Vel sloppið

Ofbeldisbrot gegn opinberum starfsmönnum innan lögreglunnar, ákæruvalds og dómsvalds hefur fjölgað til muna frá árinu 2013 til ársins 2023.

Hér er rétt að taka fram, eins og er grafið í frétt um þetta ástand, að hér er um að ræða til­felli um bæði of­beldi og hót­an­ir um of­beldi. Bæði högg í andlit og faðir að segja sýslumanni, sem er að gera börn hans föðurlaus, að hann ætli að drepa hann.

Miðað við það hvað hið opinbera, embættismannakerfið og báknið í heild sinni hefur eyðilagt mörg líf og drepur mörg fyrirtæki og störf þá finnst mér tölurnar ekki vera neitt hræðilegar, í kringum 250 seinustu ár. Að vísu á uppleið, eins og þjáningar regluverksins, en engin ósköp. Auðvitað er hótun um ofbeldi óþægileg en við hverju búast menn þegar hið opinbera heldur áfram að herða þumalskrúfuna á venjulegu fólki.

Það mætti fara í aðhvarfsgreiningu á blaðsíðufjölda reglugerða og fjölda ofbeldisbrota- og hótana gegn opinberum starfsmönnum.

Ef opinberir starfsmenn vilja losna við ofbeldisbrot- og hótanir þá ættu þeir að skrifa til yfirherra sinna og biðja þá um að draga aðeins úr útþenslunni, leyfa fleiri börnum að eiga föður í kjölfar skilnaðar foreldra, hætta að gera menn að öreigum, leyfa atvinnumönnum að stunda vinnu sína í friði og fækka eyðublöðunum.

Ekki er þar með sagt að ofbeldishótanir- og brot séu réttlætanleg, en sumt er skiljanlegt þótt það sé ekki réttlætanlegt. Og mér finnst báknið vera að sleppa vel með 250 tilvik á ári.

Ofbeldi eykst gegn opinberu starfsfólki

Athugasemdir

[Ásgrímur Hartmannsson, 20.4.2024 kl. 21:16]

Þetta er miklu einfaldara: Þetta eru hælisleitendur. 90%, jafnvel 95%

[Sigurður Kristján Hjaltested, 20.4.2024 kl. 22:23]

Þetta er hárrétt hjá Ásgrími.

Má bara ekki segja það.

[Geir Ágústsson, 21.4.2024 kl. 13:34]

Atvinnubílstjórar, fráskildir feður og hælisleitendur sem hafa fengið höfnun, allt góðir kandídatar, hver með sínar ástæður.