Yndislegu samsæriskenningar

Bandaríski blaðamaðurinn Alex Berenson er sérstök tegund blaðamanns og höfundar. Sumir kalla hann klikkaðan. Sumir kalla hann boðbera samsæriskenninga og upplýsingaóreiðu. Sumir telja hann vera vandaðan fagmann sem sér í gegnum þokuna. En fæstir hafa sennilega heyrt nafn hans.

Hann er meðal margra til að vera vísað af Twitter í kjölfar faraldurs en hefur ekki látið það stöðva sig. Hann skrifaði bók um faraldurinn sem hefur selst í bílförmum og heldur úti mjög ört uppfærðri síðu á Substack sem er mjög áhugavert að fylgjast með. 

Sem dæmi um efni frá honum þá bendir hann á að seinasta færslan sem hann setti á Twitter áður en hann fékk sparkið er núna flokkuð á annan hátt en áður. Fyrst var hún merkt svo: "This Tweet is misleading. Learn why health officials recommend a vaccine for most people."

Núna er búið að taka út setninguna "This Tweet is misleading." (Þetta er eingöngu sýnilegt Alex sem eiganda hins lokaða reiknings.)

Og hvað skrifaði hann sem var áður talið "misleading" en ekki lengur? Jú, nákvæmlega þetta:

It doesnt stop infection.
Or transmission.

Dont think of if as vaccine.

Think of it - at best - as a therapeutic with a limited window of efficacy and terrible side effect profile that must be dosed IN ADVANCE OF ILLNESS.

And we want to mandate it?
Insanity.

Þetta er öllum ljóst í dag en Alex skrifaði þetta í ágúst 2021 þegar fyrstu gögn um virkni og aukaverkanir voru að berast úr fyrstu sprautulotunum, sérstaklega frá Ísrael en einnig víðar. 

Þetta er sem sagt ekki lengur talið vera "misleading" en var afskrifað og ritskoðað og fjarlægt fyrir ekki nema hálfu ári síðan.

Sem sannar enn og aftur svolítið sniðuga skýringu á muninum á samsæriskenningum og raunveruleikanum, sem er: 6-9 mánuðir.

Það er eitt að hlusta á vísindin eins og þau eru þulin upp af valdasjúkum eða vitlausum stjórnmálamönnum, opinberum embættismönnum að verja lífeyri sinn og talsmönnum lyfjafyrirtækja. Það er annað að hlusta á vísindin.

Athugasemdir

[Ásgrímur Hartmannsson, 12.2.2022 kl. 20:27]

Ef undanfarin 50 ár hafa ekki kennt okkur að að er ekkert að marka yfirvöld eða helstu fjölmiðla, þá er okkur ekki við bjargandi.

[Helgi Viðar Hilmarsson, 12.2.2022 kl. 21:49]

Samsæriskenning er áróðurhugtak sem ekki þarf að svara fyrir né taka mark á.

[Vagn (IP-tala skráð) 12.2.2022 kl. 22:14]

Hvar er samsæriskenningin? Þetta kemur samsæriskenningum ekkert við. Þetta eru bara hálfsannleikur og vísvitandi tilraun til blekkinga hjá honum. Hann gefur bara þann hluta upplýsinganna sem hann vonar að nægi til að venjulegt fólk dragi rangar ályktanir.

[Geir Ágústsson, 12.2.2022 kl. 22:29]

Vagn,

Var að vona að þú myndir mæta á svæðið. Hvaða hluta upplýsinga vantar? Hvaða röngu ályktanir er hann að reyna draga fram?

Ég skal hjálpa þér:

Sprauturnarc sem voru tilkynntar sem bóluefni gegn COVID-19 í bólusetningu sem, skv. skilgreiningu sóttvarnalæknis á slíkri aðgerð, "má flokka sem fyrsta stigs forvörn og er hún áhrifaríkasta leiðin til að koma í veg fyrir útbreiðslu smitsjúkdóma og alvarlegar afleiðingar þeirra", hafa reynst verri en engar.

Eða er einhver ný skilgreining á bólusetningu á sveimi núna?

Hafðu nú samband við Þórólf, sem er hluti af "við stjórnvöld" hópnum sem þú tilheyrir, og segðu honum að uppfæra aðeins frasa-safnið.

Samsæriskenningin er sem sagt sú að bóluefnin, svokölluðu, komi í veg fyrir smit og hindri útbreiðslu veiru. Þú getur notað Google Translate á tilvitnunina til öryggis. 

[Kristín Inga Þormar, 12.2.2022 kl. 23:21]

Það er bara staðreynd að allir, lærðir og leikir, sem hafa vogað sér að vara við þessum svokölluðu "bóluefnum" sem sannanlega eru búin að valda skelfilegum skaða og dauða um heim allan hafa verið ritskoðaðir og bannfærðir á þessum helstu miðlum og leitarvélum.

Síðan hvenær eru vísindin bara "einn sannleikur"? Alvöru vísindamenn fagna umræðum og gagnrýni og láta ekki stjórnast af spilltum peningaöflum.

[Theódór Norðkvist, 13.2.2022 kl. 03:40]

Aftur sprungið á varadekkinu hjá Vagninum. Ef þetta er svona mikið bull og hálfsannleikur, af hverju þarf Twitter (= Shitter) að banna manninn? Ef það er svona auðvelt að hrekja rök hans, þá er ekkert að óttast frá honum.

Ef hinsvegar það er eitthvað til í þessu sem maðurinn er að segja, þá þurfa ákveðin öfl sem hafa eitthvað að fela, að óttast hann og að sjálfsögðu kefla fyrir munninn á honum svo hann eyðileggi ekki allt með sannleikanum.

[Kristinn Bjarnason (IP-tala skráð) 13.2.2022 kl. 10:07]

Það hefur verið eitrað fyrir þjóðinni að því er virðist vísvitandi. Þetta er mesti glæpur sem ég get ímyndað mér. Á upphafsdögum þessa svokölluðu bólusetninga las ég greinar eftir virta vísindamenn sem voru svo skuggalegar að mér hefði aldrei dottið í hug láta sprauta mig. Ef ég óbreyttur Kristinn hafði þessar upplýsingar þá höfðu þeir sem vinna við þetta þær líka.

[Guðmundur Ásgeirsson, 13.2.2022 kl. 18:54]

Samsæriskenningar geta verið allskonar.

Algengasta tegund þeirra er þegar ákæruvaldið gefur út ákæru á hendur fleiri en einum fyrir hlutdeild eða samverknað í refsilagabroti.

Já þið lásuð rétt, algengustu samsæriskenningarnar koma frá ríkisvaldinu sjálfu, sem tekst stundum að sanna þær og stundum ekki.

[Gísli Ingvarsson, 14.2.2022 kl. 09:53]

Sammála því að flokka sprauturnar sem lyfjameðferð en ekki ónæmismeðferð. Ástæðan fyrir endurteknum áróðri um ágæti sprautumeðferðar hlýtur að koma frá framleiðendum. Embætti sóttvarnalæknis hefur ásamt ríkisstjórn virkað sem umboð fyrir lyfjafyrirtæki. Það er mjög slæm þróun mála. Í þessu tilfelli hefði verði ákjósanlegt að hafa millilið.