Ríkisafskipti bakdyramegin

Hið íslenska ríki hefur á undanförnum árum áttað sig á því að opinberlega skipaðir og ábyrgðarlausir embættismenn eru ekki hið fullkomna hráefni í rekstraraðila fyrirtækja. Einkavæðingar og skattalækkanir eru til marks um þann skilning.

Ríkisvaldið hefur á móti komist að því að beint eignarhald er ekki endilega nauðsynlegt til að stjórna öllu því sem fer fram í frjálsum samskiptum og viðskiptum. Hafsjó allskyns jafnréttis- og samkeppnislaga streymir nú frá eirðarlausum stjórnmálamönnum sem vilja halda starfsfólki sínu uppteknu ella eiga á hættu á að missa það í uppsagnir og flutninga. Ekki urðu Vesturlönd rík á því að þvinga fyrirtæki til að verðleggja jafnhátt og önnur (eða hærra, eða lægra, eftir því hvað kallast "samráð" eða "misnotkun markaðsráðandi stöðu" hverju sinni). Ekki urðu konur að meirihluta íslenskra háskólanema í gegnum löggjöf. Ísland var áður fyrr kaffært í danskri löggjöf. Þegar því sleppti tóku góðir tímar við. Á nú aftur að kaffæra íslenskri áræðni og dugnaði í tilgangslausri en tíma- og fjárfrekri eftirlits- og yfirumsjónarlöggjöf?

Burt með hið nýja frumvarp um sósíalisma bakdyramegin! Á því þarf Ísland svo sannarlega ekki að halda! 

Samtök atvinnulífsins gagnrýna jafnréttisfrumvarp harðlega

Athugasemdir

[Gústa (IP-tala skráð) 23.11.2007 kl. 19:23]

Einföld spurning: Hvað á að gera þegar hinum frjálsa markaði mistekst? 

Nema að heittrúuðum mislíki sú staðhæfing að markaðurinn sé ekki upphaf og endir alls? Að lögmál hans séu ekki 'guðleg' eða vald hans komið beint að ofan líkt og konungar héldu fram til forna til að rökstyðja alvald sitt, heldur sé markaðurinn mannanna verk og að í honum birtist ójöfnuður sem borin er uppi af einskærum fordómum - jafn þrálátum og inngrón tánögl.

Hvað skal þá til bragðs taka?

Það eru engin náttúrulögmál að verki hér, heldur hvimleiður kerfisbundinn ójöfnuður byggður á úreltum hugsunahætti íhaldsins.

Hvað leggur þú til í jafnréttismálum? (Ég gerist svo kræf sem 21. aldar kona að gefa mér það að karlmenn vilji jafnrétti fyrir konur sínar, dætur og mæður).

[Geir Ágústsson, 23.11.2007 kl. 19:33]

Um leið og þér finnst þér hafi mistekist í heiðarlegum viðskiptum þar sem enginn þvingaði þig til eins né neins þá segiru bara til og ég skal reyna ráðleggja þér til betri vegar.

Þar til þú gefur út slík skilaboð þá held ég að mér höndum og ráðlegg löggjafa og lögreglu að gera slíkt hið sama. 

[Bjarni (IP-tala skráð) 23.11.2007 kl. 22:52]

Gústa talar um að hinum frjálsa markaði hafi mistekist.  Hvað hefur markaðnum mistekist?  Árlega berast ca. 10 kærur til úrskurðarnefndar jafnréttisráðs og í um 2-3 málum á ári er niðurstaðan að jafnréttislög hafa verið brotin.  Af þessum ca. 200.000 störfum í landinu eru 2-3 tilvik á ári dæmi um að markaðnum hafi mistekist?  Er það ekki miklu eðlilegra að draga þá ályktun að meintur launamunur er bara órökstudd þvæla og leikur að tölum einhverra sem hafa atvinnu, eða pólitískan frama af því að slá um sig með órökstuddum gífuryrðum um ótéttlæti og kúgun? 
Í mínum huga er svarið augljóst.  Það hefur aldrei verið færðar sönnur á að launamunur verði skýrður með kyni, end of story.

Það er hinsvegar enginn skortur á vitleysingjum sem grípa á loft fáránlega statistík úr illa unnum launakönnunum og slá sig til riddara í fjölmiðlum og á Þingi í þeirri von að meirihlut þjóðarinna sé allavega jafn vitlaus eða vitlausari en þeir.  Þar fara fremstir í flokki pólitíkusar og framámenn í launþegasamtökum.