Aðgerðir skæðari en veiran

Vorið 2020 fór á stjá ný veira. Menn höfðu áhyggjur. Hverja leggst hún verst á? Hvað er hægt að gera til að verja sig gegn henni? Hvernig er hægt að minnka fjölgun á henni í líkamanum?

Þessum spurningum var meira og minna búið að svara vorið 2020 og tvímælalaust um haustið sama ár. En þá gerðist eitthvað annað. Menn voru búnir að lýsa yfir heimsfaraldri og framhaldið þekkjum við: Yfirvöld hentu lögum og reglum í ruslið og réðust á meira og minna öll þau réttindi sem var búið að rífa úr klóm yfirvalda með stjórnarskrám og jafnvel blóðugum byltingum.

Þetta hafa verið kallaðir fordómalausir tímar sem eru núna orðnir að fordæmi - einskonar sniðmáti fyrir það hvernig stjórnvöld geta leyst öll heimsins vandamál með einu pennastriki. Með því að lýsa yfir neyðarástandi. Með því að framlengja það í sífellu.

En afleiðingar slíks eru verri en veiran sem menn kalla ógnina. Afleiðingar aðgerða á veirutímum eru ennþá að taka sinn toll. Sjálfsvíg, hjartavandamál ungra karlmanna, verðbólga í kjölfar peningaprentunar og margt annað er ennþá að plaga samfélag okkar. Þetta veldur ákveðinni gremju í samfélaginu sem veldur stjórnmálamönnum óþægindum. Það kæmi mér því ekkert á óvart að menn séu að undirbúa að skella í nýja veirutíma, eða gera alvöru úr neyðarástandi vegna svokallaðra loftslagsbreytinga.

Lexían sem lærðist af veirutímum er lítil sem engin. Sóttvarnarlæknar veirutíma hafa ýmist látið sig hljóðlega hverfa eftir að hafa fundið eftirmenn sem kannast ekki við neinar rannsóknir eða þegja eins og gröfin um afleiðingar meðmæla þeirra sem urðu að reglugerðum. Stjórnmálamenn sem enn sitja í embættum kjörinna fulltrúa benda á sóttvarnarlæknana.

Hið jákvæða er samt að sprauturnar sem áttu að vera svo ágætar eru smátt og smátt að hverfa úr umferð: Aldursviðmiðin fyrir þær hækkuð og hækkuð og alltaf minna gert úr ágæti virkni þeirra. Og hlutabréfverð framleiðenda þeirra síga á meðan niður.

Aðgerðirnar gegn veirunni voru hættulegri en veiran. Miklu hættulegri, og fyrir marga banvænar. Maður verður því uggandi þegar gamla vísan um ný afbrigði er þulin. Sérstaklega þegar enginn virðist hafa lært sína lexíu. 

Stærsta breytingin síðan Ómíkron uppgötvaðist

Athugasemdir

[Vagn (IP-tala skráð) 20.8.2023 kl. 17:14]

Skaðræði veirunnar verður ekki metið útfrá því hversu litlum skaða hún olli á stöðum sem voru með sóttvarnaraðgerðir. Rétt eins og möguleg skaðsemi elds í húsnæði verður ekki metin út frá því hversu mikið brennur þar sem eldvarnarkerfi eru fyrir hendi. Hér á landi hefðu um þúsund manns látist úr covid á fyrsta ári faraldursins ef ekkert hefði verið gert, 29 létust úr covid á Íslandi fyrsta ár covid.

Sóttvarnaraðgerðir stjórnvalda byggðu á því að ein réttindi var ekki búið að rífa úr klóm yfirvalda með stjórnarskrám og jafnvel blóðugum byltingum heldur auka frekar en það voru réttindin til að valda öðrum líkamsskaða og dauða með smiti banvænnar veiru. Stjórnarskrár og lög gerðu ráð fyrir því að stjórnvöld stæðu vörð um rétt fólks til frelsis frá mögulegum smitberum. Í Bandaríkjunum er sá réttur víða svo sterkur að nálgist þig einhver sem þú grunar um að vera smitaður banvænni veiru þá mátt þú skjóta hann og það flokkast sem sjálfsvörn. Þegar mér verða afhent vopn og veittur sá réttur til að verja mig og mína gegn smiti þá má afnema varnarskyldu yfirvalda.

Sjálfsvíg eru á svipuðu róli og fyrir covid og hjartavandamál ungra karlmanna sex sinnum algengari hjá þeim sem fengu covid en þeim sem voru bólusettir. Ekkert mark er tekið á "rannsóknum" sem byggja á opinni internetgátt þar sem allir geta sent inn sögur en ekki á vísindalegum rannsóknum. En þær "rannsóknir" eru búnar til af og gagnast eingöngu óreiðuöflum og andstæðingum bóluefna til áróðurs.

Lexían sem lærðist af veirutímum er að sóttvarnaraðgerðirnar virkuðu vel en víða hefði þurft að hafa þær harðari og leggja þær á miklu fyrr. Bóluefnin björguðu miklu og voru ástæða þess að hægt var að létta á sóttvarnaraðgerðum, mánuðum eða jafnvel árum fyrr en ella, þó virknin væri ekki ekki eins mikil og vonast var eftir.

[Geir Ágústsson, 20.8.2023 kl. 17:46]

Vagn,

Einhver vitur orð um umframdauðsföll í mörgum af "vel bólusettum" ríkjum?

