Skiptir nákvæmlega engu máli

Losun Íslendinga og íslenskra fyrirtækja á koltvísýring skiptir ekki nokkru einasta máli af óteljandi ástæðum.

Látum það ótalið að koltvísýringur stjórnar ekki veðurfari né loftslagi Jarðar. Menn geta haft sína skoðun á því fyrir mér, og jafnvel látið plata sig til að trúa á línulegt samhengi einnar lofttegundar og hitastigsins eins og það leggur sig.

Nei, losun Íslendinga skiptir engu máli af því hún er svo gott sem engin.

Kínverjar auka losun sína á hverju ári um jafnmikið og heildarlosun Bretlands er í dag. Bretar geta því lamið sig til dauða og skattlagt sig í örbirgð til að forðast losun koltvísýrings án árangurs Kínverjar verða búnir að bæta upp fyrir missinn á einu ári.

Losun Íslendinga er líka lítil því þeir nota tiltölulega lítið af jarðefnaeldsneyti og losa helst koltvísýring með því að opna jarðveginn fyrir mó og öðrum rotnandi plöntuleifum í jörðu.

Og losunin fer minnkandi með nýrri og sparneytnari tækni, sem menn kaupa ekki til að minnka losun heldur til að lækka eldsneytiskostnað. Útgerðin er nálægt því búin að helminga sína losun undanfarin 30 ár með því að fjárfesta í nýrri tækni og skipuleggja siglingar sínar betur. 

Það kostar orku að lifa, og því meiri orku sem við höfum aðgang að því betra. Jarðefnaeldsneyti er hagkvæmt eldsneyti, og olía og gas hreint eldsneyti. Notum það og njótum.

Losun CO2 frá flugi eykst mikið

Athugasemdir

[Hrólfur Þ Hraundal, 31.10.2018 kl. 19:24]

Þakka þér fyrir gott mál og þarft.  Það er baulað mengun! Mengun!! Mengun!!! úr öllum áttum og eins og allur áróður þá hefur þetta áhrif. Auðvita á að ganga vel um, jafnt heima hjá sér sem annarstaðar. En að henda gamla 4L fjölskyldu bílnum sem kemst alt sem ætlast er til að hann komist sumar og vetur og kaupa rafmagnsbíl sem þarf að setja í bensínmiðstöð svo hægt sé að nota hann um vetur án þess að eiga á hættu að verða úti í honum föstum í 20cm snjó, það hugnast mér illa.   

[Geir Ágústsson, 31.10.2018 kl. 19:40]

Sullið í kringum þessi batterí er nú eitthvað lítið rætt því miður. 

[Aztec, 3.11.2018 kl. 20:44]

Losun CO2 er af hinu góða, því að koltvíldi er nauðsynlegt fyrir náttúruna. Koltvíildi er EKKI og HEFUR ALDREI VERIÐ mengunarvaldur. Þeir sem útbreiða hnattræna hlýnunarsvindlið, sem er byggt á gervivísindum og fölsuðum gögnum, er hægt að skipta í tvo hópa:

1. Auðtrúa aular, mestmegnis á vinstrivængnum, sem hafa látið blekkja sig.

2. Óheiðarlegt fólk sem hefur gert loftslagsstyrki frá hinu opinbera að lifibrauði á ýmsan hátt, en sem veit að koltvíldi hefur engin áhrif á hitstig jarðar.

Áróðurinn, sem rann frá rifjum Manns (sem ekki gat sýnt fram á fyrir dómnefnd í BC að útreikningar hans væru ófalsaðir) og Al Gores sem hagnaðist um fleiri milljónir dollara vegna opinberra styrkja gegnum fyrirtæki sín, hefur nefnilega ekkert með umhverfið að gera, heldur tilfærslur á fjármunum,úr vösum borgaranna yfir í ríkissjóðina annars vegar og ofan í vasa glæpamanna hins vegar. Út frá þessu hefur vaxið verzlun glæpasamtaka með kolefniskvóta, sem skattgreiðendur borga fyrir svo og alls konar ríkisstyrkt "kolefnisjöfnunar"verkefni (sic!).

Falla duglausir, íslenzkir stjórnmálamenn (og -konur) auk núv. og fyrrv. forseta í flokk 1 eða 2? Það er spurning. Flestallir af þeim hafa ekkert vit á vísindum eða eðlisfræði. En þeir/þær vita vel að svindlið skapar grundvöll fyrir ónauðsynlega umhverfisskatta og grundvöll til að sneiða hjá raunverulegum vandamálum. Á sama tíma eru haldnar Arctic Circle ráðstefnur þar sem aldrei er minnzt á það að spádómarnir um að norðurheimskautsísinn færi minnkandi hefði aldrei rætzt. Og ef einhver dirfist að benda á að CO2 mengar ekki og að vindmyllur og sólpanel geta aldrei keppt við jarðefniseldsneyti (þótt vatnsafls- og jarðhitaorka geti það hér á landi), þá er maður undireins sakaður um að ganga erinda olíufélaganna.

Trúin á hlýnun jarðar af völdum gróðurhúsalofttegunda er svo megn, að hún verður að flokkast undir bókstafstrú.