Önnur sjónarmið en fagleg skipta líka máli

Í Reykjavíkurborg er nú að komast upp um vinaráðningu svokallaða, þ.e. ráðningu í mikilvægt embætti á vin eða hliðhollum einstaklingi sem berst fyrir réttum málstað óháð því hverjir skipar borgarstjórn. Oft er mikilvægara fyrir stjórnmálahreyfingar að hafa embættismannakerfið hliðhollt sér en að vera í kjörnum meirihluta.

Vinaráðningar voru sennilega algengari áður en í dag. Sendiherrar eru oft skipaðir til að koma góðum vinum í vel launaðar stöður eftir að hafa dottið úr leik í stjórnmálunum. Allskyns rektorar, forstjórar ríkisfyrirtækja og forstöðumenn stofnana fara í gegnum sýndarráðningarferli áður en þeir taka við fínu stöðunum sínum. 

Stundum eru vinatengslin mikilvæg. Fyrir ákveðna stofnun eða embætti getur verið mikilvægt að vera undir stjórn manneskju með djúp tengsl inn í stjórnkerfið og hið opinbera almennt til að toga þar í spotta og reka á eftir málum. Að hafa réttu aðilana í símaskrá sinni getur skipt meira máli en að kunna á alla ferlana og einstigin í stjórnsýslunni. Það má til dæmis teljast líklegt að Háskólinn á Bifröst hafi góðan aðgang að stjórnsýslunni með núverandi rektor við stjórnvölinn. 

Allur þessi sirkus er samt bara einkenni á sjúkdómi sem er sá að hið opinbera leikur alltof stórt hlutverk í samfélaginu. Innan þess eru menn ekki ráðnir eða reknir á heilbrigðum forsendum. Menn eru skipaðir eða ráðnir til að verja hagsmuni á kostnað annarra. 

Segir vinnubrögð borgarstjóra vítaverð

Athugasemdir

[Bjarne Örn Hansen (IP-tala skráð) 11.8.2017 kl. 10:31]

 Nú ætla ég að taka svolítið í eyrnasnepilinn á þér ... en gef til kynna að ég er sammála, að hluta.

 Vandamálið í mínum augum, er að hvergi er hægt að sjá "fagmensku" í nútíma þjóðfélagi.  Skólarnir "selja" mentunina, og voru meðal annars Íslendingar einna fyrstir að fá "keypta" slíka menntun.  Á tíma "marshal" laganna, gilti einnig lög um að brúa bil milli "menntunar" landa.  Þetta var gert, með að "lækka" kröfur náms og skila ákveðinna hópa.  Íslendingar "eins og Benedikt Jóhannesson" fengu margir þessa "hliðhollu" menntun erlendis.

 Þetta "vandamál" er enn stærra í dag ... en áður.

 Til að gera langa sögu stutta, það er enginn trygging að "pappírar" uppá "fagmensku" sé betri en "vinaráðning".  Hvorutveggja geta verið gersamlega ófærir í starfið, eða báðir full gildir í faginu.

[Geir Ágústsson, 11.8.2017 kl. 11:51]

Það var eins og einhver sagði að það er varasamt að rugla saman menntun og lærdómi. 

[Grímur (IP-tala skráð) 11.8.2017 kl. 20:44]

Ég var mjög skeptiskur á jafnlaunavottun ennnnnnnnnn

Grundvöllur hennar er að það sé til trúverðug starfslýsing og launin séu greidd í samræmi við aðrar starfslýsingar

og ef til er alvöru starfslýsing þá er auðvelt að velja besta umsækjandan

[Ásmundur (IP-tala skráð) 12.8.2017 kl. 17:52]

Hvað er að þessari ráðningu? Staðan var auglýst og sú sem var talin hæfust var valin.

Hún hefur verið staðgengill borgarlögmanns undanfarin ár og augljóslega verið talin standa sig vel. Það hefur ekkert komið fram um að hinn umsækjandinn hafi verið talinn hæfari.

Það má að vísu gagnrýna að staðan hafi ekki verið betur auglýst. En hefði það breytt einhverju? Sú sem var valin hefur það forskot að það er góð reynsla af henni auk sem að hún er kona. Lögum skv verður því að ráða hana ef aðrir umsækjendur eru karlar og teljast jafn hæfir.

Hér er engin spilling á ferðinni í líkingu við skipun í dómarastöður hjá Landsrétti þar sem lög voru brotin með órökstuddum ráðningum gegn vali hæfnisnefndar og með því að greiða ekki atkvæði á Alþingi um hvern og einn.

[Geir Ágústsson, 13.8.2017 kl. 10:47]

Félagi minn sagði mér einu sinni sögu af því hvernig menn komast að í feitar stöður hjá hinu opinbera.

Fyrst er einhver félaginn ráðinn "tímabundið" í "hlutastarf".

Eftir ár eða tvö er staðan svo auglýst. Í starfslýsingu er krafist þess að viðkomandi hafi reynslu af nákvæmlega sama starfi. Þar með er enginn annar hæfur en sá sem sinnti starfinu í hlutastarfi. Vinurinn fær fastráðningu og lög um opinbera stjórnsýslu eru sniðgengin.