Listræn sköpun

Ég segi það umbúðalaust: Sköpunargáfa sóttvarnayfirvalda um allan heim er aðdáunarverð. Að hugsa sér að okkur hafi einu sinni verið sagt að halda okkur heima í tvær vikur til að fletja út kúrvu. Við kyngdum pillunni því ný veira var komin á stjá og enginn vissi neitt. Síðan eru liðnir yfir 20 mánuðir. Áhættuhópar eru þekktir. Læknar hafa lært ýmislegt, jafnvel allt sem þarf að læra. Árstíðarsveiflurnar orðnar fyrirsjáanlegar. En það eina sem stendur eftir er að það þurfi að sprauta meira, loka hinu og þessu og ganga um með skítugar tuskur yfir vitunum.

Nú á að sprauta lítil börn niður að leikskólaaldri með efnum sem hafa gengist undir mjög lítið af prófunum miðað við sprautur almennt. Ungt fólk fær að finna fyrir því svo hræddir miðaldra einstaklingar með að lágmarki þrjár sprautur í líkamanum hoppi ekki ofan í næsta skurð þegar þeir mæta krökkum á förnum vegi. Íþróttafólk er að hrynja eins og flugur úr allskyns hjartatengdum vandamálum. Foreldrar eru að ferja börn sín frá sprautu til spítala en tjáir sig ekki. Aukaverkanir eru talaðar niður eins og eðlileg viðbrögð og fólk þraukar svo dögum skiptir með verki, ógleði og óreglu á líkamanum því þjáningin á víst að vera lækningin.

Hápunktur sköpunargleðinnar, að mínu mati, þegar kemur að því að selja þessa frásögn barst mér fyrir augum rétt í þessu. Haldið ykkur fast!

Explosion In New Heart Conditions Dismissed As "Post Pandemic Stress Disorder"

Mig langaði að hlægja nema hvað þetta er svo ótrúlega sorglegt. Já, mikið rétt, sprenging í hjartatengdum vandamálum (meðal ungs fólks) er skrifuð á... andlegt álag vegna heimsfaraldurs! Nema auðvitað að kuldinn sé ástæðan, önnur leið til að vera skapandi og beina athyglinni frá hinu augljósa.

Eru fjölmiðlar og stjórnvöld að hræða ungt fólk svo mikið að það fær hjartakvilla? Nei, auðvitað ekki. Þeir reyna auðvitað en svo áhrifamiklir eru þeir ekki. 

Auðvitað eru sprauturnar hér að verki. Þær valda lífshættulegum aukaverkunum hjá fólki sem er í engri hættu vegna veiru. 

En sköpunargleðin er óstöðvandi. Listin verður ekki stöðvuð. Og þú hefur látið blekkja þig.

Athugasemdir

[Ásgrímur Hartmannsson, 8.12.2021 kl. 20:40]

Ágætur maðir, sem við könnumst við var að tjá sig: https://www.infowars.com/posts/funeral-director-describes-alarming-rise-in-blood-clot-deaths-since-covid-vaccine-rollout/

Það sem hann sagði áður stemmir óþægilega vel við *íslensk gögn* (Lyfjastofnunar & Hagstofu) það sem hann egir núna... ég sé ekki framá að það verði neitt langt frá.

Aðallega gamalmenni... ennþá.  Það tekur enginn eftir þó eldri borgarar deyji i hrönnum.

[Vagn (IP-tala skráð) 8.12.2021 kl. 21:39]

Það er reynt að kenna sprautum um allt mögulegt og ómögulegt. Dauða, hjartatengd vandamál, breytingar á tíðahring, getuleysi, greddu og ilsig. Og skiptir þá engu hvort viðkomandi var bólusettur eða ekki. Sumir gleypa bara og trúa. Trúa svo innilega að þeir jafnvel tilkynna veikindi áður en farið er í bólusetningu. Trúin flytur víst fjöll. Einhverjir segjast taka eftir mikilli fjölgun þó allt bókhald sýni enga breytingu. Og sannanirnar eru reynslusögur frekar en eitthvað mælanlegt og teljanlegt.

Aðrir skoða hvort einhver munur sé á sprautuðum og ósprautuðum. Og flokka ekki sjálfkrafa gangtruflanir í heimilisbílnum undir aukaverkun vegna bólusetningar eða kenna álfum um týnda sokka.

[Geir Ágústsson, 8.12.2021 kl. 22:38]

Vagn,

Er eitthvað að frétta af Tinnu?

https://www.dv.is/frettir/2021/08/15/tinna-katrin-lomud-fyrir-nedan-mitti-eftir-orvunarskammtinn-hvetur-samt-alla-til-ad-lata-bolusetja-sig/

[Vagn (IP-tala skráð) 9.12.2021 kl. 00:05]

Lömun getur átt sér ýmsar orsakir aðrar en bólusetningu. Var bólusetningin og bóluefnið það eina sem hún gerði og innbyrti dagana eða vikurnar fyrir lömunina? Hefði sunnudagssteikinni eða sálarástandi verið kennt um ef hún hefði ekki verið búin að fá bólusetningu? Eru allir atburðir sem ske í sömu vikunni eða mánuðinum orsök og afleiðing? Eru reynslusögur sagðar áður en nokkuð hefur verið rannsakað áreiðanleg gögn?

[Helga Kristjánsdóttir, 9.12.2021 kl. 00:40]

Nei Ásgrímur ekki á þínum aldri nema þá ef það fer í bílförmum á stuttu tíma.

[Guðjón E. Hreinberg, 9.12.2021 kl. 02:09]

"Vísindin eru ekki pillur." Dr. Frank Ruscetti

[Eggert Guðmundsson, 9.12.2021 kl. 09:11]

Sæll Geir

Ég var að lesa blogg áðan sem er mjög áhugavert og þar er vísað í heimildir hjá bresku krúnunni.

