Tölum ekki um veiruna

Búið að afnema allar takmarkanir vegna veiru.

Enginn heimsendir í gangi. Mörg smit, vissulega, en um miðjan janúar boðaði sóttvarnalæknir Íslands einskonar "lockdown" og mánuði seinna var búið að afnema allt og hinn ágæti embættismaður kominn í frí. 

Er þá ekki næsta skref að gera upp ástandið?

Þá meina ég: Draga þá til ábyrgðar sem hunsuðu vísindin sem voru orðin nokkuð ljós sumarið 2020 og velja í staðinn að svipta börn menntun og félagslífi, fólki ferða- og atvinnufrelsi og hagkerfinu tekjum? Og auðvitað sprauta eins mikið af framandi efnum í fólk og hægt er. 

Eða á að reyna sópa seinustu 2 árum undir teppið? Svona eins og ekkert hafi gerst? 

Það má auðvitað ekki gerast því þá er hættan sú að næsta veira - hver svo sem hún verður - muni líka vera notuð sem réttlæting til að kippa lýðræðinu úr sambandi, innleiða veiru-fasisma og segja þjáðu fólki að grjóthalda kjafti og deyja úr einhverju öðru en sömu veiru.

Geymt, en ekki gleymt.

Athugasemdir

[Jónas Gunnlaugsson, 9.3.2022 kl. 23:29]

Nú eru fréttirnar frá Úkrainu stríðinu þeirra stanslaust í fjölmiðlunum. 

Fréttirnar virðast vera sami gauragangurinn, til að fela pestar svindlið, og uppspanað stríðið. 

Vonandi sjá fleiri og fleiri sannleikann. 

Semja strax frið með hagsmuni Úkraínu og Rússlands. 

Hver vill fækka fólkinu? 

Ekki tortíma jörðinni. 

Lesa 

https://gudjonelias.blog.is/blog/logostal/#entry-2276532 

[Helga Kristjánsdóttir, 10.3.2022 kl. 02:29]

Hvenær höfum við séð stjórnarandstöðu undanfarin ár standa upp í hárinu á rikistjórninni? Jú í umræðu um orkupakka #3.Ríkisstjórn hennar heilagleika lét ekki svo lágt að svara fulltrúum Miðflokksins í umræðunni.Þeir sýndu þolinmæði héldu áfram og eitt sinn til morguns þegar sigið hafði í séffann að austan sem sleit loksins þingfundi án þess að virða þá viðlits. -- Já Jónas,það er margt skrýtið í kýrhausnum og virkar fyrir mér eins og því menntaðri sem þeir eru því 
trúgjarnari eru þeir,nema þeir hafi ekki hátt um það.- Góða nótt -  

[Jón Steinar Ragnarsson, 10.3.2022 kl. 02:59]

Við skulum vona að menn hafi lært af þessu og geri betur næst. Það er auðvelt að vera vitur eftirá. Ég er nokkuð viss þrátt fyrir gengdarlaust rugl og mistök að þá hafi þessu liði gengið gott eitt til.

Málið var bara að það vissi enginn í raun hvað við var að eiga svo mest af þessum öfgafullu aðgerðum voru apaðar upp eftir hernaðarþjóðum sem eiga lettara með ofríki í nafni þjóðaröryggis og hafa fordæmin á reiðum höndum.

Mig dreymir allavega um að menn beiti sjálfstæðri hugsun ef til kemur og noti tímann til að skoða ofan í saumana á þeirri vísindalegu upplýsingaóreiðu sem var í gangi. T.d. Fullyrðingar lyfjafyrirtækja um virkni og helberri lygi um aukaverkanir.

Legg til að það verði sett á stofn nefnd ábyrgra og hlutlausra manna og kvenna sem fara í saumana á því sem gerðist og geri sínar viðbragðáætlanir eftir því.

Það er enginn bættari við að hengja fólk nú. Í besta falli mætti ganga úr skugga um að verstu klúðrararnir komi aldrei nálægt þessum hlutum aftur.

[Ómar Geirsson, 10.3.2022 kl. 09:40]

Góðan daginn Geir.

Mikið er ég sammála þér, það á að taka þessa umræðu, ekki sópa hana undir teppið.  Sorglegt að afturhvarf Pútíns til fortíðarinnar skuli drepa þeirri nauðsynlegri umræðu á dreif.

Af hverju er manni, sem sannarlega ber beina ábyrgð á dauða þúsunda samlanda sinna, verðlaunaður með starfi hjá þeirri stofnun Sameinuðu þjóðanna sem á að berjast við komandi heimsfaraldra?  Þetta er eins og Ísraelmenn hefðu rænt doktor Mengel til að gera hann að deildarstjóra heilbrigðisráðuneytisins með vísan í víðtæka þekkingu hans á læknisfræðilegum tilraunum.

