Snýr Skattmann aftur eftir kosningar?

Er fólk kannski búið að gleyma seinustu vinstristjórn? Það skyldi þó aldrei vera!

Þvermóðska Jóhönnu gerði hana að forsætisráðherra

Athugasemdir

[nonni (IP-tala skráð) 20.4.2009 kl. 21:13]

Fólk virðist amk æst í að láta þá sem eru með meðaltekjur finna fyrir hnefa vinstristefnunnar.

[Geir Ágústsson, 20.4.2009 kl. 21:39]

Úbbs, ekki gleyma lágtekjufólkinu! Það mun líka þjást.

Hátekjufólk? Það lætur sig hverfa af landi brott eða ræður sér duglega endurskoðendur. Eða fer í pólitík. 

[Sigríður Lárusdóttir (IP-tala skráð) 21.4.2009 kl. 09:03]

Rosalega er ég orðin leið á þessu skattman-bulli!  Kíkið á samatekt á skýrslu frá OECD og þá sjáið þið að sjálfstæðisflokkurinn er hinn rétti skattman. Ísland er skv. þessari skýrslu eitt skattpíndasta ríki innan OECD eftir 18 ára setu sjálfstæðismanna og framsóknar.  SKYLDULESNING!

 https://z-mbox-02.simnet.is/service/home/~/Skattastefna_Islendinga.pdf?auth=co&loc=is_IS&id=21325&part=2

[Atli (IP-tala skráð) 22.4.2009 kl. 14:56]

Sjálfstæðisflokkurinn kom skatttekjum yfir 50% af þjóðarframleiðslu.
"Hinir eru verri" rökin eru brandari.

[Geir Ágústsson, 22.4.2009 kl. 18:24]

Atli,

Satt að Sjálfstæðisflokkurinn lækkaði skatta ekki hraðar en nam skatttekjuaukningunni vegna aukinnar veltu og kaupa á háskattlögðum varningi. 

Ímyndaðu þér hagkerfi þar sem ódýrar baunir á 50 kr dósin eru skattlagðar um 10% og dýr kavíar á 100 kr dósin um 20%. Í fátæku hagkerfi kaupa 100 manns bara baunir, 100*50*0,10 = 500 kr í skatttekjur, eða 10% af "veltunni" upp á 5000 kr. Nú auðgast 20 manns og skipta út baunum fyrir kavíar, og þá breytast skatttekjurnar í 80*50*0,10 + 20*100*0,2 = 400 + 400 = 800 kr af samanlagðri veltu upp á 6000 kr og "heildarskatthlutfallið" komið í 13%.

Og það án þess að neinn hafi breytt skattprósentum! Ríkið að taka til sín stærri sneið af breyttu neyslumynstri í átt að dýrari varning.

Þetta eru hinar frægu "skattahækkanir" Sjálfstæðisflokksins. Ef skattar hefðu verið lækkaðir mun hraðar og meira þá hefði Sjöllum geta tekist að forðast hina undarlegu umræðu um "skattahækkanir" í ríkisstjórnartíð sinni. Þeir tóku hins vegar fegins hendi við hinum auknu skatttekjum og eyddu í alla sem hrópuðu hátt.

Því miður.

[Geir Ágústsson, 22.4.2009 kl. 18:28]

"Hinir eru verri" rökin halda vel vatni. Vinstriflokkar ætlar sér að skrúfa skattprósentur upp, leggja á skatta sem búið er að leggja niður og hækka heimtuhlutfall á sköttum sem eru fyrir. Þessu hefur verið lofað af þeim.

Nema einhver ætli að hrósa Sjálfstæðismönnum fyrir að hafa "lækkað" skatta þegar íslenska hagkerfið hrundi í hraust, dró saman veltu og neyslu og gerði alla fátæka, rétt eins og þeir eru sakaðir um að hafa "hækkað" skatta með því einfaldlega að halda skatthlutföllum óbreyttum eða litlu lægri en áður á tímum bólunnar (sem allir tóku vel á minnst þátt í að mjólka)?

