Trúir þessu einhver?

Á fésbókinni er sérstakur hópur fyrir íslenskar konur sem hafa upplifað breytingar á tíðahring í kjölfar kóvít-bólusetninga. Þær breytingar eru af öllu tagi: Blæðingar hafnar aftur eftir breytingaskeið, blæðingar óstöðvandi svo vikum og mánuðum skiptir, verkir, óreglulegar blæðingar og jafnvel ófrjósemi, sem fyrir konu sem langar að eignast barn en getur ekki lengur jafngildir eyðileggingu legsins.

Í þessum hópi eru tæplega 3000 konur.

Má teljast líklegt að mun fleiri konur séu fórnarlömb sprautnanna en sú tala gefur til kynna. Ekki eru allir virkir á fésbókinni, mörgum konum hefur verið sagt að svona sé þetta bara og ekkert skrýtið við það og sumar þora ekki að gefa sig fram, jafnvel ekki í lokuðum hópi, enda er aldrei að vita hvar blaðamenn eru á ferð til að viðra persónuleg einkamál fólks á opinberum vettvangi. 

Bólusetning gegn kórónuveirunni eykur ekki líkurnar á því að konur leiti læknisaðstoðar vegna vandamála á tíðahring, að því er kemur fram í nýrri rannsókn. Það er ekki skrýtið, af ýmsum ástæðum:

• Allskyns hræðilegar aukaverkanir voru seldar sem eitthvað viðbúið, tímabundið og erfitt eða jafnvel ónauðsynlegt að gera nokkuð í
• Fjölmiðlar hafa ekki beint verið duglegir í að fjalla um sársauka fórnarlamba sprautnanna og margir telja sig því vera einsdæmi og þjást í einveru
• Læknar eru yfirleitt ráðþrota þegar sprauturnar leggjast á líffæri og henda fólki sín í milli án greiningar og úrræða. Þetta spyrst út. Fólk leitar frekar til stuðningshópa eða aðila utan hins hefðbundna heilbrigðiskerfis sem sprautaði ógeðinu í fólk
• Nánast öll heimsins sjúkdómseinkenni hafa verið tengd við kóvít og konur sem sködduðust af sprautunum hafa kannski talið sig vera með kóvít og því ekki þorað út úr húsi til að heimsækja lækni

En hver veit! Kannski má skrifa mein sprautaðra kvenna á tilviljanir! Eru það ekki hin nýju læknavísindi? 

Annars er athyglisvert að sjá meðhöndlun blaðamanna á niðurstöðum rannsóknarinnar. Blaðamaður Morgunblaðsins segir að það sé ólíklegt að bólusetning orsaki tíðavandamál á meðan blaðamaður Times segir að það sé ólíklegt að það séu sterk tengsl á milli tíðavandamála og bólusetningar. Hið síðarnefnda er mun nær texta rannsóknarinnar sem talar um veik tengsl, ekki ólíkleg tengsl. Smáatriði skipta máli, sérstaklega þegar það er verið að reyna blekkja fólk.

Ósennilegt að bólusetning orsaki tíðavandamál

Athugasemdir

[Þorsteinn Siglaugsson, 5.5.2023 kl. 10:27]

Þessi frétt ber þess öll merki að blaðamaðurinn hefur ekki lesið rannsóknina, en reynir það sem hann getur til að draga úr alvarleika niðurstaðnanna. Og líkt og í íslensku rannsókninni í fyrra, sem sýndi að bólusettir væru nærri helmingi líklegri til að fá kóvít en óbólusettir er mótsögn á milli niðurstaðnanna og umfjöllunar höfunda. Niðurstöðurner eru að í mjög mörgum tilfellum, út frá fjölda skammta og tegund bóluefnis, sé um verulega aukna áhættu að ræða, sem nemur oft 25-30%.

[Ingólfur Sigurðsson, 5.5.2023 kl. 11:16]

Nóg er að taka saman hverjir blaðamennirnir eru eða þeir sem standa að "rannsókninni". Það má lesa útúr fréttinni að Svíar og Evrópusambandið standi fyrir "rannsókninni". Svíar eru jafnaðarmenn og jafnaðarstefnan er trúaratriði þar sem svart er hvítt og hvítt er svart. Hryðjuverk eru fyrir þeim "áskorun" (les afneitun) þar til þeir láta vandamálin til þeirra sem ekki gefast upp fyrir þeim með Pollýönnuhætti. 

Blaðamenn Morgunblaðsins eins og blaðamenn Times eru nú orðnir femínistar margir/eða lúta þeirra kennivaldi. Rétt eins og í ríki Stalíns eða Hitlers, fólk sem var ósammála fasismanum komst ekki áfram í vinnu, lenti í ofsóknum, vinamissi, osfv.

Covid-19 er sjúkdómur sem var hannaður sérstaklega á tilraunastofum af demókrötum, Evrópusambandinu og WEF með það fyrir augum að einkenni hans yrðu óljós og hægt yrði að skrifa þau á hvað sem er annað. Þessvegna var hann búinn til á tilraunastofu og kom ekki úr náttúrunni. Af djöfullegu mannhatri var dútlað við að fá sem lymskulegastan sjúkdóm. Ekki tilviljun náttúrunnar. Allt passar þetta eins og flís við rass.

Upphaflega teymið sem vann að "rannsókninni" hefur fengið fyrirskipanir um hvaða niðurstöður átti að fá. Nú orðið þarf jafnvel ekki að gefa fyrirskipanir í orðum, á blaði eða í tölvu. Nóg er að vera samsekur, meðvirkur, í sama flokki, í meginstraumnum. 

Gríðarlegt magn upplýsinga. 

Hægt er að draga ályktanir sem vísa í tvær áttir. Ef almenningsálitið er afneitun á stærra fjöldamorði en unnin voru í seinni heimsstyrjöldinni, þá verða allar eða flestar niðurstöður í samræmi við það, Trump kemst ekki til valda, því fólk afneitar veruleikanum, sannleikanum. 

Lygin er ljúfari. Hún gerir fólk vinsælt, viðurkennt.

[Geir Ágústsson, 5.5.2023 kl. 15:39]

Þorsteinn,

Kannski sumarstarfsmennirnir séu að hefja störf - hver veit. En vonum að sameiginlegur vinur okkar finni tíma til að fjalla um þessa rannsókn. Hann afhjúpar veikleika rannsókna hraðar en sumarsól bræðir íspinna.

Ingólfur,

Það er hægt að predika áróðurinn án þess að falsa gögn. Eins og Þorsteinn bendir á getur verið misræmi milli þess sem gögnin segja og þeirrar ályktunar sem höfundar draga í útdrætti. Þorsteinn hefur einmitt afhjúpað slíkt áður. Þannig geta gögnin verið raunveruleg, úrvinnslan raunveruleg, aðferðafræðin traust og gagnaúrvinnslan rétt, en síðan fá blaðamenn sem lesa bara útdráttinn einhverja afbakaða túlkun. Mjög lúmskt, en dæmin finnast.

Annars tek ég alveg undir að almenningsálitið hefur hérna mikil áhrif. Það voru jú venjulegir heiðvirðir borgarar sem sögðu "Sieg heil!" á sínum tíma, ekki bara bandbrjálaðir geðsjúklingar.