Bólusett fólk undir 60 ára er tvöfalt líklegri til að deyja en óbólusett fólk. Og almennt dauðsföll í Bretlandi eru langt yfir eðlilegu árferði.

https://alexberenson.substack.com/p/vaccinated-english-adults-under-60

ps.

Vagn getur eflaust sett þetta í samhengi við e-h annað en bóluefnin eins og hann er vanur að gera. 

[Ómar Geirsson, 9.12.2021 kl. 09:42]

Blessaður Geir.

Það gat ekki verið að þú héldir það út að halda þig við staðreyndir þó lengi megi lifa í voninni.

Ekki veit ég hvort fyrirsögnin Listræn sköpun vísi í efnisinnihald eða þær skapandi heimildir sem þú vísar í.  Ég hélt að það væri enginn svo vitlaus lengur að vitna í þýsku heimildina sem tók saman lista um íþróttafólk sem hafði nýlega fengið hjartaáföll eftir að ljóst var að eina rannsóknarvinnan var að vitna í grein á Wikipedia um þekkta íþróttamenn sem hefðu fengið hjartaáföll á síðustu áratugum, og fjöldi þeirra talinn sanna að sprenging hefði orði í slíkum tilfellum.

Fyrir utan að á listanum voru nöfn manna sem ekki voru bólusettir, líkt og Eriksen eða áttu sögu um hjartavandamál, þá var ekkert orsakasamhengi rannsakað, það er aðrir áhættuþættir útilokaðir. Aukin tíðni hjartaáfalla meðal íþróttafólks var nefnilega orðið vandamál löngu fyrir kóvid, ofþjálfun strax á unga aldri ásamt sprenging í notkun orkudrykkja var talinn mikill áhættuþáttur.

Mjög auðvelt að fakttékka, það er menn vilja halda sig svið staðreyndir en ekki Listræna sköpun, og það var líka mjög auðvelt að fakttékka tíðni hjartavandamála eftir bólusetningar, þar hefur sú merka hámenntaða þjóð Ísraelar verið í fararbroddi að rannsaka og um það má til dæmis lesa á þessum link á Nature: https://www.nature.com/articles/d41586-021-02740-y

Aðeins fífl fara gegn þessum rannsóknum með því að týna til frétt eins þessa hjá Evening Standard. Og jú þeir sem stunda skapandi fréttamennsku eins og heimildin sem þú vitnar í.  Evening Standard fer örugglega rétt með fjöldann af unglingum sem finna fyrir óþægindum í hjartanu, en fyrsta spurningin væri örugglega að spyrja um orkudrykkjanotkun (sprenging sem fyrir löngu er orðin að lýðheilsuvandamáli) eða pilluát, til dæmis að ráðleggja krökkunum að hætta að hlusta á eldra fólkið, fá sér bjór sem lyktar á skólaskemmtunum í stað þess að nota lyktarlausar pillur til að koma sér í vímu.

Félagi rafeind er því miður enn og aftur með kjarna málsins, það er ein tegund vitglapa (Dagíska) að tengja saman óskylda hluti og álykta út frá þeim.  Hvað áttu ekki símalínurnar að gera eða járnbrautirnar??, að ekki sé minnst á þá sorglegu tíma þegar enginn mátti veikjast að skepnur drepast án þess að leitað væri að eldri konu til að brenna.  Vitglöp sem reyndar lifa ennþá góðu lífi til dæmis í sunnanverðri Afríku.

Kjarninn er sá Geir, að engum málstað er gerður greiður með Listrænum skrifum.

Margar spurningar þínar eru réttmætar, en sköpunin skemmir fyrir að nokkur taki þig alvarlegan nema hin meinta xxxhjörð.

Það er nú bara svo.

Kveðja að austan.

[Geir Ágústsson, 9.12.2021 kl. 09:57]

Enn bætist á listann yfir skapandi skýringar á því af hverju ungt og hraust fólk, jafnvel afreksíþróttafólk sem er í reglulegum læknisskoðunum og þrekprófum þar sem andadráttur, hjartsláttur og annað er mælt:

Orkudrykkir!

Ofþjálfun í æsku!

Listinn er þá orðinn svohljóðandi:

• Kuldi veldur blóðtöppum

• Stress vegna veiru veldur blóðtöppum

• Orkudrykkir valda blóðtöppum

• Ofþjálfun í æsku veldur blóðtöppum

En nýstárleg lyf þróuð með tækni sem hefur aldrei verið rúllað út til almennings áður en er nú reynt að koma í hvern einasta einstakling? Saklaus, eins og að drekka vatn.

[Kristín Inga Þormar, 9.12.2021 kl. 10:31]

Óskaplega eru margir ennþá ákveðnir í að þessar sprautur, (eru þær ekki orðnar þrjár núna?) séu einhver himnasending gegn þessu veiru.

Ætli það sé búið að ákveða hvenær sú fjórða verði "nauðsynleg"?

[Vagn (IP-tala skráð) 9.12.2021 kl. 10:47]

Eggert, Alex Berenson er einna helst þekktur fyrir framleiðslu á falsfréttum.  Og málið er að ég get ekki sett þetta í samband við neitt, hvorki bóluefni né annað. Til þess þyrfti ég meiri upplýsingar. 

Geir, hefur orðið einhver veruleg breyting á blóðtöppum hjá ungu og hraustu fólki, jafnvel afreksíþróttafólki? Og er einhver munur á blóðtöppum hjá bólusettum og óbólusettum? Hversu mikil er þá hættan miðað við annað eins og getnaðarvarnarpilluna, setu í löngu flugi o.s.frv. Fleiri fréttir og meiri umræða er ekki það sama og fjölgun tilfella. Margt sem áður þótti ekki fréttnæmt er nú heimsfrétt ef hægt er að tala um bóluefni í sömu frétt.

