Óttist! Óttist! Óttist!

Langur tími er liðinn síðan ég sótthreinsaði seinast á mér hendurnar. Ég þvæ þær eftir klósettferðir, fyrir matartíma og eftir eitthvað flakk í verslunarmiðstöðvum og annað eins og þar við situr. Þegar ég sæki dóttur mína á leikskólann amast ég ekkert við því að hún troði skítugum leikskólaputtum í andlitið á mér, þöktum öllum umgangspestum hvers tíma. 

Enn lengra er síðan ég hætti að nota andlitsgrímu nema hún væri algjör forsenda þess að geta gert eitthvað sem ég gat ekki sleppt, eins og að fá afgreiðslu í flugvél. Þessar grímur eru hættulegar heilsunni, troðfyllast af myglusveppum og veirum sem blómstra í rakanum og hitanum. Miklu frekar hef ég leyft öðrum að skamma mig eða atast í mér en að setja á mig gagnslausa tusku sem læknar hafa aldrei notað til annars en að stöðva eigin hráka frá því að lenda í munni og opnum skurðum skjólstæðinga sinna.

Nú á að reyna hræða okkur með apabólunni. Það er auðvelt að verja sig gegn henni: Sleppa því að mæta á afmarkaða viðburði ákveðinna hópa og stunda þar ákveðna iðju. Eða með orðum sérfræðings WHO:

So at the moment, the people who are most exposed appear to be men who have sex with men. 

Ekki flókið, eða hvað?

Og varla mikið að óttast, eða hvað?

Það er komið nóg af þessum gengdarlausa hræðsluáróðri. Við höfum oft farið í gegnum tímabil mikilla veirusmita þar sem jafnvel margar veirur eru að herja á samfélagið á sama tíma og leggjast á ýmsa áhættuhópa. Það er bara hluti af lífinu. Auðvitað á að bregðast við slíku með ýmsum hætti, svo sem að bjóða ekki ömmu gömlu á skátamótið þar sem nóróveiran geisar, og slíkt má gera af yfirvegun og án þess að svipta börn námi og félagslífi, loka eldra fólk inni og taka atvinnuna af unga fólkinu.

Apabólan er alvarlegt heimsvandamál að mati WHO

Athugasemdir

[Grímur Kjartansson, 23.7.2022 kl. 15:36]

Þetta er bara aumkunarverð tilraun WHO til að reyna að halda í fyrri völd og áhrif vegna Covid. Þau heilbrigðisyfirvöld sem hlaupa á eftir þessu eru bara hlægileg

Ghebr­eyes­us fékk sína 5 mín af frægð en þyrstir nú í meira sviðsljós

[Vagn (IP-tala skráð) 23.7.2022 kl. 15:41]

Sex vikna ummæli sem miðuðust við þáverandi ástand eru ekki eitthvað sem þú ættir að nota sem viðmið. Í dag eru smit komin útfyrir þennan hóp og hver sem er getur smitast.

En ef þú vilt að smitum fjölgi og stefni í óefni með lokunum o.s.frv. þá endilega haltu áfram að hvetja fólk til að taka aðvaranir ekki alvarlega, það virkaði svo vel í covid að grípa ekki til aðgerða fyrr en pestin var komin á gott flug. Til hvers að grípa til aðgerða meðan ógnin er lítil og lítið þarf til að eyða henni?

[Geir Ágústsson, 23.7.2022 kl. 15:43]

Vagn,

Úlfur, úlfur? Tvær vikur til að fletja kúrvuna? Loka í smástund?

[Theódór Norðkvist, 23.7.2022 kl. 16:19]

 Ekkert bólar á Sóttvarnahræðsluráði.

[Vagn (IP-tala skráð) 23.7.2022 kl. 16:21]

Hvenær telur þú að ætti að byrja að aðvara fólk? Þegar ástandið er orðið þannig að lokanir eru óumflýjanlegar eða þegar smá varkárni og fyrirhyggja nægja til að eyða ógninni? Eða á bara að þegja út í það óendanlega og vona að ógnin hverfi?

Hvenær ætlar þú svo að vera með smá hræðsluáróður úlfur, úlfur, og segja þínum börnum að passa sig á bílunum. Þegar það fyrsta lendir í slysi eða fyrr? Og ef þau hlaupa samt fyrir bíla, hættirðu eftir viku, tvær vikur?

[Kristín Inga Þormar, 23.7.2022 kl. 19:41]

Það er best að gera bara stólpagrín að þessum endalausa og tilhæfulausa hræðsluáróðri, og sýna þannig fram á hversu heimskulegur hann er.

[Ásgrímur Hartmannsson, 23.7.2022 kl. 20:46]

Það þarf einhver að ræða við þennan Tedros.  Það er ekki normalt að halda að allir stundi homma orgíur og eðli sig með öpum.
Það þarf einhver að útskúra fyrir honum, í stuttum setningum samsettum úr 4 stafa orðum, að það er sennilega bara hann og hans vinahópur sem hagar sér svona.

Og reka hann svo.

[Þröstur (IP-tala skráð) 24.7.2022 kl. 01:05]

Vanguard and Blackrock are some of the biggest shareholders of Bavarian Nordic which is producing the Jynneos Monkeypox vaccine. 

