Miðstýrð ríkiseinokun í vandræðum - kemur það einhverjum á óvart?

Það er kominn tími til að stokka upp allt skólakerfið á Íslandi og þá sérstaklega grunnskólakerfið.

Látum greiðslufyrirkomulagið aðeins eiga sig. Það virðist vera almenn sátt um að borga háa skatta til að fjármagna grunnskólamenntun. Fólk telur það hafa marga kosti í för með sér. Gott og vel, látum þá heimsmynd eiga sig.

En af hverju þarf hið opinbera (hér: sveitarfélögin) að reka skóla? 

Af hverju þarf hið opinbera að skipta sér af því hvað er kennt í skóla fyrir utan almennar viðmiðanir um að krakkar læri að lesa, skrifa, reikna og kynnast aðeins tungumálanámi og náttúruvísindum?

Það er kominn tími til að skera hérna aðeins á tengslin. Það er eitt að hið opinbera innheimti skatta til að standa undir grunnskólamenntun. Að það sé líka að vasast í rekstrinum og námsskránni er allt annað.

Hið opinbera ætti að draga sig algjörlega út úr rekstri grunnskóla með öllu sem því fylgir: Kjarasamningar, viðhald, þrif, stefnumótun, mætingartímar, námsskrá og hvaðeina. 

Því hvað gerist þá?

• Skólarnir þurfa að keppa um það fjármagn sem fylgir kennslu barna (í kennslu, kostnaði, umgjörð og kennslu)
• Kjaradeilur heyra sögunni til. Skólarnir verða sjálfstæðar rekstrareiningar sem sjá um að ráða og reka eftir þörfum
• Kennarar fá faglegt frelsi
• Skólar fá aukið svigrúm til að prófa nýjar kennsluaðferðir
• Skólar hætta að vera pólitískt bitbein og starfsmenn sveitarfélaga geta hugað að öðru

Einkavæðum skólana, þar sem fyrsta skrefið er aðskilnaður fjármögnunar og reksturs.

„Nýir kennarar fást ekki til starfa“

Athugasemdir

[Elín Sigurðardóttir (IP-tala skráð) 7.11.2016 kl. 14:46]

Þetta er náttúrulega allt saman Trump að kenna.  Hann er bæði fyllibytta og fasisti.

[Geir Ágústsson, 7.11.2016 kl. 15:06]

Já mikil ósköp en ekki því að kennarar eru múlbundnir inn í opinbert kerfi sem sýgur úr þeim orkuna og skammtar þeim laun eftir starfsaldri og fjölda háskólagráða. 

[Elín Sigurðardóttir (IP-tala skráð) 7.11.2016 kl. 16:40]

Þegar formaður félags leikskólakennara kallar eldri borgara skyndilausn þá er ljóst að eitthvað mikið er að.  Ég gef satt að segja ekki mikið fyrir kennara.  Því miður.

[Palli Gardarsson (IP-tala skráð) 7.11.2016 kl. 17:47]

Á ríkið nokkuð að skipta sér af því sem það stjórnar ekki? Er ekki galið á ríkið ákveði hvað einkareknir skólar eigi að hafa til ráðstöfunar?
Tökum frjálshyggjuna alla leið og látum foreldrana ákveða sjálfa hvað þeir vilja greiða fyrir menntun barna sinna og við hin getum verið á barnum.

[Geir Ágústsson, 7.11.2016 kl. 19:21]

Palli,

Nú veit ég ekki hvort þú varst kaldhæðinn eða hvað en það er sannleikskorn í þessu hjá þér.

Niðurgreiðslur auka eftirspurn og hækka verðlag. Ríkiseinokun ver fyrir samkeppni og hækkar verðlag. Vernduð stétt sem getur sett aðgangshindranir í formi háskólaskirteina og kennsluleyfa getur hækkað verð eigin vinnu. Rekstur sem er ekki rekinn á markaðskjörum er rekinn í blindni og getur ekki ákvarðað hæfilega notkun fjár til hinna og þessara verkefna.

Allt þetta og meira til er einkenni hins ríkisrekna menntakerfis (meðal annarra kerfa).

Neytendur sem kaupa baunadós í Bónus hætta því ef sambærilegar eða betri baunir fást á lægra verði í Krónunni. Þetta þrýstir eftirspurn baunadósa í Bónus niður sem þrýstir Bónus til að prútta við birgja sína sem prútta við sína birgja sem lækkar verð, hækkar eftirspurn og eykur sölu. 

Foreldri sem er ósatt við Ríkisskóla A hefur ekki annað val en Ríkisskóla B, og báðir skólar vita það. Þeir þurfa ekki að skera niður eða hagræða eða minnka tímasóun. Nei, þeir keyra sig bara í hallarekstur og biðja um meira fé frá skattgreiðendum.

Svo já, markaðsaðhald foreldra er gott, og nei, fé sem ríkið skilur náðarsamlegast eftir í vösum barnlausra fer líklega ekki nema að litlu leyti á barinn (sem er sjálfur að skipta við ríkiseinokunarfyrirtæki). 

[Elín Sigurðardóttir (IP-tala skráð) 7.11.2016 kl. 20:16]

Er ekki líka galið að hafa börnin bryðjandi lögleg ávanabindandi lyf frá vel menntuðum læknum í allt of stórum bekkjum á vegum ríkisins.  Einhvern veginn verða kennararnir jú að hafa hemil á allri hjörðinni.