Losun frá blaðamönnum hefur aukist um 500%

Síðan vinstrimönnum tókst að sannfæra fleiri en örfáa um að koltvísýringur væri stórhættuleg lofttegund hefur blaðamönnum tekist að auka framleiðslu sína á innantómu lofti um mörg hundruð prósent.

Í stað þess að fjalla um veðrið, náttúruna, sveiflur, sólina, geimgeisla, víxlverkanir himins og hafs og gagnleg áhrif ódýrrar orku fyrir mannkynið fjalla þeir um ímyndað vandamál.

Auðvitað dettur engum stjórnmálamanni í hug að svipta sína þegna ódýrri orku og meira að segja ríkustu þjóðir eyða bara rétt svo nóg í óstöðuga og viðhaldsfreka orkuframleiðslu til að friða háværustu raddir. Meintar skuldbindingar um minnkandi losun í raun eru innantómt gaspur. Um það má fræðast í myndbandinu sem fylgir þessari færslu.

Það fer að koma að því að almenningur fái nóg af þessari þvælu og byrji að heimta raunverulegar fréttir í staðinn.

Losun frá flugi jókst um 13,2% milli ára

Athugasemdir

[Ásgrímur Hartmannsson, 28.8.2018 kl. 16:55]

En þú veist að tíminn er að renna út.  Það segja merkir og útlærðir vísindamenn eins og Al Gore.  Ef ekkert verður aðhafts fer eins og í heimildarmyndinni "the day after tomorrow" (https://www.imdb.com/title/tt0319262/?ref_=fn_al_tt_1)

Eða eitthvað.

[Geir Ágústsson, 28.8.2018 kl. 19:57]

Vandamálið er margþætt:

- Ef mannkynið ætlar að halda áfram að útrýma ungbarnadauða, hungri, fátækt og einangrun þarf það ódýra orku.

- Um leið er vissulega til orkuframleiðsla sem er sóðalegri en önnur, en hérna eru kolin í sérflokki í sóðaskap. Önnur orkuframleiðsla er nokkurn vegin sótlaus en auðvitað með allskyns tegundir af öðrum hliðarafurðum.

- Það er enginn stjórnmálamaður að fara herða að þegnum sínum svo neinu nemur til að eltast við loftslagslíkön. Danir hafa vissulega verið duglegir að refsa sjálfum sér en þeir eru líka að hugleiða aðra hluti með vindmyllum sínum en kolefnið, svo sem að verða óháðari olíu Miðausturlanda eða gasi Rússlands. 

- Kolefnið er eins og heit kartafla sem mun verða hent á milli ríkja að eilífu. Það er alltaf einhver annar sem þarf að skerða, minnka og draga úr. Svo er ýmsu lofað en alrei staðið við það (sjá punktinn að ofan).

- Líkönin og dómsdagsspádómarnir eru mjög, mjög hratt að missa allan trúverðugleika. Þannig er það bara. Þetta sjá bæði leikmenn og lærðir. Menn eru byrjaðir að leita annarra skýringa á eilífum og endalausum sveiflum í lofslaginu. 

- Í kringum kolefnið hefur byggst upp heilmikil rétttrúnaðarkirkja sem sópar til sín gríðarlegum fjárhæðum af fé skattgreiðenda. Það vill enginn innan þessarar kirkju missa þennan pening. 

- Stjórnmálamaður sem lofar X minnkun losunar á Y árum er alltaf að lofa langt út fyrir sitt valdatímabil en getur um leið ekki bundið hendur leiðtoga framtíðarinnar. Þetta getur kostað skattgreiðendur gríðarlega mikið því viðkomandi leiðtogi ýtir af stað miklum útgjöldum sem verða svo eins og valdastólpi komandi leiðtoga sem vilja jú geta haldið áfram að eyða um leið og þeir vilja kannski eyða í annað. Skattgreiðendur eru hér bundnir við akkeri sem vill ekkert frekar en drekkja þeim.

[Þorsteinn Briem, 28.8.2018 kl. 20:38]

Að sjálfsögðu er öllum heiminum, nema Bandaríkjunum, stjórnað af vinstrimönnum. 

[Þorsteinn Briem, 28.8.2018 kl. 20:44]

"Um 40% alls útblásturs gróðurhúsalofttegunda er í tveimur löndum, Bandaríkjunum og Kína, sem bæði fullgiltu samninginn 3. september 2016.

Bandaríkin drógu síðan þátttöku sína til baka með yfirlýsingu Donald Trump Bandaríkjaforseta 1. júní 2017."

[Þorsteinn Briem, 28.8.2018 kl. 20:56]

8.11.2017:

"Í þessari viku er árleg Loftslagsráðstefna Sameinuðu þjóðanna haldin í 23. sinn, nú í Bonn í Þýskalandi. Meðal helstu tíðinda sem borist hafa af ráðstefnunni er að Sýrlandsstjórn hefur nú undirritað Parísarsamkomulagið frá árinu 2015. Stjórnvöld í Nikaragúa ákváðu að undirrita samkomulagið fyrr í haust.

Eru þar með 197 ríki aðilar að samkomulaginu, að meðtöldum öllum aðildarríkjum Sameinuðu þjóðanna, nema Bandaríkjunum. Eins og frægt er var tilkynnt að þau myndu draga sig úr samkomulaginu skömmu eftir að Donald Trump tók við embætti forseta."

[Geir Ágústsson, 28.8.2018 kl. 20:57]

Rík vestræn ríki eru hætt að auka blástur sinn og það er þróun sem hófst fyrir tíð hinna ýmsu sáttmála. Kyrrmyndin af ástandinu í dag segir lítið um framtíðina, en s tutta myndbandið hérna mikið.