Vítamínsprautur

Margar íslenskar jarðir eru að komast í eigu erlendra fjárfesta. Þetta eru góðar fréttir. Þessir fjárfestar koma með peninga til að byggja upp. Þeir hafa í hyggju að þéna á fjárfestingu sinni en stundum þarf að eyða miklum peningum til að græða þá (og stundum tapast öll fjárfestingin og endar á brunaútsölu).

Það væri frábært ef Ísland gæti orðið að lúxusáfangastað fyrir ferðamenn. Slíkir ferðamenn eru tilbúnir að borga fyrir klósett. Þeir kúka síður á bera jörðina. Þeir vilja góðan mat og vín með. Þeir vilja herbergi með útsýni en um leið að það útsýni sé ósnortin náttúra. 

Á tímabili leit út fyrir að yfirvöld ætluðu að reyna stöðva erlenda fjárfestingu í jörðum. Það hefði verið slæm hugmynd. Við vitum öll hvaða ríki það eru sem stöðva erlenda fjárfestingu: Fátæk ríki.

Framtíð íslensks ferðamannaiðnaðar er björt ef greinin fær að laða að sér efnaða fjárfesta, innlenda og erlenda.

4.700 hektara jörð seld með hóteli

Athugasemdir

[Þorsteinn Briem, 10.7.2018 kl. 14:13]

Ferðamannaþjónusta er þjónusta en ekki iðnaður og erlendir ferðamenn hér á Íslandi skíta hér peningum, sem við Íslendingar almennt fögnum að sjálfsögðu.

Vegna hás gengis íslensku krónunnar er Ísland nú þegar lúxusáfangastaður fyrir erlenda ferðamenn og reyndar er ekki ódýrt heldur fyrir þá sem búa hér að ferðast um landið.

Hátt verð í erlendri mynt fæst einnig fyrir íslenskar sjávarafurðir erlendis.

Vandamálið er því íslenska krónan, sem veldur útflytjendum vöru og þjónustu hér á Íslandi erfiðleikum.

Við Íslendingar eigum langmest viðskipti við önnur Evrópuríki og eigum því að taka upp evru sem gjaldmiðil okkar.

Á evrusvæðinu búa fleiri en í Bandaríkjunum og um 80% af íslenskum sjávarafurðum eru seld til Evrópska efnahagssvæðisins.

Og tóm della að mjög margir erlendir ferðamenn ferðist um Ísland. Erlendir ferðamenn eru til að mynda mun fleiri í Danmörku en hér á Íslandi, sem er mun stærra land en Danmörk en með miklu færri íbúa.

Erlendum ferðamönnum hefur hins vegar fjölgað mikið hérlendis undanfarin ár, meðal annars vegna þess að tiltölulega ódýrt er að fljúga á milli landa, mun fleiri flugferðir og frá fleiri löndum eru í boði en fyrir nokkrum árum, fólk almennt í heiminum ferðast nú mun meira en áður og kaupmáttur mjög margra Asíubúa, til að mynda Kínverja, hefur aukist mikið.

[Þorsteinn Briem, 10.7.2018 kl. 14:23]

"Tourism in Denmark constitutes a growth industry.

Tourism is a major economic contributor at approx. DKK 82 billion in revenue and 120,000 full-time-equivalent-jobs annually, for the tourism experience industry alone in 2014."

"The World Tourism rankings of UNWTO show that Denmark had 8.7 million visitor arrivals in 2010."

Árið 2014 dvaldi hins vegar um ein milljón ferðamanna hér á Íslandi, sem er eitt strjálbýlasta land í heimi, er þar í 244. sæti og Ástralía er í næsta sæti.

En í Danmörku, sem er 42% af stærð Íslands, búa um 5,7 milljónir manna, þremur milljónum færri en erlendu ferðamennirnir þar.

Um 3,4 milljónir manna heimsóttu Yellowstone-þjóðgarðinn í Bandaríkjunum árið 2012 en garðurinn var stofnaður árið 1872 og ég veit ekki betur en að hann sé í góðu lagi.

Yellowstone National Park

"Hann var það, Steini, þegar ég kom þangað 2008."

Ómar Ragnarsson, 20.3.2013

[Þorsteinn Briem, 10.7.2018 kl. 14:30]

"Aðilar, sem njóta réttar hér á landi samkvæmt reglum samningsins um Evrópska efnahagssvæðið (EES) eða stofnsamnings Fríverslunarsamtaka Evrópu (EFTA) um frjálsa för fólks, staðfesturétt, þjónustustarfsemi eða fjármagnsflutninga, geta öðlast heimild yfir fasteign hér á landi án leyfis dómsmálaráðherra, enda þótt þeir uppfylli ekki skilyrði 1. mgr. 1. gr. laga um eignarrétt og afnotarétt fasteigna."

Reglugerð um rétt útlendinga, sem falla undir samninginn um Evrópska efnahagssvæðið eða stofnsamning Fríverslunarsamtaka Evrópu, til að öðlast eignarrétt eða afnotarétt yfir fasteignum, nr. 702/2002

Á Evrópska efnahagssvæðinu eru Evrópusambandsríkin, Ísland, Noregur og Liechtenstein og í EFTA eru Ísland, Noregur, Sviss og Liechtenstein.

"Fasteign merkir í lögum þessum afmarkaðan hluta lands ásamt lífrænum og ólífrænum hlutum þess, réttindum sem því fylgja og þeim mannvirkjum sem varanlega er við landið skeytt."

Jarðalög nr. 81/2004

[Geir Ágústsson, 10.7.2018 kl. 14:38]

Þetta er allt saman mjög fróðlegt. Auðvitað mega útlendingar kaupa jörð á Íslandi rétt eins og Íslendingar kaupa ýmislegt í útlöndum, frá spænskum sumarhúsum til þýskra útgerða. Þétt samvinna í viðskiptum er gott mál.