[Atli (IP-tala skráð) 22.4.2009 kl. 19:40]

Þetta gengur ekki upp. Skattekjur voru í 30's % þegar spillingarflokkurinn
tók við, en þær voru komnar vel yfir 50% árið 2007. Ætli þær hafi ekki
verið komnar hátt upp í 70% þegar hann fór frá völdum.

Eins og þú sérð er þetta hlutfallsreikningur. Það er ekki hægt að kjafta
hlutafallsreikning niður með því að benda á stærðina á bakvið hlutfallið.
Hlutfall er eftir sem áður bara hlutfall.

Segjum að þetta væri ekki hlutfall heldur stærð, þá duga rök þín fyrir
setu Sjálfstæðisflokksins ekki heldur, hvers vegna ekki? Jú vegna þess
að stækkun kökunnar var tekin að láni.

Nei "Hinir eru verri" rökin halda ekki. Þetta eru smáborgara rök. Prufaðu
að nota þau yfir þitt daglega líf og þú velur þér lélegan bíl því hinir eru verri lélegt starf því hin störfin eru verri  vondan mat "það er til verri" hvar líkur slíkri meðalmennsku?

[Geir Ágústsson, 23.4.2009 kl. 10:11]

Atli,

Mér þætti vænt um að heyra þína "útskýringu" á því hvernig;

• afnám margra skatta
• lækkun álagningarhlutfalla flestra skatta

lyfti bæði hlutföllum og upphæðum skattkerfisins.

Vinsamlegast.

Vinstriflokkarnir hafa lofað að hækka skatta og fjölga þeim. Ég ætla að trúa loforðum þeirra hvað þetta varðar.

[Atli (IP-tala skráð) 23.4.2009 kl. 17:18]

Geir

Nú með því að prenta peninga. Verðbólga er skattu eins og sést greinilega á heildarstærð hins opinbera í efnahagskerfinu, hún var komin upp í 52% árið 2007. Það þýðir að 48% efnahagsins þurfti að halda hinum 52% efnahagsins uppi.

Það er ekkert mál að hafa 99% ríkishagkerfi með 0% tekjuskatta. Við prentum bara það sem upp á vantar Er það í lagi? Er fínt að á meðan tekjuskattar eru 0% að hlutfall ríkisins aukist?

Eins er hægt að hafa 10% ríkishagkerfi með 50% tekjuskatt. Þú virðist halda að það eina sem skipti máli sé tekjuskattstalan og að hún gefi mynd af því hver margir þurfi að halda restinni uppi. Það er mikill misskilningur.

Vinstri flokkarnir hafa lofað að hækka skatta og draga úr útgjöldum. Sjálfstæðismenn hafa lofað að lækka skatta og prenta það sem uppá vantar.

[Geir Ágústsson, 23.4.2009 kl. 18:37]

Atli,

Fer smá út um víðan völl núna en kemst varla hjá því eftir þitt seinasta svar. Afsakið fyrirfram.

Samkvæmt lagaumhverfi bæði Íslands og ESB og USA og Zimbabwe og víðar þá hafa bankar og seðlabankar víðtækt umboð (raunar ótakmarkað) til að prenta peninga. Á Íslandi sáu viðskiptabankarnir um það með ríkisábyrgtu lánstrausti með hæstu einkunn (amk trúði markaðurinn því að bankarnir væru ríkistryggðir). Ríkið var í togstreitu á milli þess að niðurgreiða húsnæðislán í samkeppni við viðskiptabankana og hræða fólk frá lántökum og til sparnaðar með ofurvöxtum, um leið og það sjálft eyddi hverri krónu sem kom í ríkiskassann, m.a. vegna mikillar pressu frá neytendum skattfjár og umboðsmanna þeirra á Alþingi.

Einfalt? Nei, líklega ekki.