Og þessi tækni sem hefur aldrei verið rúllað út til almennings áður er eldri og hefur verið notuð meira en þú heldur.

[Andvaraleysi Almúgans (IP-tala skráð) 9.12.2021 kl. 10:55]

Skv rannsókn á hjartaáföllum meðal FIFA top ranking knattspyrnumanna, eru þessar tölur (the epidemic of athletes (rtnews.co.il))


Eins og sjá má sker árið 2021 sig úr.  Þetta virðist vera normal dreifing og við getum reiknað út staðalfrávik og hverjar líkurnar séu á því að árið 2021 geti gerst:





Sem sagt það eru (1-0,999999)x100% = 1x10^(-6)  (1/1.000.000) líkur á að árið 2021 geti orðið að veruleika við Normal aðstæður.

Þetta framkallar rautt flagg, hverjar sem ástæðurnar eru!

[Vagn (IP-tala skráð) 9.12.2021 kl. 12:22]

Já, þetta framkallar rautt flagg, hverjar sem ástæðurnar eru. Það nefnilega vantar alveg hver munurinn er á þeim sem fá hjartaáfall og hinum sem fá það ekki. Einnig, vegna þess að grafið virðist vera yfir fjölda en ekki hlutfall,  hver hlutföllin eru milli FIFA top ranking knattspyrnumanna milli ára. Fjölgaði þeim sem flokkast sem FIFA top ranking knattspyrnumenn 2021? Hvaðan koma tölurnar og hver er nákvæmnin? Of margar ósvaraðar spurningar og tölur sem vantar áður en hægt er að segja nokkuð af viti.

Einnig er forvitnilegt að munurinn milli "venjulegra" ára getur verið nífaldur.

[Ómar Geirsson, 9.12.2021 kl. 13:00]

Geir minn.

Þar sem börn þín eru ennþá ung þá get ég alveg fyrirgefið þér þau vitglöp að snúa út úr þeim blákalda raunveruleik sem blasir við foreldri sem á drengi á táningsaldri og æfa fótbolta á hæsta level.  Ofþjálfun  er þekkt vandamál, og hefur ekki bara áhrif á bein og liði og vöðva tengdum útlimum, stækkun hjartavöðva er einn fylgifiskur sem hefur framkallað ótímabær hjartáföll hjá ungu íþróttafólki, eða þegar það hefur uppgötvast í tíma, neytt margan efnilegan til að hætta iðkun íþróttar sinnar.  Um þetta eru dæmi hérlendis á liðnum áratug.

Kloppinn hefur ekki bara glatt huga og sál og fótboltaunnenda, krafa hans um síhlaup hefur hækkað standardinn varðandi hlaup fótboltamanna fram yfir raun mannlega getu, afleiðingin aukin tíðni hjartakvilla meðal þeirra.

Þetta er allt vitað, og var vitað fyrir kóvid.  Hefði það ekki komið til þá hefði xxxhjörðin tengt þetta við 5G eða annað sem hún lætur fóðra sig með.

Og þetta veit ábyrgt foreldri, og þó það geti ekki rifist við nútímann, þá getur það frætt um afleiðingar þess að ofnota orkudrykki eða bregðast við verkjum með því að fá sér sterk bólueyðandi lyf sem slá á verki en hafa þær þekktu aukaverkanir að ýta undir tíðni hjartaáfalla.

Ábyrgt foreldri veltir líka fyrir sér afleiðingum bólusetninga þar sem hjartabólga er þekkt aukaverkun.  Rannsóknirnar sem Nature vísar í staðfestir líka að sú tíðni er mun meiri hjá ungum karlmönnum, og það er því áhættuþáttur sem bætist ofaná öll hlaupin og æfingarnar, að ekki sé minnst á álagið á hjartað að hlaupa stanslaust í 90 mínútur, en það er gert í leikjum sem sótt er stanslaust fram og til baka.

Málið og meinið er að þekkt aukaverkun kóvid er hjartakvillar, 1-2%, sem er margfalt hærra hlutfall en þekktar aukaverkanir bóluefna.  Um langtímaáhrifin veit hins vegar enginn, hvorki af síendurteknum bólusetningum eða langtímaáhrifum kóvid sýkingar.

Valið stendur því á milli tveggja slæmra kosta Geir, en þannig er lífið.  Ábyrgt foreldri reynir að taka ákvörðun út frá þekktum staðreyndum, en ekki bulli, og í því samhengi er ljótt að stunda Listræn skrif til að blekkja fólk.

Hins vegar Geir, sem foreldri, ef þú þekkir ekki til þess faraldurs sem ofneysla orkudrykkja er, þá er það bara það heimskt að ég efa að xxxhjörðin tæki þig gildan í þann hóp.  Í raun ætti að liggja við því hörð refsins, til dæmis þvinguð viðvera á námskeiði haldið af sænskmenntuðum sérfræðingi í barnauppeldi og þeim hættum sem ber að varast, einkenni sem þarf að þekkja, og bla bla bla bla bla.

Já, þetta er það alvarleg vanþekking Geir.

Hins vegar gastu bara sagt einmitt, já þetta þarf að rannsaka betur.  Það er öruggt út frá þekktum aukaverkunum, að íþróttafólk mun fá hjartaáfall sem rekja má til bólusetninga, því þegar reynt er á mörk líkamans, þá má hann ekki við miklu áreiti í viðbót.

En bull og bábilja er ekki rannsóknir, og skapandi fjölmiðlar eru ekki heimild.

