Mun ríkisvaldið sakna skatta á tekjur einstaklinga?

Eftirfarandi tafla er fengin af vef fjárlagafrumvarpsins 2008:

Tafla 1	Rekstraryfirlit A-hluta
Rekstrargrunnur, m.kr.	Reikningur 2005	Reikningur 2006	Fjárlög 2007	Áætlun 2007	Frumvarp 2008
Skatttekjur	335.322	377.386	343.223	404.764	422.266
Skattar á tekjur einstaklinga	88.227	103.935	94.600	121.400	128.500

Samkvæmt þessari töflu gæti ríkisvaldið lagt niður alla skattheimtu á tekjur einstaklinga og eingöngu orðið af rúmum 40 milljörðum miðað við árið 2005 (sem er að stærðargráðu svipuð tala og tekjuafgangur ríkissjóðs í dag). Ekki tekið með í reikninginn eru gríðarlega jákvæð áhrif slíkrar breytingar á hagkerfið, og heldur ekki auknar tekjur af t.d. virðisaukaskatti auk þess sem fjármagnstekjuskattur mundi sennilega skila mun meira í ríkiskassann en nú er.

Mér finnst þetta vera magnað að sjá, og þá sérstaklega í ljósi nýgenginnar umræðu um einhverjar smábreytingar á persónuafslætti sem gagnast mjög fáum mjög takmarkað.

Takk fyrir ábendinguna Ingi. 

Athugasemdir

[Sigurður Karl Lúðvíksson, 1.2.2008 kl. 15:20]

umm er það ekki 88.227 milljarðar ef ríkið leggur niður tekjuskatt, eða er ég með fjárlagalæsi á við gangstétt?

[Geir Ágústsson, 5.2.2008 kl. 16:00]

Mitt reikningsdæmi er a.m.k.:

Heildarskatttekjur í dag - skattar á tekjur einstaklinga í dag - heildarskatttekjur árið 2005

=

41,5 milljarðar

En af því ríkið blés út um tæpa 90 milljarða á þremur árum þá yrði afnám skatta á tekjur einstaklinga "dýrara" í krónum talið en þessi tala. Á móti kemur svo allt sem er ekki tekið með hérna: Aukin velta, meiri fjárfestingar, aukið neytendavald á kostnað lélegs kjósenda-skattgreiðendavalds, osfrv.