Ég veit ekki hvaðan þú færð peningamálastefnur flokkanna, ekki er ég að lesa þær mjög skýrt út úr loforðaflóðinu. Ég hef raunar ekki heyrt neinn stjórnmálamann taka hugmyndir um breytta peningamálastefnu alvarlega - allir eru á því að ríkið eigi að reka seðlabanka og framfylgja "alþjóðlegum hefðum" í rekstri þeirra - status quo í stuttu máli.

Annars er ég enn í vafa um hvað þú ert að reyna segja - ef ríkið var ekki að hækka skatta, heldur prenta peninga, hvernig er þá hægt að mæla "hlutfall skatta af þjóðarframleiðslu" sem hækkandi tölu? Af hverju var það ekki eingöngu verðlag (fleiri krónur að elta sama framboð - "inflation in the stock of money") sem hækkaði? Ertu að tala um eitthvað tvennt óskylt í sömu andrá, eða er ég bara alveg að missa sjónar af kjarna máls þíns?

Ég er á því að þeir sem tala um að Sjálfstæðismenn, hvað sem mönnum finnst sosem um þá, hafi "aukið skattbyrðina" séu að rugla saman vaxandi skattbyrði og vaxandi skatttekjum sem afleiðing breytts neyslumynsturs í skattaumhverfi mjög margra mismunandi álagningarhlutfalla.  Mér finnst meira við hæfi að segja að Sjálfstæðismönnum hafi mistekist að lækka skatta nógu hratt, almennt á alla línuna, þvert á hátt gólandi raddir skattneytenda.

Hvernig væri að draga úr bæði ríkisútgjöldum og skattheimtu? Dettur einhverjum í hug að það gæti verið aðgerð sem skilar árangri? Engin peningaprentun, enginn skuldsetning skattgreiðenda, og vægari ránsferðir í veski skattgreiðenda. Of einfalt og gott til að vera satt? Nei. Bara pólitísk ákvörðun sem þarf að taka.

[Atli (IP-tala skráð) 23.4.2009 kl. 21:13]

Geir

Peningamálastefnan er auðvitað fiat hjá öllum flokkum. En Sjálfstæðismenn ætla að nýta sér fiat í botn með því að lækka skatta og sækja féð í gegn um fiat prentun. Hinir ætla að hækka skatta sem hlýtur að sýna tregðu til fiat prentunnar.

Það er óþarfi að telja til og rannsaka hvert einasta hrísgrjón í hrísgrjónapokanum til að finna út hvers vegna hann vegur 1 kíló. Nóg er að skella honum á vigtina.

Efnahagur Íslands var 52% ríkisvæddur árið 2007. Bankarnir voru ekki taldir þeim megin þótt þeir séu það núna, þannig að talan ætti að vera komin upp í 70-80%. Núna.

[Geir Ágústsson, 24.4.2009 kl. 16:20]

Atli,

Þú hefur ekki gert annað til að útskýra skattahækkunaráráttu Stefáns Ólafssonar en að hafna minni skýringu á henni. Hvernig er hægt að meðvitað og viljandi hækka skatta með því að lækka suma skatta (þó lítið sé) og afnema aðra? Er glæpur Sjálfstæðismanna í skattamálum sá að hafa "umborið" vaxandi umsvif sem leiddu til aukinna skatttekna af áður litlum skattstofnum?

Þú talar um að Sjallar ætli eingöngu að lækka skatta og bæta upp fyrir þá "tekju"skerðingu með peningaprentun. Hvað með að skera niður útgjöld og sníða af ríkisrekstrinum? Hvaða flokkur er líklegur til að framkvæma slíkt ef Sjallar eru það ekki? (Þótt þeir að vísu geri það mjög hægt og við mikla pólitíska andstöðu.)

Þú talar um að vinstrimenn ætli sér að hækka skatta. Ætla þeir ekki líka að hækka ríkisútgjöld? Eru þeir ekki að byggja tónlistarhöll fyrir lánsfé? Og þegar skattstofnanir eru uppurnir, hvaðan á þá að sækja féið?

Þú ert frumlegur stjórnmálarýnandi, hvað sem öðru líður.