Töflur og túlkun

Skoðum tvær töflur. Sú fyrri (bls. 23 hér) sýnir umframdauðsföll eftir aldri og tímabili, sú síðari fjölda dauðsfalla sem eru rakin til COVID-19.

Hér er ein möguleg túlkun á þessum töflum: COVID-19 lagðist þungt á eldra fólkið og felldi marga en sprauturnar lögðust þungt á yngra fólkið og felldi það.

Eða með orðum annars:

The excess death numbers among age groups less vulnerable to bad Covid outcomes are quite striking. It was [not] Covid that killed these people. It was the alleged mitigation measures that did it.

Hræðilegt, vægast sagt.

Og á eftir að versna. Gögn eru nú að koma upp á yfirborðið sem fá sprauturnar og aðgerðirnar til að líta sífellt verr út. Það skiptir máli að halda utan um svona lagað og hætta allri afneitun því yfirvöld komust að því að þau gátu komist upp með hvað sem er og gætu því auðveldlega freistast til að endurtaka leikinn og ganga jafnvel enn lengra. 

Þótt menn hafi loksins tekið nýjustu veiruna í sátt í bili er þetta ekki búið. Það tókst að banna þér að vinna, láta sprauta þig og fá þig til að einangra börnin þín. Hvað næst?

Athugasemdir

[Kristinn (IP-tala skráð) 12.5.2022 kl. 17:06]

Og svo láta nánast allir eins og þetta hafi verið í lagi. Allir helstu fjölmiðlar og líka ríkissjónvarpið fjalla ekki um neikvæðar hliðar bóluefna eins og þau muni hverfa við það. Þetta eru svo skuggalegar afleiðingar af þessum sprautum að það verður að rannsaka þetta. Það er tímaspursmál þangað til að lýðurinn uppgötvar að um árás var að ræða. Það þarf að gera allt sem hægt er til að þetta endurtaki sig ekki.

Það lítur út fyrir að það sé samþykkt af þeim sem hafa fengið þessar sprautur þessi þöggun, sennilega af því að fólki langar svo mikið að þetta hafi haft eitthvert gagn og vilja ekki heyra neikvæðar hliðar þess.

[Ásgrímur Hartmannsson, 12.5.2022 kl. 18:02]

Fólk vill ekkert tala um þetta *vegna þess* að þetta var svo mikið Gaman Saman eitthvað.

Og nú eru allir í skítnum saman, í sömu afneituninni, veifandi raunveruleikanum frá sér sem samsæriskenningu.

Geðveikin er áþreifanleg.

[Vagn (IP-tala skráð) 12.5.2022 kl. 18:54]

Þér hefur ekki dottið í hug að orsök umframdauðans sé meira súkkulaðiát á Valentínusardegi 2022? Ég spyr vegna þess að það er bókstaflega ekkert sem tengir þá umframdauðau við sprauturnar frekar en súkkulaðiát. Það er ekki einu sinni hægt að sjá hvort þeir voru sprautaðir!

Ef þetta er dæmi um "gögn eru nú að koma upp á yfirborðið" þá er ekki annað að sjá en að einhverjir séu ennþá í blekkingarleik með túlkanir sem ekki er með nokkru móti hægt að lesa úr gögnunum. Og greinilega enn einhverjir einfeldningar sem láta blekkjast.

[Geir Ágústsson, 12.5.2022 kl. 18:59]

Ég myndi ekki endilega örvænta. Fjöldi fólks streymir nú í "team reality", þar á meðal samtök þúsunda lækna og vísindamanna, og það mun ekki láta gögn og niðurstöður sem streyma nú upp á yfirborðið framhjá sér fara. Og sá gagnastraumur verður bara þyngri og þyngri því þessar sprautur hafa ekki verið til í nema 2 ár og lyf geta tekið nokkur ár að láta finna almennilega fyrir sér.

Menn eins og Þórólfur og Fauci láta sig hljóðlega hverfa á eftirlaun til að enda ekki í gapastokknum næst þegar þrýstingur myndast á að loka fólk inni, svipta börn félagslífi og menntun og láta eldra fólk rotna lifandi til dauða í einangrun á meðan fjármál hins opinbera eru keyrð áfram af nýprentuðu fé sem leiðir til óðaverðbólgu.

[Geir Ágústsson, 12.5.2022 kl. 19:12]

Vagn,

Þú fékkst þinn stað í sviðljósinu í tvö ár þar sem þú last skoðanir þínar á ruv.is og fékkst að ráða því hver fékk að mæta í skóla og vinnu og hver ekki, ásamt öðrum í því sem þú kallaði eitthvað í stíl við "við stjórnvöld". Núna er verið að slökkva á ljósinu. Gangi þér vel í búningsklefanum.

[Vagn (IP-tala skráð) 12.5.2022 kl. 19:40]

Geir, það er greinilegt að ég mun áfram hafa nóg að gera við að fletta ofan af lélegum blekkingum vanhæfra gagnatöflutúlkara. Óværa heimskunnar þrífst best í myrkri, en ljósið fær að loga áfram þó þú viljir helst fá að slökkva. Það verður víst einhver bið á því að þinn tími komi.

[Geir Ágústsson, 12.5.2022 kl. 20:45]

Vagn,

Minn tími kemur sennilega aldrei en mér hefur tekist að verja börn mín frá sprautum og sloppið við þær sjálfur. Ég kalla það bara vel sloppið en er að búa mig undir hvað þú og aðrir af þínu kyni hafa í hyggju næst. 

[Vagn (IP-tala skráð) 13.5.2022 kl. 00:30]

Þitt val og sama er mér og áhuginn á þínu vali enginn. Eða ert þú undrandi og montinn yfir því afreki að takast að velja hvort þú vildir eða vildir ekki sprautur sem stóðu þér til boða? Þú sjálfsagt telur þig líka vinna eitthvað afrek og sleppa vel í hvert sinn sem þú ákveður að fara á klósett frekar en að gera í buxurnar, skola glasið frekar en að þvo það áður en þú drekkur úr því eða kaupa Carlsberg frekar en Tuborg. Líf þitt er bara fullt af spennandi augnablikum, hetjudáðum og erfiðum ákvörðunum fyrir aðra að dást að.

[Kristinn (IP-tala skráð) 13.5.2022 kl. 10:40]

Geir, það eru margir Vagnar þarna úti. Ef þú skoðar you tube með Yuri Bezmanov frá árinu 1984 þá áttar þú þig á hvað er að gerast. Það er sennilega hættulegasti vírusinn.