Ljósmæður eru ríkiseign, og vilja ekkert annað

Ljósmæður geta ekki valið um aðra atvinnurekendur en opinbera aðila. Ég hef ekki séð eina ljósmóður berjast fyrir því að annað sé í stöðunni.

Það er mikið framboð af fólki sem vill vinna sem ljósmæður - svo mikið það þarf að setja upp mjög stífar aðgangshindranir að ljósmæðrastéttinni (langt nám) til að hún fyllist ekki af fólki. 

Svo já, þær eru ríkiseign og gera ekkert til að breyta því ástandi.

Hafa engin vopn í baráttunni

Athugasemdir

[Sigrún Guðmundsdóttir (IP-tala skráð) 1.5.2018 kl. 20:34]

Tja, það er þó nokkur fjöldi ljósmæðra sem vinnur sjálfstætt og það er búið að semja við þær. 

En það er eitt sem lítið er rætt.  Það er af hverju ljósmæður hjá hinnu opinbera vilja endilega vera í Ljósmæðrafélaginu en ekki í Félagi íslenskra hjúkrunafræðinga sem hjúkrunarfræðingar með framhaldsmenntun sem þær eru?  Og hljóta þá að fá þessa framhaldsmenntun metna eins og annað Mastersnám í hjúkrunarfræði. 

Í Ljósmæðrafélaginu eru enn starfandi ljósmæður sem eru með 2ja ára nám í ljósmóðurfræðum eftir Gagnfræðapróf.  Það hlýtur að skekkja myndina. 
Það má endilega leiðrétta mig ef ég er eitthvað að misskilja. 

 

[Kolbrún Hilmars, 1.5.2018 kl. 21:32]

Þetta er rétt hjá þér, Sigrún.  Mismunur á menntun ljósmæðra fyrr og nú ætti að skipta máli, stéttarfélagslega séð.  En ég spyr eins og þú; eru nútímans framhaldsmenntuðu hjúkrunarfræðingar, þ.e. ljósmæður, í gamla félaginu af fúsum og frjálsum vilja?

[Geir Ágústsson, 2.5.2018 kl. 06:22]

Ég þekki eina ljósmóður sem er með grunnskólaprófið og 3 ára ljósmæðranám frá Danmörku á bakinu. Ég efast ekki um að hún sé ein besta ljósmóðir sem fyrirfinnst. 

En já ætli það flæki ekki launaviðræður að vera með sprenglærðar ljósmæður - góðar og lélegar - í bland við minna menntaðar ljósmæður - góðar og lélegar. Vissulega starfa sumar sjálfstætt en ráða þær launatöxtum sínum? Tannlæknar starfa sjálfstætt en mega ekki auglýsa verðskrá sína. Búa ljósmæður við svipaðar takmarkanir á málfrelsi sínu? 

Hugsanlega eina heilbrigðisstéttin á Íslandi sem sameinar ánægða viðskiptavini, samkeppnishæft verðlag og frjálst aðgengi að starfsstétt sinni er sú sem læknar sjóndepurð. Og jú, hin sem stækkar brjóst. 

[Ragnhildur Kolka, 2.5.2018 kl. 12:59]

Fyrir rúmlega25 árum vann ég á Heilsuverndarstöðinni þ.s. ég átti í miklum samskiptum við verðandi mæður og ljósmæður þeirra. Aldrei heyrði ég annað en vel látið af störfum ljósmæðranna. Obbinn af ljósmæðrunum var af “gamla” skólanum. Þær voru flestar á aldrinum 55 og upp úr. Þær sem komu nýjar inn voru hins vegar allar með hjúkrunarnám að baki. Nú í dag, geta því varla verið margar eftir í “gamla” hópnum. 

Það hefur frá upphafi verið gert ráð fyrir að þegar starfshópar flytjast úr BSRB yfir í BHM, vegna aukinna menntunarkrafna, þá flyst allur hópurinn yfir. Enda fækkað af náttúrulegum orsökum í “gamla” hópnum.

Mig grunar að þessi tregða hjá samninganefnd ríkisins hafi eitthvað að gera með upphaflegu ákvörðunina að gera, þ.e. að gera hjúkrun að forkröfu námsins.

[Kolbrún Hilmars, 3.5.2018 kl. 17:14]

Þessi kjarabarátta snýst ekki um hver er góð ljósmóðir og hver ekki.  Hún snýst um kjarabaráttu háskólamenntaðra ljósmæðra og hvort þeirra 6 ára nám eigi að skila sér í launakjörum. 
Ef til vill ekki sambærilegt; en hvað með fagmenntaðan trésmið með sveinspróf, sem bætir við sig tæknifræðinámi.  Fer hann þá í félag tæknifræðinga, eða verður hann áfram félagi í trésmíðafélaginu?