Þeir sem átta sig ekki á því, vísa í slíka miðla, eða éta bábiljur eftir hvorum öðrum, en vilja um leið berjast gegn ofríki valds sem nýtur sér margar ástæðurnar, hvort sem þær eru kenndar við tylli eða eitthvað annað, eru í raun bestu vinir þess valds.

Því aularnir hafa aldrei breytt neinu og því algjör óþarfi að stunda þá iðju að breyta mætum fólki í slík fyrirbrigði.

Það er bara svo.

Kveðja að austan.

[Geir Ágústsson, 9.12.2021 kl. 14:20]

Vill einhver hringja til bandarískra sóttvarnaryfirvalda og segja þeim að eyða ekki tíma í að rannsaka ýmsa hjartakvilla í kjölfar sprautu frekar? Beturvitungar á Íslandi segja að það sé ekkert að sjá!

"Since April 2021, increased cases of myocarditis and pericarditis have been reported in the United States after mRNA COVID-19 vaccination (Pfizer-BioNTech and Moderna), particularly in adolescents and young adults. There has not been a similar reporting pattern observed after receipt of the Janssen COVID-19 Vaccine (Johnson & Johnson).

In most cases, patients who presented for medical care have responded well to medications and rest and had prompt improvement of symptoms. Reported cases have occurred predominantly in male adolescents and young adults 16 years of age and older. Onset was typically within several days after mRNA COVID-19 vaccination, and cases have occurred more often after the second dose than the first dose. CDC and its partners are investigating these reports of myocarditis and pericarditis following mRNA COVID-19 vaccination."
https://www.cdc.gov/vaccines/covid-19/clinical-considerations/myocarditis.html

[Theódór Norðkvist, 9.12.2021 kl. 14:24]

Það þýðir ekkert að þrasa við þennan Vagn, þó þú myndir koma með tíu manns heim til hans, sprauta þá með "bóluefni" fyrir framan nefið á honum og láta hann horfa á þá drepast, þá myndi hann segja að þeir hefðu allir drepist af einhverjum leyndum hjartagalla. Það verður bara að líta á manninn sem nettröll.

Ég er ekki tilbúinn að setja Ómar í sama flokk, en vil spyrja hann að einu eftir að hafa lesið fyrstu málsgreinina (af fimmtán eins og venjulega.) Var ofþjálfun fundin upp á sama tíma og bóluefnin?

Var hún ekki til staðar áður? Ef hún var til staðar áður, hvað skýrir þá stóraukna dánartíðni íþróttamanna eftir bóluefnin, tóku þeir allir allt í einu upp á að ofþjálfa sig eftir að hafa verið sprautaðir?

[Andvaraleysi Almúgans (IP-tala skráð) 9.12.2021 kl. 14:54]

Þess má geta að ef við tökum árið 2021 út og skiljum 9 eftir sem hæsta gildi, þá erum við með 2,3 staðalfráfrik frá í stað 5 sem gefur 99% confidence level eða 1%, það er GRÍÐALEGUR MUNUR á 1% og 0.00001% líkum.

Varðandi ofþjálfun og notkun kofeindrykkja þá hefur það verið við lýði allann þann tíma sem ég hef stundað keppnisíþróttir (33 ár) á hæsta stigi (koffein vond þjálfun (þ.e. þjálfarar sem kunnu ekkert í lífeðlisfræði og þjálffræði), Ripped Fuel, amfetamín, reykingar, etc).

Það er ný breyta sem er að koma inn í þetta hjá okkur og að SJÁLFSÖGÐU eigum við að slá varnagla og hugleiða þá breytu!  Rautt flag hefur verið sett, oftast er það augljósa það rétta, en fylgjumst með framvindunni með opnum hug, þetta snýst ekkert um einhverjir á móti einhverjum, heldur lýðheilsu og almannaheill í þágu allra.

[Vagn (IP-tala skráð) 9.12.2021 kl. 15:37]

Geir, það er full ástæða til að rannsaka það sem ekki er vitað. Og að einhver sé að rannsaka eitthvað bendir frekar til þess að óvíst sé hver orsökin er en að það sé staðfestina á orsök. Menn væru varla að eyða tíma og peningum í rannsókn ef vitað væri hver orsökin er. Sama þó einhver á facebook sé alveg ofboðslega sannfærður.

Teddi, ef Geir kæmi með tíu manns heim til mín, sprautaði þá með bóluefni fyrir framan nefið á mér og léti mig horfa á þá drepast, þá myndi ég til dæmis vilja vita hvort hann hafi gefið þeim eitthvað áður en hann bankaði upp á hjá mér. Hvort þeir hefðu verið með bráðdrepandi kattaofnæmi og hvernig þessir tíu voru valdir. Það væri margt sem þyrfti að skoða áður en staðfest væri að bóluefnin hefðu verið orsökin. Grunur er engin staðfesting.

[Ómar Geirsson, 9.12.2021 kl. 16:49]

Blessaður Geir minn, aftur.

Ég hef oft lesið þig rökþrota, enda ekki annað hægt hjá þeim sem blóta Haeyk.

En mig rekur ekki minni til þess að lesa þig áður heimskan.

Eitt er að skrifa fyrir fólk sem vill láta fífla sig, annað er að gera það fólk gáfað í samanburðinum.

Eiginlega hélt ég að það væri ekki hægt að ná samræmdu prófunum (sem voru til í den), hvað þá að útskrifast af stærðfræðisviði menntaskóla, að ekki sé minnst að ná gráðu í verkfræði, sem ekki er keypt frá Nígeríu, ef menn skyldu ekki greinina í Nature, eða þær rannsóknir í Ísrael sem hún vísar í.

Þú getur betur en þetta Geir.

Eiginlega alltaf.

Kveðja að austan.