The biggest shareholder is Invesco who is coincidentally partnered with the World Economic Forum. The stock started skyrocketing May 9th.

Nú er hægt að fara inn á Yahoo Finance og staðfesta þetta.. ÉG hef gert það e.t.v. geta Teddi og vagninn gert það sama en er ekki viss um að þeir vilji það. Þett er audda bara samsæri að halda þessu fram e'þakki?

[Heiðar Þór Leifsson (IP-tala skráð) 24.7.2022 kl. 04:00]

Mr. Bandwagon virðist alltaf vera vinsæll í tilsvörun.

[Vagn (IP-tala skráð) 24.7.2022 kl. 13:32]

Fjárfestingarsjóðurinn Invesco á rúm 4% hlutabréfa Bavarian Nordic, en það eru í dag nærri 0,007% af hlutabréfasafni Invesco. (0,007% eru 70 fyrir hverja milljón og því ljóst að afkoma Bavarian Nordic hefur mjög lítil áhrif á afkomu og eignasafn Invesco.)

Fjárfestingarsjóðirnir Vanguard og Blackrock eiga önnur 4% til samans.

Hluthafar í Bavarian Nordic eru yfir 100.000 aðallega einstaklingar, fjárfestingasjóðir og lífeyrissjóðir.

Hlutabréfaverð Bavarian Nordic hefur sveiflast gegnum árin. Eftir mikla lækkun fyrstu mánuði ársins stefnir það nú í að ná sama verði og í september 2017 og 2021.

[Theódór Norðkvist, 24.7.2022 kl. 13:33]

Ertu að spyrða mig saman við Vagninn, Þröstur? Ég sagði ekkert um þessar kenningar, hef ekki tíma til að kynna mér þær núna og tek því enga afstöðu til þeirra. Þetta með Sóttvarnarfræðslu(hræðslu)ráð var meint sem grín.

[Geir Ágústsson, 24.7.2022 kl. 23:11]

Theodór,

Ekki taka þetta nærri þér. Þú ert enginn vagn. Hitt er annað, að Vanguard og Blackrock eru nöfn sem er mjög athyglisvert að skoða nánar. Þessi félög eiga hlut í nánast öllu, meðal stærstu hluthafa víða og ráða yfir fé af slíkum stærðargráðum að flest hagkerfi blikna í samanburði.

[Vagn (IP-tala skráð) 24.7.2022 kl. 23:49]

"..Þessi félög eiga hlut í nánast öllu.." og samt heldur fólk að þau séu með eitthvað samsærisplott sem fellir verð á nær öllum hlutabréfum. Fólk trúir því að þau felli verð hlutabréfasafna sinna um milljarða til að hækka verð prósentubrots eignasafnsins um einhverjar milljónir. Svipað og gáfnaljósin sem halda að ýmsir ríkustu menn heims rói því öllum árum að fækka sínum viðskiptavinum og lækka virði eigna sinna. Og snillingarnir sem halda að lyfjafyrirtæki sem ekki geta stjórnað fréttaflutningi um sig sjálf stjórni öllum öðrum fréttaflutningi. Sem svo snúa sér að loftlagsmálum og telja vísindamennina vera að ljúga og að annarlegar hvatir búi þar að baki vegna þess að kola og olíuiðnaðurinn segir það. Sumum er bara ekki við bjargandi.

[Geir Ágústsson, 25.7.2022 kl. 00:19]

Vagn,

Hvaða fall í hlutabréfum ertu að vísa í?

[Vagn (IP-tala skráð) 25.7.2022 kl. 03:17]

Fallið sem varð við covid og verður ef apabólan verður til þess að svipað ástand skapast.

[Geir Ágústsson, 25.7.2022 kl. 07:09]

Hér er svolítil grein eftir vinstrimann í New York Times um Blackrock, Vanguard og State Street sem rispar aðeins yfirborðið á því sem þarf að segja um þau fyrirtæki:

https://www.nytimes.com/2022/05/12/opinion/vanguard-power-blackrock-state-street.html

Svo má að gamni nefna sem dæmi að hlutabréf Blackrock Inc. eru nú 100 dollurm hærri en í ársbyrjun 2020 og hafa samt fallið töluvert síðan á hápunkti Covid. Það er eins og heimsfaraldurinn hafi haft góð áhrif á hlutabréfaverðið. Kannski að 7,3% eignarhald í Pfizer, 7,2% eignarhald í Moderna og 7,6% eignarhald í Johnson & Johnson hafi hjálpað til. 

[Vagn (IP-tala skráð) 25.7.2022 kl. 08:52]

7,3% eignarhald í Pfizer, 7,2% eignarhald í Moderna og 7,6% eignarhald í Johnson & Johnson hefur örugglega hjálpað til. En þegar fólk sá að 7,3% eignarhald í Pfizer, 7,2% eignarhald í Moderna og 7,6% eignarhald í Johnson & Johnson var bara örlítið brot af eignasafninu og hækkun þar skilaði ekki neinum ofurgróða hafi hlutabréf Blackrock lækkað aftur. Vonin um að Blackrock græddi á covid virðist hafa horfið um þennan hápunkt covid.