Drápum við gamla fólkið okkar með sprautum? Eða það unga?

760 ein­stak­ling­ar lét­ust á Íslandi á fyrsta árs­fjórðungi sam­kvæmt Hag­stofu Íslands en 1.110 börn komu í heim­inn hér­lend­is. Fleiri hafa ekki lát­ist á ein­um árs­fjórðungi frá því að Hag­stofa Íslands byrjaði að birta töl­ur um and­lát eft­ir árs­fjórðung­um, seg­ir í um­fjöll­un Hag­stof­unn­ar. 

Ef allir ársfjórðungar eru skoðaðir lítur myndin svona út:

Hvernig stendur á þessu? Var veturinn harður? Nei, það er hnattræn hamfarahlýnun í gangi, eða svo er mér sagt. Voru öll bóluefnin svokölluðu þiggjendum þess banvæn? Auðvitað freistandi spurning sem ég er viss um að einhver úthúðar mér fyrir að spyrja (og hvað þá fyrir að spyrja svona ögrandi í fyrirsögn). Tölur hagstofunnar eru ekki sundurliðaðar eftir aldurshópum en sumir telja að ungt fólk og sérstaklega íþróttafólk sé að deyja meira en áður því bóluefnin hafa eyðilagt í því hjartavöðvann. Kannast samt ekki við slíkar fréttir um skyndileg dauðsföll frá Íslandi, enda úrtakið agnarsmátt (óskiljanlegu hjartaáföllin hafa engu að síður átt sér stað á Íslandi). Enn er verið að rannsaka slíkt erlendis. Hið íslenska landlæknisembætti mun sennilega reynast verra en ekkert miðað við hvernig það klúðraði í málefnum kvenna með truflanir á tíðarhringnum í kjölfar sprautu (og vegna sprautu). 

Nema dauðsföllin komi sprautuherferðum ekkert við og megi skrifa á sjálfsvíg vegna vonleysis eftir að hafa fallið úr skóla eða misst vinnuna þegar hið opinbera þvingaði fyrirtæki til að loka.

Það er auðvitað fréttnæmt þegar dauðsföll taka stökk og yfir 100 einstaklingar látast umfram hið venjulega en maður vonar að þetta sé frávik sem leiðréttir sig strax á næsta ársfjórðungi. Þá verður líka vonandi hætt að spila rússneska sprauturúllettu með líf almennings sem trúir öllu sem birtist í RÚV. Og fólk búið að ferðast aðeins og lifa lífinu í stað þess að einblína á það eitt að halda lífi með tilheyrandi eyðileggingu á ónæmiskerfinu.

Óvenju margir hafa látist á árinu

Athugasemdir

[Joel Hermann (IP-tala skráð) 25.4.2022 kl. 12:00]

Það er líka athyglisvert að tvö mjög mikilvæg gröf undir tölulegar upplýsingar á covid.is voru fjarlægð, en það átti að uppfæra þau gröf "næstu daga". Þau sýndu fram á innlagnir miðað við bólusetningarstöðu, þau gröf voru farin að líta ansi illa út. Fyrst var hætt að uppfæra þau og svo átti að breyta þeim "næstu daga" svo þau liti betur út, þar sem það var svo auðvelt að "mistúlka" þau. En í lokin var sennilega best að fjarlægja þau, en engin ástæða gefin. Óskað var eftir þessum gögnum og aftur engin svör gefin.

Hvað er í gangi?

[Geir Ágústsson, 25.4.2022 kl. 13:23]

Gegnsæið varð svo mikið að það varð ósýnilegt.

[Ásgrímur Hartmannsson, 25.4.2022 kl. 15:50]

 Þetta er þriðja sprautan.  Mig grunaði þetta, byggt á því sem gerðist eftir fyrstu 2 sprauturnar.  Sjá graf: https://hagstofa.is/utgafur/tilraunatolfraedi/danir-tt/

Virðist talsvert meira en ég hélt.  Og þetta er á leið upp.

Minn spádómur stendur á, þó hann virðist bara 1/10 af raunstærð.  Ég segi að grafið haldi áfram upp fram á miðjan næsta mánuð, og þetta hætti ekki fyrr en í sumar.  Miðjan Júní.

Svo gæti líka orðið sumar veikinda og dauða fyrir þá bólusettu.  Þeir eru jú allir að fá AIDS.