Hvar er hneykslið?

Eitthvað af leynilegum gögnum bandarískra yfirvalda hefur verið lekið. Hvað finnst fréttamönnum fréttnæmt við það? Jú, persóna þess sem lak gögnunum! Byssuóður, trúaður tölvuleikjaspilari! Greinilega einhver bjáni en samt ekki meiri bjáni en svo að honum tókst að krækja í þessi gögn.

En gott og vel. Hvað var í þessum gögnum? Það fer eftir því hvern þú spyrð en á einum stað les ég að þar hafi verið fjallað um starfsemi NATO-hermanna í Úkraínu sem nær langt aftur í tímann.

Nú vita allir sem vilja að hermenn frá NATO-ríkjunum berjast nú á jörðu niðri í Úkraínu - mögulega örfáir sérsveitarmenn og mögulega stærri sveitir NATO-hermanna (sem má teljast líklegt vegna þess að BBC og CNN hamast við að reyna segja hið gagnstæða, jafnvel korteri áður en annað var afhjúpað). Takmarkið í mörg ár hefur jú verið að knésetja Rússland með ýmsum aðferðum.

En þetta þykir ekki fréttnæmt. Nei, þess í stað fjalla fréttir um persónur þeirra sem afhjúpa leyndamál af þessu tagi en ekki að á bak við tjöldin eru NATO-hermenn í leynilegum erindagjörðum djúpt inni í átökum og neita svo fyrir það. 

Maður vonar bara að það takist að leka fleiri gögnum og gera sæmilega aðgengileg svo almenningur geti fengið að vita hvað fer fram á bak við tjöldin án hans vitneskju og bak við verndarvegg hinna svokölluðu fjölmiðla og að almenningur spyrni við fótum. Þá er mögulega hægt að afstýra heimstyrjöldinni sem suma dreymir um.

Maðurinn á bak við lekann nafngreindur

Athugasemdir

[Ásgrímur Hartmannsson, 13.4.2023 kl. 19:46]

Það litla sem ég hef nennt að kynna mér af þessu er bara fyrirfram þekkt efni, eða eitthvað sem okkur hefur grunað, byggt á fyrirlyggjandi gögnum og smá rökhugsun.

Spurning hvaða augum Rússar líta þetta. Hef grun um að þeir efist.

Allt svona hægir náttúrlega á hernaðarátökum. Búið að sýna of mikið, lyfta "fog of war."

Sem er bara jákvætt.

[Geir Ágústsson, 13.4.2023 kl. 20:21]

Ásgrímur,

Sama hvað það er þá held ég að það megi treysta því algjörlega að það er ekki verið að segja okkur rétt frá. Svo þegar þeir segja að það séu 0 NATO-hermenn í Úkraínu þá vitum við að þeir eru fleiri. Mögulega miklu fleiri.

[Guðmundur Jónsson, 14.4.2023 kl. 09:21]

Fjöldi Nato liða á átakasvæðunum er tug þúsund en ekki nokkrir tugir eins og kemur fram í þessum skjölum. Herafla Zelenskyy í Úkraínu er stýrt af NATO og allt fjármagn til hans hefur komið þaðan undanfarin áratug.  Þessu var því nær örugglega viljandi lekið til að nota sem heimild fyrir "lítilli" íhlutun Nato seinna. Meirihluti alla "leka" sem koma frá NATO BNA eru falsanir til að stýra umræðu og falsa "fréttir" Nato er þessi misseri að tapa illa í hefðbundnu málaliðastríði við Rússa. Þar sem báðar hliðar beita fyrir sig málaliðum og Úkraínskum borgurum. Og Nato er að tapa aðallega vegna þess borgararnir á átaksvæðinu er meira fylgjandi Rússum.

[Bragi Sigurðsson (IP-tala skráð) 15.4.2023 kl. 10:48]

"Þar liggur fiskur undir steini." Hvernig má það vera að 21 árs "helgar-hermaður" (National Guard) getur verið á ferðinni í Pentagon og haft aðgang að "top secret" skjölum? Og svo er strax sagt í fréttum að hann sé hægri öfgamaður. Öllum ætti að vera ljóst að þetta er en ein bjánavitleysan; eithvað annað býr þarna að baki.

Nato/USA hefur leynt og ljóst verið mikill þáttakandi í þessu stríði. Þeir veita upplýsingar og leiðbeiningar um skotmörk og hafa jafnvel "verktaka" sem eru fyrrverandi hermenn til þess að stjórna hátæknivopnum á vígvellinum. Einnig "ráðgjafa" sem eru oft á tíðum starfandi hermenn Nato.

Málaliðar frá ýmsum löndum fá greidd laun frá USA. Þetta eins og margt annað - falið almenningi.