Fyrir þá sem vilja berja miðaldra homma og blinda unga lesbíu

Um daginn birtist á samfélagsmiðlum hvatning til fólks um að berja einn tiltekinn miðaldra íslenskan homma og unga, blinda, íslenska lesbíu. Ég nefni ekki nöfn því á þessari hvatningu um að ganga í skrokk á hommanum og lesbíunni er víst höfundaréttur, og búið að hóta því að kæra suma sem endurtaka þessa hvatningu til ofbeldis fyrir brot á höfundarétti. 

Já, fyrir brot á höfundarétti!

Um þetta er fjallað í hæfilegum smáatriðum á rúmlega 8 mínútum á jútjúb-síðu Brotkasts. Þessar 8 mínútur líða hratt, því fátt fangar betur en sönn saga sem hljómar eins og lygasaga því hún er fáránleg. 

Ég vil því vara þá við sem vilja boða að það þurfi að berja þennan tiltekna homma og þessa tilteknu lesbíu um að gera það ekki á þann hátt að það brjóti gegn höfundarétti þeirrar manneskju sem stakk fyrst upp á því voðaverki.

Hvort hin höfundaréttarvarða hvatning sé lögleg, siðleg og annað er auðvitað ekki til umræðu. Hvatningin kom jú frá manneskju sem allir vorkenna svo mikið fyrir skort á veruleikatengingu að hún er talin hafa rétt fyrir sér í hverju orði. En það er önnur saga.

Athugasemdir

[Ragnhildur Kolka, 23.9.2023 kl. 10:17]

Höfundarréttur gildir í 70 ár svo það er líklega vissara að grípa þessi viðvörunarorð í stein. 

[Ásgrímur Hartmannsson, 23.9.2023 kl. 11:56]

Ja, þarna er andlega vanstilltur einstaklingur búinn að hafa í hótunum við nafngreinda einstaklinga og gangast við þeirri hæotun á mjög afgerandi hátt.

Þar með hafa þessi skötuhjú sem verpa fyrir hótununum mjög góða sönnun ef þeim dytti nú í hug að kæra málið til lögreglu.

... bara að segja.

[Guðmundur Ásgeirsson, 23.9.2023 kl. 15:28]

Getur ólögleg tjáning notið lögverndar?

Getur ólöglegur samningur verið bindandi að lögum?

Getur verið löglegt að selja eitthvað sem er bannað að kaupa?

Getur hagnaður eins af því að valda öðrum tjóni notið lögverndar?

Getur samningsskylda með ótakmarkaðan kostnað verið aðfararhæf?

Þetta eru allt mjög áleitnar spurningar.

[Bjarni (IP-tala skráð) 23.9.2023 kl. 17:16]

Sú tugga hefur verið margtuggin að eitthvað bakslag hafi átt sér stað í réttindabaráttu samkynhneigðra.  Það hefur ekkert bakslag átt sér stað í réttindabaráttu samkynhneigðra, hins vegar hefur fólk með fullu viti ekki hoppað á vagn trans-aktivista og elta hvaða helvítis kjaftæði sem þaðan kemur, sem oftast er í hrópandi andstöðu við viðurkennd vísindi.

Þeir sem svo ekki hoppa mögnunarlaust á trans-vagnin er síðan sagt hrætt og hatursfullt.  En það er trans-aktivistar sem er hrætt, hrætt við að eiga málefnalegar umræðu um þeirra skoðanir. Og Það eru trans-aktivistar sem breiða út hatur á þeim sem ekki kyngja möglunarlaust öllu því kjaftæði sem frá því kemur sem sannast á því sem fram kemur í því innslagi sem Geir vtnar til.

[Ingólfur Sigurðsson, 23.9.2023 kl. 17:57]

Hatur er afstætt samkvæmt íslenzku máli og málhefð okkar. Maður þarf að hafa elskað til að hata, þetta eru andheiti samkvæmt okkar skilningi. Haturslöggjöfin hennar Katrínar er innflutt frá Bandaríkjunum. Hún miðast við bandarískan femínisma sem er algjörlega miðaður við að rétta stöðu afrískra Bandaríkjamanna á kostnað allra hinna, sérstaklega þó kvenna og allskonar minnihlutahópa sem jafnvel voru ekki til áður. Við á Íslandi skiljum ekkert í þessu haturstali Katrínar, það gera aðeins þeir sem gleypa allt hrátt frá Bandaríkjunum og flytja inn hér allt það sama.

Þetta er eins og með Pax Romana, sem var að sjálfsögðu stríð, yfirgangur og frekja rómverska heimsveldisins, eins og Pax Americana er stríð, yfirgangur og frekja ameríska heimsveldisins. Davosdúkkan Katrín Jakobsdóttir sem ólst upp í andúð á ameríkanaseríngu og Natóisma er orðin þeirra sannfærðasta málpípa. Ömurlegt hreint út sagt hvað fólk getur gert fyrir völd og auð.

Grein Geirs bendir á hversu fáránlegur nútíminn er, það er að segja, það finnast svona samfélagskimar sem ríma ekki við það sem er verið að reyna að gera við fjöldann.

Er hægt að vorkenna einhverjum einstaklingi eða hópi svo mikið að viðkomandi hópur fer að berja á öðrum í samfélaginu?

Lög þurfa helzt að vera einföld og auðskilin en dómarar og fræðimenn klárir í að finna út réttlætið. Þegar lög verða að frumskógi og andstæðir hópar túlka þau á margan hátt, þá kemur upp þetta ástand sem er í Bandaríkjunum, það liggur við borgarastyrjöld og andstæður eins og Trump og Biden berjast.

Íslendingar eru komnir anzi langt í bandarísku áttina. 

Kirkjan aðskildi þetta tvennt, syndina og svo mannlega réttvísi, gjaldið keisaranum það sem keisarans er. Eva Hauksdóttir, sá mikli snillingur skrifaði greinar í vinstritímarit að femínisminn væri orðinn að trúarstefnu. Þar nákvæmlega hitti hún í mark.

[Geir Ágústsson, 23.9.2023 kl. 20:38]

Hérna kemur fram í athugasemdum margt sem ég get tekið undir. Sem faðir tveggja barna á grunnskóla/leikskólaaldri er ég með allar viðvörunarbjöllur í viðbragðsstöðu, en kannski get ég þakkað því fyrir hvað sveitarfélagið sem ég bý í er aðhaldssamt að það er ekki til peningur í nýtt rugl.