Eigum við ekki að sprauta gegn hundaæði í leiðinni?

Nú þegar mörg hundruð íslensk börn á aldrinum 5-11 ára eru á leið í sprautu gegn einhverju sem veikir þau mjög sjaldan er þá ekki við hæfi að sprauta þau gegn öllu mögulegu öðru sem þau eru mjög ólíkleg til að veikjast af?

Til dæmis hundaæði.

Nú er hundaæði fátítt á Íslandi en algengt víða um heim. Óðir hundar með hundaæði reika lausir um göturnar og verja sig ef þeim finnst sér ógnað. Ef þeir bíta fólk þá getur það veikst af hundaæði. En sem betur fer er hægt að bólusetja gegn hundaæði. Er þá ekki öruggast að gera það? Sprauta 5-11 ára börn með bóluefni gegn hundaæði?

Eða eru líkurnar á að barn veikist alvarlega af hundaæði svo litlar að sérstök lyfjagjöf - sprauta í æð eða vöðva - er algjör óþarfi?

Já, auðvitað.

Nú fyrir utan að þetta svokallaða delta-afbrigði sem sprauturnar veita svolitla en skammvinna vörn gegn er að deyja út. Hið svokallaða ómíkrón-afbrigði kemst auðveldlega undan sprautunum. Það er því ekki nóg með að verið sé að sprauta börn gegn einhverju sem börn þola vel heldur eru sprauturnar einfaldlega úreltar. Tvöföld ástæða til að spara frídaginn sinn og nota í eitthvað skemmtilegt frekar en að eyða honum í að hugga hræddan krakka sem kvíðin hjúkka er að sprauta að óþörfu.

Danir eru núna að reyna sprauta börn til að verja gamla, eða með orðum yfirvalda:

Children rarely become severely ill with COVID-19, but they risk infecting their parents and grandparents, who may become ill. Although protection of the children is not the primary objective,vaccination of 5-11-year-olds can provide greater safety and security for the individual child and family because it reduces the risk of infecting vulnerable family members. 

Á Íslandi þykjast menn vera að verja börn með því að sprauta börn. Sóttvarnalæknir heldur sennilega enn, ranglega, að sprautan komi í veg fyrir smit frekar en auki líkurnar á því að smitast. Eftir stendur ekki steinn yfir steini í sprautuboðskapnum annað en ofurtrú á ónauðsynlegri lyfjagjöf. Vonandi sjá sem flestir foreldrar í gegnum þokuna og áróðurinn.

Bæði spennt og kvíðin fyrir deginum

Athugasemdir

[Tómas Ibsen Halldórsson, 10.1.2022 kl. 11:49]

Það er nú svo ótrúlegt Geir að fólk almennt hugsar ekki sjálfstætt það bara "trúir" vísindunum, sérfræðingarnir hljóti að vita hvað þeir eru að segja og því er ráðleggingum þeirra fylgt hugsunarlaust.

Fólki finnst ekkert athugavert þótt einhverjir lamist, fái ósjálfráð skjálftaköst, deyi eða önnur alvarleg einkenni hendi sprautuþega.

Nú eru fullsprautaðir að deyja úr kóvid og engum finnst það skrítið.

Vestur í Bandaríkjunum voru einhverjir sem tóku eftir því að fjöldi látinna á aldrinum 18 til 64 ára hafði aukist á s.l. ári um 40%. Menn klóruðu sig í hausnum og skildu ekkert í því hvernig það gat gerst, en þessi andlát voru ekki tengd kóvid heldur af öðrum eðlilegum ástæðum.

[Þorsteinn Siglaugsson, 10.1.2022 kl. 11:51]

"Börn geta dáið úr hundaæði" (Sóttólfur)

[Vagn (IP-tala skráð) 10.1.2022 kl. 12:13]

Undarlegt að nokkur börn hafa þurft sjúkrahúsinnlögn hér á landi og nokkur þúsund dáið á heimsvísu úr "einhverju sem veikir þau mjög sjaldan".

[Sigurður Kristján Hjaltested, 10.1.2022 kl. 14:57]

Já,merkilegtt að þessi fáu börn sem hér hafa ratað inná spítala

eru flest ef ekki öll með mjög slæma undirliggjandi

sjúkdóma. Má bara ekki segja frá því, því það hentar ekki réttrúnaðinum.

[Þorsteinn Siglaugsson, 10.1.2022 kl. 15:38]

Ekkert 5-11 ára barn hefur lagst á spítala vegna kóvít hérlendis, og það eru komin tvö ár. Örfá börn á öðrum aldri hafa verið lögð inn. Samt miklu færri en vanalega leggjast inn vegna flensu.

[Halldór Jónsson, 10.1.2022 kl. 20:24]

Myndi sprauta gegn hundaæði og hlaupabólu skaða nokkurt barn sem um er rætt?

Kunningi minn í Canada tók sitt líf þegar hann þoldi ekki lengur kvalirnar af ristlinum sem hlaupabóluveiran veldur. Hann lagði mjög að mér að láta hana ekki eyðilggja mitt líf eins og hún hefði gert við sitt. Sem ég hef ekkert gert í.

Einn vinur minn sagði mér að hann vildi heldur fá COVID tvisvar en ristil einu sinni, slíkar hefðu kvalirnar verið.

[Geir Ágústsson, 10.1.2022 kl. 21:12]

Halldór,

Ég hef mætt með barn til læknis sem neitaði að gefa barninu sýklalyf og verkjalyf og sagði að líkur væri á að vandamálið gæti læknast með náttúrulegum hætti, nú fyrir utan að of mikil notkun sýklalyfja gæti leitt til ónæmis gegn slíkum, og það væri slæmt ef þörfin yrði mikil. Það varð raunin að barnið jafnaði sig en erfitt fyrir foreldri að fylgjast með ónæmiskerfi barns læra og berjast. 

Núna vill sami læknir sprauta barn gegn einhverjum sem tölfræðin kallar nánast skaðlausa veira og það án þess að spyrja neinna spurninga. Svona til öryggis. 

Ég kann ekki vel við þessi nýju vísindi.

[Þorsteinn Sch Thorsteinsson (IP-tala skráð) 10.1.2022 kl. 22:24]