Eftirlits-Ísland stækkar

Enn eflist Eftirlits-Ísland. Nú eru netmiðlar eins og amx.is, eyjan.is og pressan.is orðnir þyrnir í augum yfirvalda þegar fréttastofur útvarps- og sjónvarpsstöðvanna, auk dagblaðanna, voru loksins orðnar að einum halelúja-kór fyrir Eftirlits- og ESB-Íslandssinnana. Hina óþægu netmiðla þarf því að setja undir sérstakt eftirlit.

Ég tel að enginn eigi að láta þetta útspil koma sér á óvart. Bönnum er að fjölga, eftirlit er að aukast, skattar eru að hækka, ríkið er að sjúga að sér fleiri og fleiri verkefni og fyrirtæki og fjölga höftum og reglum á það fáa sem enn þrífst utan hins opinbera. Þetta er einfaldlega leiðin til ánauðar sem Hayek skrifaði um á tímum seinni heimstyrjaldar. Á þeim tíma var ástæða útþenslu ríkisvaldsins stríð við vopnaða óvini. Núna er það stríð við hinn frjálsa markað sem mjög ranglega fengið stöðu blórabögguls fyrir efnahagsástandinu í dag.

Fjölmiðlastofa hafi eftirlit

Athugasemdir

[Offi (IP-tala skráð) 25.9.2009 kl. 15:18]

Já, það styttist í netlögguna!

[Geir Ágústsson, 25.9.2009 kl. 15:28]

Góður punktur. Uppfærði færsluna með mynd af vel þekktum ummælum SJS. Hann hafði að vísu bara klám í huga á þeim tíma, en nú virðist sem fjölmiðlar, blogg og annað slíkt sé líka á leið í eftirlit.