Fjöldi heimsfaraldra í gangi: 2

Þá er fjöldi heimsfaraldra sem ganga yfir orðinn tveir. Apabólan auðvitað í óteljandi fyrirsögnum og búin að fá sérstaka upplýsingasíðu hjá embætti landlæknis. Bóluefni keypt. Myndir af útbrotum. 

Einhvern veginn er kóvít líka að troða sér í fréttirnar: Bandaríkjamenn tilbúnir að sprauta litlu börnin og sóttvarnarlæknir Íslands búinn í fríinu sínu og orðinn sólbrúnn og sæll og tilbúinn að segja frá fjölda smita og innlagna um leið og hann biður kjörna fulltrúa um að halda kjafti nema þeir séu honum sammála. 

Ofan á þetta bætist við óðaverðbólga eftir peningaprentun veirutímans og svo er eitt stríð í gangi í heiminum sem verðskuldar athygli okkar. 

Um leið er lítið rætt um óbeinar afleiðingar sóttvarnaraðgerða og viðskiptaþvingana á líf venjulegs fólks, að ógleymdum heilsufarslegum skemmdarverkum sprautanna sem allir hafa verið hvattir til að stinga í sig. Ungbarnadauði í hæstu hæðum? Umframdauðsföll í kjölfar sprautuherferða? Hjartabilanir ungs íþróttafólks? Ekkert að sjá hér. Næsta mál. Stríð í Úkraínu! Verðbólga í boði Rússa!

Það hefur aldrei verið mikilvægara að taka lítið mark á fréttunum því þær eru einhliða áróður yfirvalda og hagsmunaaðila.

ESB kaupir 11 þúsund skammta af apabólubóluefni

Athugasemdir

[Kristinn Bjarnason (IP-tala skráð) 14.6.2022 kl. 19:24]

Það hefur komið í ljós að bóluefnaframleiðendur vissu að efnin virkuðu nánast ekki gegn vírusnum og væru stórhættuleg. Spurningin er vissu ráðamenn hér það líka. Ég geri að minnsta kosti ráð fyrir að sóttvarnarlæknir og nammikarlinn hafi gert sér grein fyrir því. Er þetta ekki risa glæpur sem lögreglan þarf að rannsaka? Ef það verður ekki gert þá erum við dæmd til að endurtaka þetta aftur  og aftur þangað til við erum orðin að alvöru rollum.

[Jón F. (IP-tala skráð) 14.6.2022 kl. 21:08]

Eins og talað út úr mínum munni, Kristinn.

Ég man ekki eftir að hafa heyrt í Nammikarlinum síðan einhvern tíman í fyrra, er hann kominn með bakþanka? Annars á hinn bóginn veður Sóttólfur uppi og talar um að slegist sé um bóluefnin fyrir næsta faraldur (eflaust sömu bóluefnin og þau fyrri, sem þarf að koma út áður en þau renna út).

[Geir Ágústsson, 14.6.2022 kl. 21:38]

Vonandi geta allir opnað þennan litla pistil um hvernig "virkni" bóluefna er svolítið háð því hvernig þú velur úrtakið (í samhengi: Núna á að sprauta börnin líka með glundrinu):

https://alexberenson.substack.com/p/urgent-omg-the-pfizer-data-for-kids/