Geti ekki brotið verk­falls­lög

Núna eiga sér stað hefðbundnar viðræður á íslenskum vinnumarkaði sem fyrir mig, sem hef verið búsettur í Danmörku í nálægt því 20 ár, virka í raun framandi: Að það sé hreinlega hægt að kæfa sjúklinga með því að setja púða á hausinn á þeim ef það gagnast launabaráttunni.

Eftirfarandi texti greip mig:

Leik­skóla­stjóri sótti um und­anþágu svo starfs­fólk í verk­falli fengi að sinna hon­um og tveim­ur öðrum börn­um í svipaðri stöðu [á ein­hverfurófi og með þroska­skerðingu], en þeirri und­anþágu­beiðni var hafnað. Um er að ræða fag­menntað starfs­fólk sem hef­ur sinnt hon­um og þekk­ir hann. ... „Hann er með fötl­un­ar­skil­grein­ingu og mér skilst að hann eigi rétt á þess­ari þjón­ustu, en nú stang­ast á skyld­ur sveit­ar­fé­lags­ins til að sinna því og að sveit­ar­fé­lagið geti ekki brotið verk­falls­lög,“ seg­ir ... móðir drengs­ins

Til hugar kemur þetta atriði, meðal annarra, úr breskum grínþætti:

Ég held að það megi alveg byrja að spyrja sig að þeirri spurningu hvort þetta með að setja heilu starfsstéttirnar, með bæði góða og lélega starfsmenn og stjórnendur (og flesta einhvers staðar þess á milli), undur einn hatt, og leyfa herskáum samtökum að keyra fötluð börn í þrot gegn vilja umönnunaraðila þeirra, foreldra og annarra.

En kannski er þetta röng spurning. Leiðréttist gjarnan.

Fatlaður drengur fær ekki þjónustu í verkfalli

Athugasemdir

[Vagn (IP-tala skráð) 21.11.2024 kl. 23:07]

Það voru umönnunaraðilarnir sem kusu um, samþykktu og fóru í verkfall. Og höfnuðu sér síðan um undanþágu frá verkfallinu. Héldu þeir að þeir væru bara að samþykkja að einhverjir aðrir færu í verkfall?

[Grímur Kjartansson, 22.11.2024 kl. 02:08]

Verst er samt að enginn virðist vita hvað kröfur er verið að gera

Hvernig er að samþykkja að launin séu í samræmi við einhverja óþekkta viðmiðunarstétt sem ekki er fundin ennþá

[Geir Ágústsson, 22.11.2024 kl. 07:24]

Vagn,

Þetta máttu skýra betur því það er óskýrt í fréttinni eða a.m.k. á annan hátt en þú lýsir.

Ummönnunaraðili sækir um undanþágu - vill fá að halda áfram að annast um skjólstæðing sinn sem þjáist mjög af skorti á umönnun. Hver hafnaði henni? Sveitarfélagið? Kennarasambandið? Eitthvað þriðja? 

Grímur,

Ég held - án þess að vita það 100% - að það sé ekki bara verið að semja um laun heldur líka þann veiruleika sem kennarar búa við að sífellt er hlaðið á þá nýju námsefni og óskiljanlegum námsskrám sem er svo ætlast til að bætist ofan á allt annað, þar á meðan grunnnámið sem foreldrar hafa efst í huga (lestur, reikningur). 

[Vagn (IP-tala skráð) 22.11.2024 kl. 17:06]

Sækir ummönnunaraðili um undanþágu frá verkfalli stéttarfélags síns til bæjarfélags sem verkfallið beinist gegn? Hvað er undanþága? Hvað er uönnunaraðili? Hvað er ein­hverfuróf og þroska­skerðing? Það er ýmsum spurningum, sem vakna hjá þeim sem ekki vita það sem almennt er vitað, ekki svarað í greininni. Hvort vantar þá eitthvað í greinina eða þann sem spurningarnar vakna hjá?

[Geir Ágústsson, 22.11.2024 kl. 19:41]

Vagn,

Takk fyrir svarið. Þú hefur sem sagt ekki hugmynd, sem er í lagi. Eftir stendur að barn sem þarf aðstoð er skorið frá aðstoð. Kerfið étur börnin sín. 

[Helga Dögg Sverrisdóttir (IP-tala skráð) 23.11.2024 kl. 09:20]

Það er stéttarfélagið, í þessu tilfelli Kennarasamband Ísland, sem samþykkir og hafnar undanþágubeiðnum.