[Ómar Geirsson, 9.12.2021 kl. 17:26]

Blessaður Andvaraleysi Almúgans.

Það er alltaf fróðlegt að lesa þegar nafnleysingjar afhjúpa hluta af persónuleika sínum.

Það að þú vitnar í 33 ára reynslu þína sem íþróttamanns, og berð saman neyslu fólks þá á koffín eða orkudrykkjum, og síflæðinu sem framboðið á slíkum drykkjum hefur verðið síðustu 10 ár eða svo, segir aðeins eitt, þú ert steingeldur, átt enga afkomendur, og telur þig  þar að leiðandi getað fabúlerað um þá miklu lýðheilsuógn sem ofneysla slíkra drykkja er í dag.

Foreldri sem þarf að takast á við þá ábyrgð sem er að eiga ungling þar sem slíkir drykkir eru allt um kring, fylgist hins vegar með umræðunni, og veit allt um skaðsemi þeirra.  "Orku­drykk­ir sem inni­halda mikið magn koff­íns njóta sí­fellt vax­andi vin­sælda, sér­stak­lega meðal yngra fólks, en of­neysla koff­íns get­ur valdið eitr­un­ar­ein­kenn­um, haft áhrif á hjart­slátt og næt­ur­svefn sem um sinn get­ur haft al­var­leg­ar heilsu­fars­leg­ar af­leiðing­ar. Sam­hliða auk­inni neyslu hef­ur styrk­leiki drykkj­anna vaxið gríðarlega og inni­halda sterk­ustu drykk­irn­ir allt að 550 milli­grömm­um af koff­íni á lítra, en fyr­ir um fimmtán árum voru sterk­ustu koff­índrykk­irn­ir með um 161-176 milli­grömm af koff­íni. ", úr frétt Mbl.is 2019.

Væri sök sér ef ekki væri fyrir krakka sem þenja út mörk líkama síns vegna þjálfunar í keppnisíþróttagreinum, hjá þeim getur ofneysla slíkra drykkja valdið alvarlegum heilsufarslegum vandræðum, sem aftur er skýring þess, sem þú vissir ef þú væri ekki steingeldur, að þjálfarar mæla gegn notkun þeirra og jafnvel banna á keppnisferðalögum.

En þess á milli veit enginn, freistingin er sterk, og áróður postkasta, styrktarauglýsinga er allur á þann veg að nota slíka drykki.

Þess vegna var og er talað um faraldur sem þarf að stemma stigu við.

En eitt er að vera geldur Andvaraleysi mitt góður, annað að skilja ekki hvað svona faraldrar eins og Kóvid gera þar sem bikar álags og neyslu var þegar fullur.  Álag bólusetninga getur verið diffinn sem líkaminn þolir ekki, og því full ástæða til að rannsaka áhrif þeirra.

Það er það sem vísindamenn eru að gera í dag, en að vísa í skáldskap líkt og Geir gerir hér að ofan, hefur ekkert með slíkar rannsóknir að gera.

Eða málflutning þinn Andvaraleysi mitt, að kenna sig við Almúgann er níð, á rætur til þess hroka yfirstéttarinnar á árum áður að kenna almúgann við fáfræði og forheimsku, sá ekki samhengið við þau lífsskilyrði sem honum var búinn, og útkomunnar.

Ákaflega þurfa menn að vera vitlausir til að halda að Almúginn þrái drepsóttir.

Jafnvel góð borgun áróðursins fær það ekki skýrt.

Kveðja að austan.

[Ómar Geirsson, 9.12.2021 kl. 17:46]

Blessaður Theodór.

Þakka hrósið, og ég skal ljúflega svara spurningu þinni.

Sem er að lesa orð mín hér að ofan þar sem ég benti á þekkt orsakasamhengi milli aukinna hjartaáfalla síðustu ára, óháð kóvid.

Ég veit hins vegar ekki hvenær þessi umræða byrjaði nákvæmlega, þegar drengirnir mínir og félagar þeirra í Fjarðabyggð byrjuðu að gera atlögu að bestu liðum landsins (þegar árgangur þeirra var á efra ári), þá fór ég að spá í þessa hluti, svona um 2016-17, líka að gefnu tilefni sem ég vil ekki fara frekar út í.

Þá hjó maður eftir umræðunni um áhrif ofþjálfunar, og aðeins seinna um áhrif orkudrykkja, sá faraldur var líklegast orðinn öllum ljós svona sirka 2018-2019.

Samhengið milli taflna, hvort sem það eru bólgueyðandi verkjalyf, morfínlyf (Um 300.000 manns hafa látist síðast liðin tíu ár og jafnvel talið að álíka fjöldi eigi eftir að deyja á næstu fimm árum. Það er um 10% fjölgun á milli ára. Aukningin er vegna mikillar fjölgunar þeirra sem neyta sterkra ópíóíða, morfínskyldra vímuefna. Úr frétt Ruv 2018), eða þekktra eiturlyfja eins og E-taflna er líka eitthvað sem foreldri gerir sér grein fyrir, skilur og hefur áhyggjur af.

Íþróttamenn neyta slíkra lyfja, og þeir eru í áhættuhópi vegna þjálfunar sem þegar reynir of mikið á getu líkamans.

Þess vegna jókst dánartíðni þeirra vegna hjartaáfalla, líka vegna ofþjálfunar sem er trend sem jókst á liðnum áratug, og þeir eru viðkvæmir fyrir ofnotkun orkudrykkja.

Lagt saman þá hefur dánartíðni aukist meðal þeirra, jafnt yngri sem eldri.

Framhjá því er algjörlega skautað í tilvísun Geirs, og til að bíta höfuð af skömminni þá er talið upp tilvik þar sem viðkomandi íþróttamenn voru ekki bólusettir eða áttu við þekkt hjartavandamál að etja.

