Bjarni svarar fyrir sig - loksins

Ríkisstjórnin virðist ætla að svara fyrir sig í ESB-málinu. Það er gott. Ég hef saknað þess hér og á fleiri sviðum. Óttinn við hljóðnema ESB-fjölmiðlanna er óþarfur. 

Ég ætla samt að leyfa mér að hugga stjórnarandstöðuna svolítið, enda er hún greinilega svekkt yfir því að ríkisstjórnin skuli ekki berjast fyrir stefnumálum hennar.

Utanríkisráðherra fer með mikil völd samkvæmt stjórnarskrá. Hann getur sótt um aðild Íslands að ýmsu og dregið til baka umsóknir um slíkt, enda sé ekkert bundið í lög eða aðild ekki staðfest. Það er ekki rétt að hann þurfi að hafa á bak við sig þingsályktunartillögu eða niðurstöður þjóðaratkvæðagreiðslu. 

Næsta ríkisstjórn verður kannski mynduð af ESB-flokkum. Þeir geta jafnauðveldlega og núverandi ríkisstjórn breytt stöðu Íslands í viðræðum við ESB um aðild. Utanríkisráðherra fer einfaldlega með umboð ríkisstjórnar til Brussel og afhentir bréf. Alþingi þarf svo að veita fjárlagaheimildir fyrir útgjöldum vegna slíkrar aðildarviðræðna og e.t.v. breyta stjórnarskránni þannig að hún heimili framsal fullveldis Íslands. En mikið flóknara er þetta ekki.

Utanríkisráðherra var í fullum rétti þegar hann stöðvaði aðildarviðræður, og sá næsti verður í fullum rétti ef hann hefur þær aftur.

Er þetta ekki ákveðin huggun fyrir ESB-flokkana?

Það er e.t.v. sárt fyrir suma að sjá að yfirvöld í lýðræðisríki berjist fyrir öðru en stefnu ríkisstjórnarinnar. En þannig er það nú. Ég hef fyrir löngu sætt mig við að mín pólitísku baráttumál fái lítinn hljómgrunn hjá þingmönnum. ESB-fólk ætti að temja með sér álíka umburðarlyndi, hafi hún á annað borð áhuga á lýðræði. 

Dauðadæmt án pólitísks vilja

Athugasemdir

[Jón Steinar Ragnarsson, 17.3.2015 kl. 09:00]

Ef Samfylkingin kemst í stjórn aftur mun hún fyrst og fremst leggja áherslu á að vekja stjórnarskrármálið upp frá dauðum með hefðbundinni reykjarslæðu til að dylja tilganginn.

Drög stjórnlagaráðs voru lög undir mat ESA ( sem segir allt um tilganginn) og ESA gaf þeim falleinkun m.a. Vegna þess að of margir fyrirvarar voru á framsalsákvæðum. Þar stoppaði raunar umsóknin, þótt ekki hafi verði haft hátt um þessi tengsl.

svona byrjaði þetta jú allt og rétt að rifja það upp:

ttp://www.visir.is/stjornarskra-breytt-fyrir-esb-adild/article/200938564492

[Jón Steinar Ragnarsson, 17.3.2015 kl. 09:03]

Það er því ekki hægt að ganga frá aðild fyrr en buið er að "ganga frá" stjórnarskranni.

[Geir Ágústsson, 17.3.2015 kl. 09:10]

Takk fyrir þessa upprifjun, og fyrir að orða hlutina svo skemmtilega!

Ætli sé þá ekki verið að vinna að annarri "búsáhaldabyltingu" (með skiltagerð í höndum VG) til að koma ríkisstjórninni frá, henda upp bráðabirgðastjórn sem rúllar nýrri stjórnarskrá í framkvæmd og byrja ferlið aftur? Helst eins hratt og hægt er svo Össur og félagar komist í skattfrjálsu rauðvínsbeljurnar í Brussel sem fyrst.

Og svekkelsi ESB-sinna enn meira nú þegar ESB hefur fengið bréfið góða.

Auðvitað stöðvar ekkert næstu ríkisstjórn að sækja um en hún veit að ESB er orðið þreytt á þessu hringli og verður tregt til að setjast við innlimunar-viðræðuborðið.