Eru Íslendingar hálfvitar? Já, segir löggjafinn

Sumt í íslenskri löggjöf virkar þannig á mig að löggjafinn telji Íslendinga vera hálfvita.

Eitt dæmið er hið nánast algjöra bann við efstastigi lýsingarorða í auglýsingum. Enginn má kalla sig "stærstan" eða "bestan" eða vera með "mesta úrvalið" eða "lægsta verðið" nema geta sannað slíkt með óyggjandi hætti.

Hver vegna? Telur löggjafinn að auglýsingar eigi að standast sömu kröfur og vitnisburður í dómssölum? Eru ýkjur hið sama og lygi? Er sú skoðun einhvers að hann sé ódýrastur dæmd sem lygi nema vera fyrirfram sönnuð?

Ég bý í Danmörku. Hérna eru óteljandi aðilar sem auglýsa sig sem "ódýrastan" eða með "mesta" úrvalið eða "bestu" vöruna. Danskir neytendur taka slíkum fullyrðingum af yfirvegun. Þeir nota þennan gráa massa sem finnst inn í höfuðkúpu flestra ef ekki allra manneskja til að greina á milli upplýsinga og hugsa sjálfsstætt.

Á Íslandi er í raun bannað að nota lýsingarorð í efstastigi í auglýsingum. Fyrirtæki nýta þetta til að kæra hvert annað á víxl og sjúga sektir úr samkeppnisaðilunum. Þetta gagnast neytendum ekki neitt, og er raunar líklegra að allar þessar sektargreiðslur komi á endanum beint úr vösum þeirra sjálfra.

Er ekki kominn tími til að virkja umræddan gráa massa í höfuðkúpum Íslendinga? 

A4 sektað um 200 þúsund

Athugasemdir

[Jón (IP-tala skráð) 23.10.2014 kl. 11:30]

Það er ekkert annað en lygi að auglýsa ódýrasta verð eða þess háttar ef svo er ekki og verslanir eiga ekki að komast upp með að ljúga að viðskiptavinum sínum.

[Geir Ágústsson, 23.10.2014 kl. 13:20]

Og þú vilt að lögreglan sjái um að taka afstöðu til lyga annarra af því að.... ?

[Halldór Egill Guðnason, 23.10.2014 kl. 13:38]

Alltumvefjandi hönd og hugur kerfisins passar vel upp á það að flest venjulegt fólk fái ekki að hugsa of mikið. Reglugerðafargan og alls kyns verndarsjónarmið kerfisins gagnvart almenningi er komið út í tóma déskotans dellu fyrir löngu síðan. Ekki bætir síðan úr skák að fá alla vitleysisfroðuna frá esb í ofanálag.

[Ásgrímur Hartmannsson, 23.10.2014 kl. 16:06]

Núna bara í síðustu viku las ég frumvarp til laga - þar í athugasemdum er beinlínis talað niður til íslendinga.

Svo, já, löggjafinn telur landann vera hálfvita. Og ber nákvæmlega enga virðingu fyrir honum heldur.

Útskýrir svo margt.