Nóg af orku á Íslandi!

Um daginn opnaði stærsta svokallaða lofthreinsiver heims á Íslandi. Þetta ver sýgur koltvísýring út úr andrúmsloftinu sem síðan er dælt niður í jörðina. Þessu hafa erlendir miðlar tekið eftir, svo sem Reuters og CNN.

En hvað skyldi nú kosta að halda þessu veri úti? Ég finn engar tölur en þeir á CNN sjá ekki neitt vandamál:

Reksturinn verður knúinn áfram af gnægð hreinnar jarðhitaorku Íslands.

**********

The whole operation will be powered by Iceland’s abundant, clean geothermal energy.

Þeir hjá CNN vita greinilega ekki að:

• Nú þegar er íslenska hagkerfið að verða af tugum milljarða vegna þess að álverin fá ekki næga orku
• Orkuskipti fiskiverksmiðja frá rafmagni yfir í olíu er nú að fullu gengin í garð
• Rafmagnsreikningur heimila er að klifra upp á við, og auðvitað hagnaður raforkuframleiðenda líka þar sem þau fá ekki að eyða peningum í að byggja virkjanir
• Mikið af rafmagni fer í súginn því dreifikerfið er ekki nægilega öflugt

En það væri gaman að vita hvað þetta svokallaða lofthreinsiver sýgur í sig mikla orku frá almennum neytendum og stærri notendum, og hvort hérna sé erlent áhættufé að yfirbjóða innlenda notkun.

Liggja þær tölur einhvers staðar á lausu?

Menn hafa kvartað svolítið yfir gagnaverunum, jafnvel þótt þau skili mikilli framlegð og bókstaflega dæli gjaldeyri inn í hagkerfið. En gefðu mér frekar gagnaver en svona eltingaleik við snefilefni í andrúmsloftinu.

Stærsta lofthreinsiver í heimi opnað á Íslandi

Athugasemdir

[Ásgrímur Hartmannsson, 10.5.2024 kl. 16:27]

Allt hluti a hernaðinum gegn lífríkinu.

[Bragi (IP-tala skráð) 10.5.2024 kl. 16:59]

Það er sennilega búið að endurskilgreina hugtakið "gegnsæi" á þann hátt að þú "horfir út í tómið", í stað þess að borgarinn fái að vita hvað hlutirnir kosta og hvað stjórnvöld hafast að. 

Það ætti engum að detta í hug að svona apparat þurfi ekki gríðarlega mikla orku til að reka sig, burtséð frá því að það mun ekki hafa nein áhrif á loftslagið. 

[Júlíus Valsson, 11.5.2024 kl. 10:03]

Aprílmánuður var óvenju kaldur. Þarna er skýringin komin. 

[Svanur Guðmundsson, 13.5.2024 kl. 14:40]

Til að áætla þyngd helstu lofttegunda í rúmmetri af andrúmslofti, getum við notað hlutfall hvers gass í lofthjúpnum og þéttleika þess við staðalaðstæður (0°C og 1 atm þrýsting). Hér eru upplýsingar fyrir fjórar helstu lofttegundirnar: nitur (N₂), súrefni (O₂), argon (Ar), og koltvísýringur (CO₂).

Nitur (N₂):

• Hlutfall í andrúmslofti: 78%

• Þéttleiki: 1.2506 g/L

• Þyngd í rúmmetri: 1.2506 g/L×1000 L×0.78=975.47 gr1.2506g/L×1000L×0.78=975.47gr

Súrefni (O₂):

• Hlutfall í andrúmslofti: 21%

• Þéttleiki: 1.429 g/L

• Þyngd í rúmmetri: 1.429 g/L×1000 L×0.21=300.09 gr1.429g/L×1000L×0.21=300.09gr

Argon (Ar):

• Hlutfall í andrúmslofti: um það bil 0.93%

• Þéttleiki: 1.784 g/L

• Þyngd í rúmmetri: 1.784 g/L×1000 L×0.0093=16.59 gr1.784g/L×1000L×0.0093=16.59gr

Koltvísýringur (CO₂):

• Hlutfall í andrúmslofti: um það bil 0.041%

• Þéttleiki: 1.977 g/L

• Þyngd í rúmmetri: 1.977 g/L×1000 L×0.00041=0.811 gr1.977g/L×1000L×0.00041=0.811gr

Þessi útreikningar sýna þyngd helstu lofttegunda í rúmmetri af andrúmslofti við staðlaðar aðstæður.

"Loft­hreinsi­verið er hannað til að fanga allt að 36.000 tonn af kolt­ví­sýr­ingi (CO2) á ári sem er síðan dælt niður og bund­inn í jarðlög með tækni Car­bfix. Á Íslandi starfar Cli­meworks í sam­starfi við Car­bfix, um bind­ingu kolt­ví­sýr­ings­ins sem Cli­meworks fang­ar, og Orku nátt­úr­unn­ar." segir í frétt MBL - https://www.mbl.is/frettir/taekni/2024/05/09/staersta_lofthreinsiver_i_heimi_opnad_a_islandi/

Samkvæmt þessu þurfa þeir að dæla 36.000.000.000/0,8 gr/rúmm =45.000.000.000 rúmmetrum af lofti í gegnum þetta hreinsiver ef þeir ná öllu CO2 úr andrúmslofti.
Ef vifturnar eru 1 metri í þvermál þá þarf 511 slíkar viftur með 100% virkni. Umhverfisáhrifin verða að allar plöntur munu drepast nálægt verinu svo og jarðhræringar vegna niðurdælingarinnar.

[Svanur Guðmundsson, 13.5.2024 kl. 14:54]

 511 viftur sem er 1kw hver þarf því 4.475 MWh á ári.