Gagnrýnir neytendur eru öflugri en nokkurt regluverk

Af hverju ætti nokkur að vilja kæfa rödd neytenda? Gera hana máttlausa? Taka hana úr sambandi?

Gagnrýnir neytendur eru öflugri en nokkurt regluverk. Þeir standa í hárinu á veitendum þjónustu og framleiðendum varnings. Um allan heim eru þúsundir neytendasamtaka sem láta mæla innihald, hraða og frammistöðu allskyns varnings, frá farsímum til leikfanga. Neytendur lesa niðurstöðurnar og taka afstöðu. Þeir láta ekki bjóða sér hvað sem er. Þeir sem eru sviknir láta vita af því og vara aðra við. Þeir sem eru ánægðir segja líka sögu sína og sannfæra aðra um að njóta sömu góðu kaupa. 

En það finnast afkimar í samfélaginu þar sem rödd neytenda er veik og jafnvel ekki til staðar. Það eru afkimar þar sem fólk þarf að eiga samskipti og viðskipti við rekstur í ástandi ríkiseinokunar. Margir foreldrar hafa t.d. engan raunverulegan valkost þegar kemur að menntun barna sinna. Margir sjúklingar hafa engan valkost þegar kemur að meðhöndlun á meinum sínum. Flestir ökumenn neyðast til að raða sér í sömu biðröðina í vegakerfinu á hverjum degi og keyra um á holóttum vegum.

Fólk sem neyðist til að eiga við rekstur í ástandi ríkiseinokunar getur kvartað, skrifað bréf eða biðlað til þingmanna en það þarf enginn að hlusta. Mál má setja í ferli, úrskurði má kveða og loforð má gefa út en það breytir engu. Ríkiseinokunarreksturinn heldur áfram að fá sínar tekjur og sína skjólstæðinga. Stjórnendur halda sínum störfum. 

Væri ekki ráð að efla frekar rödd neytenda en veikja hana?

Einkavæðum allt. 

Apple biðst afsökunar

Athugasemdir

[Anna Sigríður Guðmundsdóttir (IP-tala skráð) 29.12.2017 kl. 15:40]

Geir. Í raun getur enginn beðist afsökunar á einhverju, því skaðinn af sökinni hefur átt sér stað. Hvort sem það er Apple, með ormétna holuna á Applemerkinu, eða aðrir. þá verður sök aldrei afmáð. Þannig er þetta bara, hvort sem okkur líkar það betur eða verr. Það er ekki í boði að spóla til baka á byrjendareit, og byrja svo uppá nýtt með afskráðar syndir. Lögmál lífsins leyfa ekki svindl.

Það eru bara sumir óvandaðir trúarbragða-heimsveldisklerkar sem hafa komist upp með að halda því fram í skjóli valds og blekkinga, að hægt sé að kaupa sér synda aflausn. Og halda svo áfram á sömu syndabraut eins og ekkert hafi skaðast vegna ábyrgðarleysis "stóru stjóranna".

Það er hægt að biðjast einlægrar fyrirgefningar, en það er ekki hægt að biðjast af-sökunar á því sem gert hefur verið.

Neytendur eru, og hafa alla tíð verið burðarstólpar heims-samfélagsins. Rödd neytenda er valdamesta sannasta rödd jarðarbúa.

Ég er svo vel staðsett í lífinu á jörðinni í dag, að hræðast ekki neytendagagnrýnis slátrarana siðblindu. Það er forréttindastaða sjálfstæðra sálareinstaklinga, að vilja frekar deyja heldur en að láta hóta sér og kúga sig, til meðvirkni með illum öflum. Þakkarvert.

Ekki eru allir jafn vel staðsettir í sinni tilveru óttaleysis á jörðinni, og það er mjög skiljanlegt.

Góður maður sagði við mig að líklega væri best að hafa einræðisherra til að stjórna. Ég sá þann galla á einræðinu, að ef einræðisherrann væri ósanngjarn, þá væri slíkt fyrirkomulag stjórnsýslunnar ekki gott.

Niðurstaða eftir smá íhugun um einræðisherra er sú, að allt fólk verður víst að læra að virða réttindi og frelsi jarðarbúa, meðan réttindin og frelsið skaðar ekki aðra. Og ekki síst verða allir að taka ábyrgð á sínu frelsi, og sínum réttindum til að ráðskast með sjálfan sig og aðra. Það er vægast sagt mjög flókið verkefni. Nánast ómögulegt?

Við sitjum föst í stjórnsýslu-ófærðinni "réttar" stjórastýrðu í alþjóðasamfélaginu ringlaða og áttavillta. Vald mannfólksins á jörðinni er svo lítið og varnarleysið er algjört.

Þess vegna bið ég alheimsvíddanna almættisorkuna algóðu og alvitru svona oft um að stjórna, og vernda allt sem er sanngjarnt, skaðlaust og friðvænlegt. 

M.b.kv.

[Grímur (IP-tala skráð) 29.12.2017 kl. 19:34]

Er ekki slagorð sterkustu neytendasamtaka í heimi

Money talks shit walks

[Anna Sigríður Guðmundsdóttir (IP-tala skráð) 29.12.2017 kl. 20:51]

Grímur. Ekkert er ókeypis. Ekki einu sinni almættið algóða getur né vill skaffa fólki peninga. Sumt er ekki hægt að kaupa. Þó er mögulegt að biðja verndarviskuna almáttugu um að stjórna öllu til farsældar. Það er ókeypis að biðja almættisverndarana og Guð almáttugan um vernd og blessun. Frekar einfalt og aðgengilegt fyrir alla. En frekar lítið auglýst sem ókeypis möguleg hjálp.

Peningar eru því miður nauðsynlegir.

Útskúfaðir, heilbrigðis/velferðar-kerfis sviknir, og sjúkir einstaklingar, eru markvisst sviknir af opinbera og skattpínandi kerfinu. Og eiga oft ekki annarra stjórnlausa hugans kosta völ, heldur en að ganga erinda illra afla. Það eru margar hliðar á öllum málum.

Best að sem flest sjónarhorn fái að birtast, frá öllum sjónarhornum allra í mannssorpinu ólíka og misjafna.

M.b.kv.