Að sjá ekki heimskuna í þessu Theódór, það er ekki einleikið.

En enginn ber á móti því að full ástæða er til að rannsaka áhrif bólusetninga, það er vitað að þær geta haft slæm áhrif á starfsemi hjartans.

Og þess vegna er það rannsakað.

Kveðja að austan.

[Auður (IP-tala skráð) 9.12.2021 kl. 20:09]

Af hverju fara sumir í svona mikla vörn í hvert sinn sem minnst er á  aukaverkanir af covid-bóluefnum?  En það er gott Ómar að þú ert sammála því að bólusetningin getur haft "slæm áhrif á starfsemi hjartans."  Lyfjarisarnir reyna eftir megni að þagga niður neikvæða umfjöllun um efnin og setja fram furðulegar og skapandi skýringar á aukaverkunum.  Einnig reyna þeir beinlínis að koma í veg fyrir að óþægilegar rannsóknir séu birtar.  Hérna segir þekktur hjartasérfræðingur í Bretlandi frá reynslu sinni:

How is Facebook correcting a consultant cardiologist on his expertise - YouTube

[Vagn (IP-tala skráð) 9.12.2021 kl. 22:10]

"Af hverju fara sumir í svona mikla vörn í hvert sinn sem minnst er á  aukaverkanir af covid-bóluefnum?" Það hefur visst skemmtanagildi að leiðrétta augljósar villur fólks sem lætur skynsemi víkja fyrir órökréttri sannfæringu. Svipað og að leiðrétta fólk sem segir að álfar steli sokkum þeirra.

En það eru einnig aðrar spurningar sem frekar ætti að spyrja.-- Af hverju fara sumir í kjánalegar samsæriskenningar þegar rangfærslur um aukaverkanir af covid-bóluefnum eru leiðréttar? Af hverju sjá sumir sig knúna til að fara með rangt mál um aukaverkanir? Af hverju halda sumir að geti þeir fundið einn lækni sem er á annarri skoðun en aðrir þá sé það staðfesting á að tugþúsundir lækna og helstu heilbrigðisstofnanir heimsins hafi rangt fyrir sér?

Í tilefni afmælis Hemma Gunn og umræðunnar þá má þetta fylgja. Þegar Hemmi var eitthvað slappur gaf vinur honum fæðubótarefni. Viku seinna spurði hann Hemma hvernig hefði gengið, hvort fæðubótarefnið hafi hjálpað. Nei, ég gleymdi því í hanskahólfinu, segir Hemmi...en bíllinn hefur aldrei verið betri.

[Þorsteinn Sch Thorsteinsson (IP-tala skráð) 9.12.2021 kl. 22:43]

Sæll Geir,

Þetta er "listræn sköpun" hérna sem að ég er að bíða eftir, svo og hvað varðar einnig heilbrigðisyfirvöld hér á landi : 




KV.

[Theódór Norðkvist, 10.12.2021 kl. 00:08]

Einu rök bóluefnissinna, hafa verið ágiskanir út í loftið að öll grunuð tilfelli um dauða af völdum þessara tilraunalyfja sé hugsanlega hægt að rekja til hjartagalla, undirliggjandi sjúkdóma, eða ofþjálfunar.

Besta sem ég hef séð er þetta með kattaofnæmið, er ekki alveg viss hvort það hafi átt að vera brandari, ef svo er þá er hann nokkuð góður - allavega hló ég mikið.

Ég spyr þá á móti, er ekki alveg eins hægt að segja það sama um "staðfest" dauðsföll af völdum Covid19? Gæti ekki alveg eins verið um undirliggjandi sjúkdóma að ræða í þeim tilfellum.

Ég hef það á tilfinningunni að ef kóvidsjúklingur hafi dáið í bílslysi þá sé andlátið skráð á Covid19. Kannski aðeins að ýkja, segi svona.

Ég hef svo sem aldrei haldið því fram að ég viti fyrir vissu um eitt einasta staðfest dauðsfall af völdum tilraunaefnanna. Ég geri mér hinsvegar grein fyrir því, að þar sem er reykur, þar er yfirleitt eldur.

Það getur ekki verið að öll þessi umræða sé tilefnislaus og notum aðeins skynsemina, fyrst verið er að mæla með því. Hvernig er það rökrétt að besta vörnin gegn hættulegri veiru, sé að hleypa inn í líkamann í enn meira mæli, eins og tilraunalyfin gera með þetta stórhættulega gaddaprótín?

[Ómar Geirsson, 10.12.2021 kl. 09:26]

Blessaður Theodór.

Stundum er betra að láta hlutina ósagða en láta eitthvað út úr sér sem er ekki mjög skynsamlegt.

Það að benda á þekkt lýðheilsuvandamál sem skýra aukningu ákveðinna sjúkdóma sem og fjölgun dauðsfalla, þýðir ekki að eitthvað annað skýri ekki líka aukningu viðkomandi sjúkdóma eða dauðsfalla.

Það er eitthvað sem er rannsakað, og ástæða þess að bent er á rannsókna Ísraela er sú að þeir voru fyrstir með fjöldabólusetningu, og frá fyrsta degi hafa þeir fylgst mjög vel með áhrifum hennar.  Þeir sem þjóð hafa menntun, þekkingu og getu til að rannsaka, sem og vegna sívarandi stríðsástands við nágrannaríkin þá eiga þeir allt undir að vera ekki að gefa eitthvað lyf sem veiklar þjóðina þannig að æska hennar geti ekki varið hana.

Hafi menn athugasemdir við rannsóknir, þá benda þeir á aðrar rannsóknir, sem fullt er að í gangi í dag, og tefla þeim saman ef niðurstöður þeirra er misvísandi.

