ekkert á óvart.

Ásgrímur,

Heyr heyr! Nútímagræningjar eru eins og melónur: Grænir að utan en komma-rauðir að innan. Takmarkið er að eyðileggja markaðshagkerfið.

[Kristinn Bjarnason (IP-tala skráð) 19.12.2018 kl. 07:28]

Ég er ekki sammála að það hafi mistekist að selja vesturlöndum kommúnisma. Það hefur í raun tekist að innleiða kommúnisma á vesturlöndum. Er einhver alvöru hægri flokkur við völd? Ríkisbáknin þénjast út og einstaklingurinn minnkar og minnkar.