Sátt hjá VG um ESB-stefnu Samfylkingarinnar

Steingrímur J. gerir nú enn eina tilraun til þess að fá VG til að samþykkja stefnu Samfylkingarinnar (og að einhverju leyti Framsóknarflokksins) í ESB-málinu öllu með öllu tilheyrandi. Sú stefna gengur út á að Ísland eigi að ganga í ESB, sama hvað "býðst" í aðlögunarumræðum við ESB, greiði Icesave-reikninga hins þá einkarekna Landsbanka Íslands til að halda Bretum og Hollendingum góðum, og taki þátt í "fræðslu" ESB á Íslandi um eigið ágæti.

Steingrími J. hefur ekki tekist að sannfæra VG um ESB-stefnu Samfylkingarinnar ennþá. Reiðibréf, opinber og óopinber, eru ennþá að berast Steingrími. "Grasrótin" svokallaða er ennþá að þrjóskast við að þingmenn VG fylgi samþykktri stefnu VG á Alþingi. Kannski tekst Steingrími ætlunarverk sitt í þetta skipti. Kannski springur VG í loft upp. Spennan magnast.

Bjartsýnn á að sátt náist

Athugasemdir

[Loftur Altice Þorsteinsson, 19.11.2010 kl. 22:12]

Umræðan um Icesave-kúgunina ætlar seint að verða nákvæm. Þannig tala sumir ranglega um að Icesave sé skuld almennings á Íslandi. Aðrir tala um að Icesave sé skuld Landbankans. Báðar útgáfur eru í eðli sínu rangar, því að Landsbankinn var með innistæðutryggingu í Bretlandi og Hollandi.

 

Auðvitað áttu tryggingasjóðir þessara landa að greiða tryggingarnar og það gerðu þeir. Tryggingasjóðirnir eiga svo kröfu á þrotabú Landsbankans. Samkvæmt upplýsingum frá tryggingasjóðunum, var álagið á þá vegna Ivesave-innistæðanna ekki meira en svo, að ekki reyndist nauðsynlegt að hækka iðgjöldin um eitt Pund eða eina Evru.

 

 

[Sigurður Haraldsson, 20.11.2010 kl. 08:45]

Annað hvort ætlar VG að lifa eða ekki og af öllu sem ég sé ætlar VG hoppa ofaní gröfina!

[Óskar Guðmundsson, 20.11.2010 kl. 13:21]

Stóra sáttin um svikin.... þetta fer að mynna á S-Gjaldborgina....

[Geir Ágústsson, 20.11.2010 kl. 20:40]

Loftur,

Sammála. Réttast er kannski að segja "ógreiddar innistæður Landsbankans, ríkistryggðar samkvæmt regluverki ESB/EES" (sem sagt, ekki af íslenskum skattgreiðendum).

[Jon (IP-tala skráð) 21.11.2010 kl. 11:07]

Sæll.

Ég held að eðlilegt sé nú að tala um VG sem ESB flokk. Þeir vilja halda aðildarviðræðum áfram, með tilheyrandi kostnaði. VG vilja frekar leggja heilbrigðiskerfið úti á landi niður í stað þess að spara okkur þessar aðildarviðræður og nota það fjármagn frekar í t.d. heilbrigðiskerfið. VG er ESB flokkur, það skiptir ekki máli hvað þeir segja heldur hvað þeir gera.