Fjölmiðill vaknar úr rotinu

Síðan í upphafi seinasta árs hefur verið bent á að ýmis gögn frá íslenskum heilbrigðisyfirvöldum um bólusetningar og spítalainnlagnir hafi mögulega breyst án haldbærra skýringa. Jafnvel mætti færa rök fyrir því að átt hefði verið við gögnin til að fegra frammistöðu bólusetninga gegn COVID-19 (sem við vitum í dag að voru gagnslausar og jafnvel lækning verri en sjúkdómurinn, sérstaklega fyrir ungt fólk). 

Á þetta var bent í pistlum á netinu og í Morgunblaðinu. Engum blaðamanni fannst vera ástæða til að skoða málið betur.

Núna, rúmlega ári síðar, birtist lítil frétt á DV um þetta hugsanlega hneyksli. 

Því ber auðvitað að fagna en þetta leiðir hugann að öðru: Fyrir utan áróðurskennda heimildaþætti Ríkisútvarps Útvaldra Viðhorfa (RÚV) um heimsfaraldurinn svokallaða er ekki að sjá að nein samantekt sé í vinnslu vegna undanfarinna þriggja ára. Það á einfaldlega að sópa öllu þessu undir teppið. 

Í slíkri samantekt þarf ekki að vera neinn ásökunartónn. Það mætti einfaldlega kalla slíka samantekt gagnaöflun fyrir sagnfræðinga framtíðarinnar ef menn treysta sér ekki í naflaskoðunina núna (mögulega vilja sumir komast á eftirlaun áður en beinagrindurnar í skápnum eru afhjúpaðar). En hún þarf að verða til. Frétt DV, eins eftir á og hún er, er vitnisburður um slíkt. Fleiri fjölmiðlar þurfa að vakna úr rotinu. Og auðvitað yfirvöld, en það þykir mér ólíklegt að muni nokkurn tímann gerast.

Athugasemdir

[Ásgrímur Hartmannsson, 16.4.2023 kl. 16:56]

Ég man alveg eftir því þegar Landlæknir faldi 2000 tilkynningar un aukaverkanir AD 2020.  Það fór í frettirnar, en fólk hlustaði bara ekkert á það, þótti það ekkert grunsamlegt, og allir fóru í 3 sprautuna.

Eins og fífl.

Darwin er að hirða fólk.

[Kristín Inga Þormar, 16.4.2023 kl. 16:58]

Ætli nokkur "blaðamaður" taki að sér að rýna í þessa nýju frétt? Ég leyfi mér að stórefa það, nú veit ég ekki hvort þeir séu svona húðlatir eða hvort þeir séu múlbundnir af yfirmönnum sínum.

En það sem búið er að ljúga að okkur varðandi þennan "heimsfaraldur", og svo toppað núna með þessum áróðursþáttum!

RÚV og yfirvöld munu sópa öllu þessu undir teppið eins og þau hafa gert hingað til, eins lengi og þau munu komast upp með.

[Geir Ágústsson, 17.4.2023 kl. 06:28]

Ásgrímur,

Okkar heilbrigða tortryggni hefur verið tekin algjörlega úr sambandi. Ég vil samt endurtaka ákall Þorgeirs Eyjólfssonar í nýlegri Morgunblaðsgrein, sem sendir væna pillu á yfirvöld: 

Af hverju halda ís­lensk stjórn­völd áfram að hvetja al­menn­ing, ekki síst eldri borg­ara, til að þiggja örvun­ar­bólu­setn­ing­ar þrátt fyr­ir óviðun­andi mikla hættu á al­var­leg­um skaða eða jafn­vel dauðsföll­um af völd­um bólu­efn­anna? Not­um aðrar aðferðir til að fækka á biðlist­um og stytta bið eft­ir hjúkr­un­ar­rým­um.

Kristín,

Já, því miður stefnir í að það eigi að sópa öllu undir teppið. En er það hægt? Sprautuskaðarnir eru ekki allir komnir fram og einhver mál að malla í kerfinu sem að lokum mun þurfa að eiga við. Þeir sem eru skaddaðir hafa einfaldlega of mikla hagsmuni til að láta hunsa sig. Eða það má vona.