[Þorsteinn Siglaugsson, 20.8.2023 kl. 18:49]

Það er eins og að koma í annan veruleika að lesa athugasemdir á borð við það sem hinn svokallaði Vagn lætur frá sér. Að kalla vísindarannsóknir skoðanakannanir á netinu ef þær sýna niðurstöður sem honum eru ekki að skapi. Að halda því ENN fram að hinar fáránlegu aðgerðir hafi komið í veg fyrir að einhver dæi úr pestinni núna þegar löngu er ljóst að þær breyttu engu, eins og ný skýrsla skoskra yfirvalda sýnir til dæmis glöggt. En sú skýrsla er eflaust byggð á "opinni internegátt" og búin til af "eingöngu óreiðuöflum og andstæðingum bóluefna til áróðurs."

Eru í raun og veru engin takmörk fyrir því hversu heimskt og óupplýst fólk getur verið?

[Vagn (IP-tala skráð) 20.8.2023 kl. 19:06]

Er eitthvað sem bendir til þess að hjá bólusettum séu einhver umframdauðsföll? Það er enganveginn nóg að segja bara umframdauðsföll, hljóta að vera sprauturnar. Það gæti rétt eins verið að umframdauðsföllin séu hjá óbólusettum sem fá covid. Þú hefur engin gögn sem styðja við tilgátu þína. 

[Daníel Sigurðsson, 20.8.2023 kl. 19:29]

Síðari hluti eftirfarandi setningar þínnar Vagn, sýnist mér vera ein af mörgum tilbrigðum við það sem kallast að ljúga með tölfræði:

Sjálfsvíg eru á svipuðu róli og fyrir covid og hjartavandamál ungra karlmanna sex sinnum algengari hjá þeim sem fengu covid en þeim sem voru bólusettir.

Seinni hlutann er vart hægt að skilja öðru vísi en svo að þú haldir því fram að þeir sem voru bólusettir hafi ekki fengið covid.  Sem auðvitað er víðáttu fjarri raunveruleikanum, enda hefur komið á daginn að bólusetningin veitir ekki marktæka vörn gegn covid.

En kannsk ætlaðirðu (en skjöplaðist aðeins á tungunni eða öllu heldur músinni) að éta upp órökstuddan uppspunann sem Kári Stefánsson hélt fram í nýlega blaðaviðtali að bólusetningin gegn covid veitti sex falda vörn gegn hjartavöðvubólgu.  

[Ásgrímur Hartmannsson, 20.8.2023 kl. 20:35]

Mér fannst alltaf lang-magnaðast þegar 10X fleiri dóu i seinni bylgjunni, úr meinlausara afbrigði.

Allir bólusettir.

Magnað.

Og ég veit ekki betur en ennþá séu 1 af hverjum 5 dauðsföllum sprautunni að kenna.

Magnaðara.

Og fólk er bara að humma það af sér.

Fólk fær þá bara meira af sama.  Og ég verð bara að yppa öxlum, fólk hlýtur að eiga þetta allt skilið.

[Trausti (IP-tala skráð) 21.8.2023 kl. 08:55]

 

 

Hitti skólafélaga mína fyrr í sumar sem ég hef ekki séð í nokkur ár. Covid kom upp í samræðum og það kom í ljós að þessir 3 félagar mínir voru allir bólusettir fyrir Covid 2x og tveir af þeim vildu fara í 3 boosterinn. Athyglisvert fannst mér að allir 3 hafa fengið Covid og einn fengið það 2x. Öll mín fjölskylda 4 afþökkuðum tilrauna bólusetningar og engin af okkur höfum fengið Covid þ.e.a.s. ef einhver treystir á þessa PCR 40 cyc test. EN samt áhugarvert.

[Trausti (IP-tala skráð) 21.8.2023 kl. 10:26]

Þorsteinn!

Þessi Vagn eins og hann kallar sig er búin að líma sig á Geir frá fyrsta degi Covid og allir ættu nú að skilja að þetta er einhverskonar ríkis starfsmaður að reyna að búa til jákvæða ímynd og réttlætingu aðgerða stjórnvalda. Algjör bullukollur en menntaður samt sem slíkur. Þegar menn fá laun til að aðlaga vonlausan málstað til vorrar þjóðar þá kalla ég svoleiðis siðleysi.

[Sigurður Kristján Hjaltested, 21.8.2023 kl. 11:11]

Eigum við að tala um Svíþjóð..??

Engin stjórnvöld í Evrópu vilja ræða um það hvernig þeir

brugðust við. Þar voru mannréttindi virt en ekki afnumin í einni

mestu og stæðstu lygasögu sem hefur verið sett fram. Menn fengu fálkaorðu

fyrir fálkaskap. Sóttvarnarlæknir lét alla sína menntu og reynslu hverfa

vegna áróðurs frá gervivísindamönnum sem sérvaldir voru frá

lyfjafyrirtækjunum, þrátt fyrir ábendingar og viðvaranir frá fólki sem

ekki gleypti þetta athugasemdalaust þá var ekkert stoppað. Meira að segja

Kári Stefáns hefur reynt að biðjast afsökunar. Forseti Íslands ætti að

gera hið sama vegna sinna ummæla en efast um að hann geri það nokkurn tíman.

Fólk var haft að fíflum, svo einfallt er það.

Afleiðingarnar eru enn að koma fram eftir þessar sprautur og þær eiga

bara eftir að vera enn skelfilegri þegar lyginni og áróðrinu verður eytt.