Sjálfkrýndi samfélagssérfræðingurinn

Fimmtudagur, 23. nóvember 2023

Leit að hugmyndum til að mjólka óttaslegin fyrirtæki

Mér var um daginn bent á snjalla viðskiptahugmynd sem mig langar til að prófa.

Hún gengur á að koma á auga á eitthvað vandamál, helst ímyndað, og búa til fyrirlestur eða bók eða námskeið eða eitthvað slíkt, og reyna að selja. Áskorunin er sú að enginn einstaklingur er tilbúinn að borga fyrir þvættinginn úr eigin vasa og nennir varla að taka við efninu gjaldfrjálsu, en það gerir ekkert til. Mörg fyrirtæki með alltof stórar starfsmannadeildir eru alltaf að leita að einhverju til að gera eða segja til að þóknast háværum róttæklingum. Þau kaupa námskeiðin, bækurnar og fyrirlestrana og þröngva ofan í kokið á lánlausum starfsmönnum sínum, gefa þeim bækurnar í jólagjöf og fylla innri síðu fyrirtækisins af efninu.

Á spena fyrirtækja er engin ástæða til að bjóða upp á hagstæð verð. Ómerkilegasta bók getur borið fleiri þúsund króna verðmiða.

Nú vil ég ekki afhjúpa nafn frumkvöðlanna á þessu sviði. Þeim gengur víst bara vel og ekki ástæða til annars en að óska þeim góðs gengis. Ég er hérna að leita að nýrri þvælu til að gera að minni. Eitthvað sem fær mannauðsdeildirnar til að öskra af gleði og forstjórana sem fjármagna þær til að opna veskið upp á gátt.

Geta lesendur aðstoðað mig?

Flokkur: Stjórnmál og samfélag | Breytt s.d. kl. 20:30 | Facebook

Athugasemdir

Sálfræðiþjónusta vegna alskyns "vandamála" á vinnustað
Mannauðsstjórinn og aðrir yfirmenn eru ótrúlega fljótir að losa sig við hvers kyns óþægileg mál með því að útvista þeim til sálfræðistofa
sama hvað það kostar

Grímur Kjartansson, 24.11.2023 kl. 08:57