Þegar tími gefst fyrir raunverulega glæpi

Það eru alltaf góðar fréttir þegar lögreglunni tekst að stöðva raunverulega glæpi.

Meðal raunverulegra glæpa eru: Þjófnaður, ofbeldi að fyrra bragði (sjálfsvörn má telja eðlilegt ofbeldi sé hún í hlutfalli við umfang árásarinnar), frelsissviptingu og ógnanir þar sem ofbeldi er hótað.

Því miður fer alltof mikið af tíma lögreglu og yfirvalda í allskonar annað en glæpi. Má þar nefna framleiðslu, dreifingu, sölu og neyslu allskyns efna. Það á heldur ekki að vera hlutverk lögreglu að sinna starfi foreldris og hella niður áfengi eða gera upptækar þurrkaðar plöntur, jafnvel þótt sá varningur sé í höndum unglinga. 

Lögregla sóar að auki miklum tíma í pappírsvinnu vegna allskyns verknaða sem eru í raun ekki glæpir, bara lögbrot. 

Það er einfaldlega til of mikið af lögum sem draga athyglina frá raunverulegum lögreglustörfum. 

Tvennt er þá í stöðunni: Annars vegar að fækka lögum og þar með lögbrotum, sem má teljast ólíklegt að gerist í umhverfi pólitísks rétttrúnaðar þar sem meira og meira er bannað. Hins vegar að lögreglan sýni meira frumkvæði í forgangsröðun sinni og hætti einfaldlega að eyða púðri í verknaði sem eru fyrst og fremst lögbrot en ekki glæpir.

Um leið má losa gríðarlegan mannafla til að sinna raunverulegri löggæslu, stöðva þjófnaði, uppræta mansal og koma í veg fyrir ofbeldi.

Eða á ég að vera kræfur og segja að lögreglan og ríkisvaldið séu ekki starfi sínu vaxin, og að það mætti byrja að hugleiða annars konar fyrirkomulag á vernd gegn ofbeldi og þjófnuðum? Eitthvað í samkeppnisrekstri sem nýtur aðhalds? 

Björguðu um 30 fórnarlömbum mansals

Athugasemdir

[Sigþór Hrafnsson (IP-tala skráð) 26.11.2017 kl. 14:38]

Hvað vil formaður Frjálshyggjufélagsins gera í þessu, einkavæða lögregluna?

[Geir Ágústsson, 27.11.2017 kl. 08:16]

Ekki veit ég hvað formaður félagsins vill gera. Hann þarf að svara því sjálfur.

En persónulega þá er ég ekki hrifinn af lögvarinni ríkiseinokun í neinu. Hún sviptir fólk valfrelsi og sviptir rekstraraðilann aðhaldi. Um leið veldur skortur á markaðsverði því að rekstraraðilinn hefur ekki nein tæki í höndunum til að meta ávinning af útgjöldum. Allt þetta veldur deyfð fyrir þörfum skjólstæðinganna og sóun á fé, tíma og mannafla. 

Þetta gildir um allan rekstur, bæði þann sem Samkeppniseftirlitið skiptir sér af og annan sem Samkeppniseftirlitinu er sagt að láta óafskipt.

Svo já, mín skoðun er sú að hér eigi að aflétta ríkiseinokun. 

[Sigþór Hrafnsson (IP-tala skráð) 27.11.2017 kl. 14:12]

Það er slæmt að heyra Geir, það þýðir að þú er í raun Anarcho Kapitalisti (https://en.m.wikipedia.org/wiki/Anarcho-capitalism).

Allt fyrir pening og lífið verður frábært! Hehehe þvílik moðsuða.

En takk fyrir að opna þig með þetta, þetta er líklega pínu eins og að koma út úr skápnum :)

[Geir Ágústsson, 28.11.2017 kl. 09:19]

Sigþór,

Ekki veit ég hvar þú kynnir þér stjórnmálaheimspeki og hvað mismunandi hugsjónir standa fyrir. Sértu opinn fyrir lesefni sem lýsir hugsjónum mínum betur bendi ég gjarnan á það.

Ekki veit ég hvernig þú komst að þeirri niðurstöðu að ég hafi verið í einhverjum skáp og sé að koma úr honum núna. Ég er opinberlega yfirlýstur frjálshyggjumaður sem jafna ríkisvaldinu við skipulega glæpastarfsemi við hvert tækifæri. 

Sé ætlun þín að láta taka þig alvarlega í umræðunni legg ég til að þú einbeitir þér frekar að því að rökstyðja eigin skoðanir heldur en einblína á að gera öðrum upp skoðanir. 

[Sigþór Hrafnsson (IP-tala skráð) 28.11.2017 kl. 16:08]

Röksemdafærslan felst í því að þeir sem eru tilbúnir að ganga yfir það mark að einkvæða lögregluna, eins heimskulegt og það er (þarf ég að rökstyðja það líka?) eru komnir í flokk með Anarcho Capítalistum að mínu viti. Ég hef ekki heyrt að nýfrjálshyggja sé með þessa stefnu en ég veit að Anarcho Capítalistar hafa hana, þeir vilja ekkert ríki þ.e. einkavæða allt m.ö.o. Allt fyrir pening og lífið verður brilliant.

Ég hefði haldi að maður sem stúderar pólitík vissi meira um þetta en raun ber vitni. Vissir þú að það var nýfrjálshyggjumaður sem kom með Anarcho Capitalisma? Þetta er beint framhald af nýfrjálsh.

Héðan í frá mun ég kalla alla "Nýfrjálshyggjumenn" Anarkó Kapítalista, því það er stefnan sem þeir halla sér að í raun. Svipað eins og með Stalín og Kommúnisminn sem var einhvað allt annað en Kommúnismi. 

[Geir Ágústsson, 28.11.2017 kl. 17:57]

Er ekki nægur hugtakaruglingurinn í stjórnmálum nú þegar? 

Þú ert sennilega að ruglast á enska orðinu "neo-liberalism" (nýfrjálslyndisstefna?) og enska "libertarianism" (frjálshyggja). 

[Sigþór Hrafnsson (IP-tala skráð) 28.11.2017 kl. 19:09]

Stjórnmál er að deyja vegna hugtakarugls, það er vel.

Nýfrjálshyggja, frjálshyggja, anarkismi, who cares. Þetta er allt sama moðsuðan sem gengur út á að frelsa hugsjónina og þá muni hún ganga upp í raunheimum. Það er draumur einn og hugsanavillurnar ansi margar.