Menn ná sér hins vegar ekki í skjal sem er tilbúningur að hluta því á því eru einstaklingar sem eru ekki bólusettir, vegna þess að þeir sem sömdu þetta skjal höfðu ekki hugmynd um hvort nöfnin sem sett voru á skjalið væri af bólusettu fólki, hvað þá að þeir vissu um sjúkdómssögu viðkomandi og svo framvegis.

Með öðrum orðum, rannsóknin var engin, önnur en samanburður á gömlum upplýsingum á Wikipedíu um andlát þekktra íþróttamanna og tíðni þeirra.

Orsakasamhengi var síðan ekki þekkt, því rannsóknin var engin.

Slíkt er fals, blekking, tilbúningur og fullkomin hæðni að vitna í slíkt plagg í pistli sem fjallar um listræna sköpun.

Það að leiðrétta vitleysu Theódór þýðir ekki að þú teljir að ekki sé ástæða til að óttast eða rannsaka viðkomandi hlut.  Kóvid sýkingar eru alvarlegt lýðheilsuvandamál, og það er ekki spurning að bólusetningarnar geta líka orðið það, sérstaklega ef þær eru síendurteknar með stuttu millibili.

Þetta er mat á milli tveggja vondra kosta, það er ljóst,um það er ekki deilt.

Þess vegna skiptir svo miklu máli að fara rétt með.

Kveðja að austan.

[Andvaraleysi Almúgans (IP-tala skráð) 10.12.2021 kl. 10:57]

Ómar gott hjá þér að ráðast á manninn!  ;)  Það gera bullíar alltaf!

Hélt samt þú svaraðir bara Geir, 
við höfum áður rætt um "nafn" mitt, gæti Verið líka "lets go Brandon", skiptir ekki máli ef maður reynir að vera málefnalegur, en það á greinilega ekki við um í þínu tilviki,

Eg hef örugglega keppa á móti strákunum þínum, man ekki eftir mörgum góðum úr árgangi 2016-2017

Ég er svo heppinn að eiga 5 vel uppalinn börn sem neyta ekki fíkni né annara vímuefnia (kók gatorade né annað) enda erum við "Steingeld" og leiðinleg fjölskylda, sem vill lifa normal lífi án þess að "kjánar" hafi áhrif á mann.

[Andvaraleysi Almúgans (IP-tala skráð) 10.12.2021 kl. 11:02]

Ómar aftur, sé að þú átt tvíbura unga og hrausta stráka sem er í íþróttamenn, ég vona að ferill þeirra verði langur og giftusamur. 

[Theódór Norðkvist, 10.12.2021 kl. 14:22]

Ómar, þetta var ágætis svar hjá þér, en ég skil ekki alveg hvaða tilbúna skjal þú ert að tala um. Ég kannast ekki við að hafa vísað í eitthvað skjal eða rannsóknir. Varstu kannski að svara Geir í leiðinni?

Hvað um það, ég skal alveg viðurkenna að ég hef ekki kynnt mér allar rannsóknir í öllum löndum og í raun ekki eina einustu. Ég hef einfaldlega engan tíma til að lesa hundrað blaðsíðna skýrslur til að ég geti svarað eins og einhver vísindamaður á blogginu.

Ég hef hinsvegar lesið fáeinar frásagnir og eins og ýjaði að hér fyrr, þá er frásagnareykurinn alltof stækur til að ég geti ekki freistast til að álykta að það sé einhver eldur á bak við hann.

Fyrst verið er að tala um börn eða barnabörn hér, þá á ég engin börn. Ef ég hinsvegar ætti táning sem væri á leiðinni að komast í unglingalandsliðið í knattspyrnu og hefði minnsta grun um að þetta lyf sem hann eða hún hygðist taka, gæti leitt til að unglingurinn gæti hnigið niður dauð(ur) á næstu æfingu, yrðu þetta mín skilaboð til drengsins/stúlkunnar:

ÞÚ KEMUR EKKI NÁLÆGT ÞESSU SULLI. EF ÞÚ GERIR ÞAÐ MUN ÉG PERSÓNULEGA TAKA AF ÞÉR HAUSINN.

[Ómar Geirsson, 11.12.2021 kl. 14:04]

Blessaður Theódór.

Ef þú lest fyrstu málsgrein þína hér að ofan (þeirri sem þú fékkst andmæli við), þá vísar þú í umræðu mína um þetta skjal, leggur út af þeirri umræðu (öll) og því óhjákvæmilegt að ég svari þér.

Varðandi rannsóknir þá værir þú eitthvað mjög skrýtinn ef þú eyddir frístundum þínum að fylgjast með þeim og lesa, en það vill svo til að það er til fólk sem hefur það að atvinnu, og þegar það segir eitthvað, og ráðist er gegn þeirri þekkingu, þá hef ég það fyrir reglu að fakttékka þær fullyrðingar áður en ég blanda mér í umræðuna.  Það er nefnilega þannig að það viðtekna þarf ekki alltaf að vera rétt, en þá er farið gegn því með rökum og staðreyndum, en ekki blekkingum og tilbúningi.  Ísraelska rannsóknirnar eru þær mest sem vitnað er í varðandi aukaverkanir af bólusetningum og síðan er til dæmis oft vitnað í breskar rannsóknir varðandi langtímaáhrif kóvid kvikyndisins.

Þar sem er reykur getur verið eldur segir reykskynjarinn og fer að pípa, það sama gildir um tilkynntar aukaverkanir af lyfjum sem og frásögnum fólks sem hefur rekið sig á afleiðingar þeirra, og varðandi kóvid bóluefnin þá er ljóst að þau geta framkallað heiftarleg ónæmisviðbrögð, eins hafa virtir vísindamenn bent á hættuna að ef fólk fær ítrekað slík ónæmisviðbrögð þá getur líkaminn þróað með sér langtímakóvideinkenni án þess að hafa nokkurn tímann fengið kóvid.