Af hverju var umræðan í Bretlandi látin snúast um meintan gleðskap í Downingsstræti þegar ljóst er að tregðan þar við að grípa til nauðsynlegra samfélagslegra lokana, annars vegar í lok vetrar 2020, og hins vegar haustið sama ár (þegar menn áttu sannarlega vera búnir að læra af fyrri mistökum), kostaði tugþúsundir Breta lífið og hafði þær afleiðingar að loks þegar gripið var til aðgerða, þá urðu þær miklu harðari en ella, og stóðu mun lengur yfir??

Að ekki sé minnst á hvaða hagsmunaöfl sáu sér hag í að grafa undan nauðsynlegum sóttvörnum og seinna meir fóðra andstöðuna við bólusetningar??

En þú varst að tala um innlenda umræðu Geir, og þar má nefna þörfina á að gera úttekt á þeim skaða sem ítrekaðar opnanir á landamærum án nauðsynlegra sóttkvíar, ollu efnahagnum, sem og að þessi afglöp bitnuðu á almenningi, hann greiddi fyrir heimskuna með samfélagslegum lokunum, sem bitnuðu hart á daglegu lífi fólks, að ekki sé minnst á þjófnaðinn á eðlilegri æsku sem kemur aldrei aftur hjá þeim sem stolið var frá, því eðli málsins vegna er ekki hægt að endurtaka þessi þroskaár barna og unglinga.

Síðan, og ekki hvað síst, til hvers var verið að bólusetja þjóðina, kaupa inn ný lyf og þróa meðferðir, ef þeim vörnum var ekki treyst??

Samfélagslegar lokanir voru réttlætanlegar fram að því, en ekki eftir að varnirnar voru til staðar.

Aumast af öllu í þeirri réttlætingu var vísan í fjölda óbólusettra og meintra veikinda þeirra.  Þeir sem neita nútímanum, eiga ekkert erindi inná nútímasjúkrahús, í stað þess að fylla farsóttarhús af óveiku fólki, máti útbúa þau uppá gamaldags máta líkt og gert var í spænsku veikinni 1918, og bjóða fólki sem vildi félagsskap í meintum veikindum sínum, uppá innlögn þar, fæði og húsaskjól, þá hefðu farsóttarhúsin staðið undir nafni.

Samfélagslegar lokanir eru dauðans alvara, alltaf ýtrasta neyðarúrræði, til þeirra á ekki að grípa fyrr en allt annað sé reynt til þrautar.

Á því klikkuðu íslensk stjórnvöld.

Og menn eiga að læra af því.

Kveðja að austan.

[Kristinn Bjarnason (IP-tala skráð) 10.3.2022 kl. 10:35]

Ómar það eru engar vísindalegar rannsóknir sem toppa raunveruleikann. Við erum að horfa upp á hörmulegar afleiðingar af þessum sprautum sem eiga ekkert skylt við bóluefni. Mér hefur alltaf þótt skynsamlegra að spyrja fyrst og skjóta svo.

[Geir Ágústsson, 10.3.2022 kl. 13:22]

Hér er dæmi um það sem verður að gerast: Fleiri læknar þurfa að stíga fram og viðurkenna að þessar hörðu sóttvarnaraðgerðir hafi ekki skila árangri, og biðjast hreinlega afsökunar á fyrri afstöðu sinni:

https://twitter.com/ChristinaPushaw/status/1500867115313770496

Frá hringborðsfundi ríkisstjóra Flórída á mánudaginn - vonandi kemur eitthvað myndband sem lifir af ritskoðun. Sjá litla klippu (frá 40. sek) hér:

https://twitter.com/GovRonDeSantis/status/1501581145544220676

[Þorsteinn Sch Thorsteinsson (IP-tala skráð) 10.3.2022 kl. 20:48]

Sæll Jónas,

Hér er eitthvað meira fyrir þig í þessu sambandi: 


"Former Ukrainian PM: Putins Saved Hundreds of Thousands of Lives"  : https://wp.me/p2X3AR-VYD -
: https://twitter.com/thetlbproject

Former Ukrainian PM: Putins Saved Hundreds of Thousands of Lives

Sannað að Úkraína undirbjó árás á Donbass og Krím

Ukraine, It Was All Written in the Rand Corp Plan

[Ómar Ragnarsson, 14.3.2022 kl. 13:15]

Undirbúningur samdráttur liðs fyrir stórfellda árás rússneska hersins blasti við samkvæmt gervihnattamyndum allt frá því fyrir áramót. Síðan kom innrásin og myndirnar eftir það sýndu samhengið. 

Ekki ein einasta sambærileg mynd hefur sést af "undirbúningi árásar Úraínu" hvorki fyrir né eftir 24. febrúar.