Vandamálið: Of margt er lögbrot

Íslensk fangelsi hafa verið að fyllast hratt á seinustu árum, og fjölgun fanga er miklu, miklu meiri en fjölgun á fjölda einstaklinga á umráðasvæði íslenska ríkisins (heimild vantar mig en treysti á minnið).

Kannski er ástæðan sú að meira og meira er orðið ólöglegt. Það er mín kenning. Listinn yfir boð og bönn hefur vaxið, skattar hafa hækkað og ýtt undir smygl og vöxt "svarta markaðarins" og ríkisvaldið er byrjað að taka harðar á því sem e.t.v. var bannað en jafnframt umborið. Kannski.

Kannski er ástæðan sú að glæpamönnum af "gamla skólanum"hefur einfaldlega fjölgað. Það er örugglega líka rétt, en ég efast um að það útskýri af hverju fangelsin á Íslandi hafi ekki undan lengur.

Hvað sem því líður er til auðveld leið til að fækka glæpum og minnka álag á íslensk fangelsi: Fækka á listanum yfir það sem er ólöglegt að gera á Íslandi. Í raun ætti sá listi bara að vera tvö atriði: Líkamleg árás eða hótun um slíka annars vegar, og þjófnaður hins vegar. 

Upplagt væri nú samt að hætta eltingaleik við fíkniefnaneytendur og sölumenn þeirra. Síðan mætti afnema alla tolla og virðisaukaskatt (líka á tóbak og sígarettur) og gera allan inn- og útflutning til og frá Íslandi löglegan og afskiptalausan.  Svarti markaðurinn þurrkast þá út og lögreglan og tollgæslan geta farið að sinna einhverju öðru en eftirliti með honum.  

Hætta á að 19 refsidómar fyrnist

Athugasemdir

[Arngrímur Eiríksson (IP-tala skráð) 13.8.2013 kl. 14:13]

Þótt refsiverðum brotum hafi fjölgað í lagasafninu þá eru dómar á Íslandi samt sem áður mjög vægir og menn fá ekki óskilorðsbundna fangelsisrefsingu fyrir annað en þessi gömlu góðu "þungavigtarbrot", manndráp, líkamsmeiðingar, þjófnað, fjárdrátt, fíkniefnabrot oþh. Vandamálið er allt of fá afpánunarúrræði. Sammála þér hvað varðar fíkniefnabannið hins vegar.

[Halldór (IP-tala skráð) 13.8.2013 kl. 16:53]

Hjartanlega sammála þér.

[ólafur (IP-tala skráð) 13.8.2013 kl. 17:38]

þetta er frekar einfalt að leysa. Við eigum EKKI að eyða tíma og peningum í það að dæma hér útlenda drullusokka. Við eigum bara að reka alla útlendinga sem gerast sekir um e h stærra enn að leggja ólöglega eða keyra meira en sirka 15km yfir löglegum hraða úr landi og það hratt og vel. þá mun losna nóg pláss hérna fyrir okkar eigin glæpamenn

[Ásgrímur Hartmannsson, 13.8.2013 kl. 19:49]

Það er stórt atriði, jú. Það myndi spara mikinn pening um allt þjóðfélag að fækka refsiverðum athöfnum. Og vesen, og hættu.

[Óli fátæki (IP-tala skráð) 14.8.2013 kl. 03:39]

Allt fullt? Er loks búið að stinga ,,útrásarvíkingunum" í steininn?

[Geir Ágústsson, 14.8.2013 kl. 06:30]

Takk allir fyrir athugasemdir ykkar.

Ég held að eltingaleikur lögreglu við smyglara og bruggara dragi athyglina frá raunverulegri vinnu lögreglu við að stöðva ofbeldi og þjófnað.

Ég held að eltingarleikur lögreglu við "væga" glæpamenn (smyglara og bruggara og neytendur ýmis konar) ýti fleiri og fleiri í fang harðsvíraðra glæpamanna. Þeim fjölgar því veltan í þeirra "bransa" er að aukast, og alltaf er hagnaðarvonin mikil þegar áhættan er mikil. Og e.t.v. er fjölgun á bak við lás og slá eitthvað tengd stækkun svarta markaðarins með öllum sínu aðdráttarafli, bæði fyrir "venjulegt" fólk og illa innrætta einstaklinga (sem gjarnan rísa á toppinn í undirheimunum).

Hvað varðar útlendinga get ég nú ekki annað en bent á að sjálfur er ég "útlendingur" í landinu sem tekur af mér skatta (Danmörku). Segjum að ég brjóti af mér, hjóli t.d. ölvaður á aðra manneskju og slasa hana alvarlega: Á bara að senda mig til Íslands til að fara fyrir dóm? Hvað á kona og börn að gera á meðan?