Þetta vita menn, þetta rannsaka menn, og þetta er skýring orða minna hér að ofan; "Valið stendur því á milli tveggja slæmra kosta Geir, en þannig er lífið."

Rannsóknir í Bretlandi sýna að 8-10% barna og unglinga þar í landi glíma við langtíma kóvid svo valið er ennþá mjög einfalt.  Það breytir hins vegar ekki áhyggjustuðlinum, og varðandi mína stráka þá tóku þeir sjálfir ákvörðun um að láta bólusetja sig, en pabbinn lét nú það samt út úr sér eftir þriðju sprautuna hvort ekki væri skynsamlegt að sleppa fara í ræktina þann daginn. 

Og hann fylgist með grunsemdaraugum, en það kallast víst að vera foreldri.

Ég hygg Theódór ferlið yrði mjög svipað hjá þér ef þú værir foreldri, þú myndir virða sjálfsákvörðun barna þinna en slepptir ekki vaktinni.  Fullyrðingar um annað lætur maður bara út úr sér þegar málið er manni ekki tengt.

Takk fyrir spjallið Theódór.

Kveðja að austan.

[Ómar Geirsson, 11.12.2021 kl. 15:03]

Blessaður lets go Brandon.

Þegar nafnleysingi ræðst inná umræðuvöllinn með því að ríða háum hesti, þá er fátt í stöðunni annað en hjóla í hann og fella hann úr söðlinum, annað hvort lyppast hann niður og vælir, eða reynir að ræða hlutina eftirleiðis á málefnalegan hátt.

Það er gott að þú sért ekki steingeldur, og eigir vel uppalinn börn, en þá skaltu hunskast til að ræða alvöru  foreldrahlutverksins út frá deginum í dag en ekki einhverju sem er löngu liðið.

Allir foreldrar eiga að þekkja til umræðunnar um orkudrykki, markaðssetningu þeirra að börnum og unglingum, og afleiðingum ofneyslu þeirra (of­neysla koff­íns get­ur valdið eitr­un­ar­ein­kenn­um, haft áhrif á hjart­slátt og næt­ur­svefn sem um sinn get­ur haft al­var­leg­ar heilsu­fars­leg­ar af­leiðing­ar).

Eigi þeir síðan börn í íþróttum þá ættu þeir að þekkja til umræðunnar um hættuna af ofþjálfun sem virðist alltaf færast neðar í aldursskalanum. Sé mikið um hraða í íþróttinni (t.d.körfubolta, handbolta, fótbolta) þá ættu þau að þekkja til frétta af ungu íþróttafólki sem hefur hnigið niður í leik eða á æfingum, eða sagst í viðtölum að hafa þurft að hætta æfa íþrótt sína vegna þess álagið leyddi til dæmis til stækkun hjartans, sem er lífshættulegt ef það er hundsað.

Ef foreldrið er síðan áhugamaður um enska boltann, þá ætti það líka að þekkja til umræðunnar um Kloppismann í enska boltanum, og hvað slík síhlaup reyna á ystu mörk líkamlegrar getu.

Því áhættan er alltaf sú að þegar reynt er á mörkin, þá í fyrsta lagi þefar ofþjálfun uppi hjartagalla og í öðru lagi þá þarf ekki nema stífa neyslu orkudrykkju til dæmis í prófum, eða taka inn sterk bólueyðandi verkjalyf til að slá á verki í leik, til þess að sá vöðvi sem mest reynir á og í raun er minnst þjálfaður, gefi eftir.  Kóvid eða bólusetning getur verið annar dropi sem fyllir mæli þanþolsins, um það er ekki deilt heldur hafa menn miklar áhyggjur af því og við því þarf að bregðast ef það er reyndin.  Með því til dæmis að hlusta betur á þá sérfræðinga sem hafa síðustu ár varað við þessari öfugþróun í þjálfun, eða bent á afleiðingar eiturdrykkjanna sem kennt er við orku, og svo framvegis.

Að hundsa umræðu fyrri ára, og þær lýðheilsuógnir sem steðja að ungu fólki, að skella skuldinni eingöngu á bólusetningar án þess að hafa nokkuð í höndunum,  er í besta falli heimska, það er eftir að mönnum hefur verið gerð grein fyrir þessari umræðu, en í versta falli mikill og djúpur illvilji fólks sem elur á ótta og hræðslu í einhverjum annarlegum tilgangi.

Þess vegna ræðir fullorðið fólk þetta í alvöru, skiptist á skoðunum, og segir Einmitt þegar því er bent á eitthvað sem það hefur ekki hugsað út í eða var ekki kunnugt um.

Það er þitt að ákveða lets go Brandon hvort ég eigi að tala við þig sem fullorðinn mann en ekki eitthvað fyrirbrigði, ég meina hver uppnefnir sig svona??  Það lá við að þú svaraðir því sjálfur, ég hef heyrt um harðfullorðið fólk sem spilar sig börn þegar það sækir um pólitíska vistun, en að því gefnu að þú hafir fyrst byrjað að æfa íþróttir 5 ára þá ertu allavega 38 ára gamall miðað við upplýsingar þína hér að ofan, og ert að státa þig að árangri þínum að því að spila fótbolta við krakka fædda 2016-2017, var það núna í sumar, varstu sem sagt 38 ára gamall að spila við 4-5 ára krakka??

En ég ákvað að gefa þér séns eftir að ég las seinna innslag þitt hér að ofan.

Vertu samt ekki of leiðinlegur.

Kveðja að austan.