Í sumum löndum er refsivert að klippa hár sitt á ákveðinn hátt

Allt tal um fangelsisvist fyrir fórnalambalausa glæpi verður óneitanlega svolítið skrýtið sé það sett í alþjóðlegt samhengi.

Á Íslandi er hægt að stinga fólki í steininn fyrir að framleiða, selja og ganga um með fíkniefni. Enginn annar "glæpur" þarf að koma til sögunnar. Viðkomandi hefur gerst sekur um lögbrot og gæti átt yfir höfði sér frelsissviptingu fyrir það eitt að viðra hundinn sinn með 1 kg af heróíni í jakkavasanum.  

Í Norður-Kóreu er bannað að klippa hár sitt á annan hátt en yfirvöldum þóknast. Viðkomandi hefur gerst sekur um lögbrot og gæti átt yfir höfði sér frelsissviptingu fyrir það eitt að viðra hundinn sinn (sé ekki búið að borða hann) með ranga hárgreiðslu á höfðinu.

Í Saudi-Arabíu er kvenfólki bannað að ganga um eftirlitslaust (án eiginmannsins). Kvenmaður hefur gerst sekur um lögbrot og gæti átt yfir höfði sér frelsissviptingu fyrir það eitt að vilja viðra sig án eiginmannsins. 

Allt eru þetta fórnalambalausir glæpir en engu að síður lögbrot og ástæða sem yfirvöld nota til að varpa fólki í fangelsi.

Refsistefnan er óréttlát. Hún dreifir kröftum lögreglunnar frá ofbeldisglæpum og þjófnuðum. Hún sóar fé skattgreiðenda. Hún eykur áhættu fíkniefnasala og hækkar þar með verð þeirra og hugsanlegan ágóða. Hún laðar að sér einstaklinga sem þrífast í myrkum undirheimum og láta ekkert stöðva sig.

Hún gerir frjálsa menn að þrælum, eins og bent er á hér (bls. 204):

Those who cling to the myth that the Civil War ended slavery should consider this fact: there are more black men trapped in this prisons-for-profit racket today than were enslaved on plantations in 1850.

Magnað, ekki satt? Viljum við að fangar á Íslandi verði bráðum fleiri en voru þrælar á Íslandi á landsnámsöld, sé það ekki staðan nú þegar?

Leiðir lögleiðing til færri glæpa?

Athugasemdir

[Ásthildur Cesil Þórðardóttir, 9.4.2014 kl. 11:42]

Tek undir þetta, góður samaburður hjá þér.

[Davíð Þór (IP-tala skráð) 9.4.2014 kl. 11:58]

Þetta gæti ekki verið betur orðað.

[Gunnar Heiðarsson, 9.4.2014 kl. 12:09]

Nokkuð skýr grein hjá þér, Geir.

Víða um heim eru lagasetningar okkur framandi og kannski finnst okkur þær vera nánast út í hött. En hér á landi er ástandið lítt skárra.

Ef farið er yfir þau lög og þær reglugerðir sem spýtt var út úr umhverfisráðuneytinu á síðasta kjörtímabili rekur mann í rogastans. Þessum lögum og reglum fylgja gjarnan viðurlög um brot. Hægt ar að finna þar lög sem heimila sekt og allt að fjögurra ára fangelsi, séu þau brotin. Ef, hins vegar ekki er hægt að sanna brot, má einungis sekta!!

Auðvitað stenst þetta varla stjórnarskrá og gaman verður að fylgjast með þegar fyrsta brot þessara laga fer fyrir dómstóla. En þetta breytir ekki þeirri staðreynd að til eru lög hér á landi og það meira að segja lög sem eru einungis þriggja ára gömul, sem heimila sekt án þess að sök sé sönnuð!!

Ekki hefur komið fram hver viðurlögin eru fyrir því að klippa hár sitt rangt, í N-Kóreu, en víst er að sanna þarf þar sök áður en viðurlögum er beytt.

[Pétur Þorsteinsson (IP-tala skráð) 9.4.2014 kl. 13:19]

Fínn pistill og tímabær!

Vona að þú fyrirgefir mér að benda á Snarrótina - samtök um borgaraleg réttindi, sem einbeita sér þessi misserin að stríðinu gegn fíknistríðinu, með upplýsingamiðlun og heimsóknum frábærra fyrirlesara; Ethan Nadelmann, stofnandi og framkvæmdastjóri The Drug Policy Alliance í byrjun maí, og prófessor David Nutt í september. Báðir munu flytja opinbera fyrirlestra, sem eru öllum opnir og ókeypis.

www.facebook.com/snarrotin

www.snarrotin.is

f.h. Snarrótarinnar

Pétur Þorsteinsson

f.v. skólastjóri

Kópaskeri

[Helgi (IP-tala skráð) 12.4.2014 kl. 13:37]

Sæll.

Svo má ekki gleyma því að yfirvöld sums staðar beita afli til að taka fé af fyrirtækjum:

http://www.washingtontimes.com/news/2014/mar/19/phillips-the-united-states-vs-toyota-anatomy-of-a-/?utm_source=RSS_Feed&utm_medium=RSS

Smyrja þarf ríkisbatteríið með fjármunum sem teknir eru með góðu eða illu - aðallega illu þó.