Sprautur sem lausn allra vandamála

Ef þú lætur nú bara til leiðast og lætur sprauta þig og börnin þín þá verður allt gott. Þá fer veiran og við leyfum þér að fá líf þitt aftur, óskert, þannig séð. 

Hljómar tælandi ekki satt? 

Sóttvarnalæknir segir að sprautur séu nauðsynlegar til að rafmagnið fari hreinlega ekki af. Þetta er ný og frumleg nálgun. Ég velti því nú samt fyrir mér að ef sóttvarnaraðgerðir eru mikilvægar til að tryggja rafmagn og aðra "samfélagslega ómissandi innviði" af hverju eru þá innviðafyrirtæki undanþegin sóttvarnaraðgerðum? Er kannski búið að tryggja að allir rafvirkjar veitufyrirtækjanna séu með sprautufar á handlegg? Eða er þetta bull?

Hvar hefur rafmagnið farið af í heiminum, í ríku landi eða fátæku, vegna þess að allir starfsmennirnir voru sendir heim í sóttkví vegna veiru með vel þekkta áhættuhópa? Hvergi, auðvitað. En gæti gerst á Íslandi.

Einnig kemur til tals að beita þvingunum á ósprautaða ef þriðja sprautan skilar einhverjum óskilgreindum árangri - væntanlega skammtímaárangri þar til fjórða sprautan verður nauðsynleg. Geðþekkt, eða hitt þó heldur.

Yfirsprautuhjúkkan er byrjuð að keyra strætó til að sækja eða réttara sagt ofsækja óþekka ósprautaða en til vara að ræða við þá og segja þeim að líkurnar á alvarlegri aukaverkun vegna sprautu séu miklu minni en vegna veiru. Hún er líka byrjuð að skálda vísindi í beinni útsendingu og kalla náttúrulegt ónæmi ígildi einnar sprautu. Sem betur fer tóku allir þeim vísindum með æpandi þögn. Ekki einn einast vagn í áróðurslestinni hefur komið yfirhjúkkunni til bjargar.

Búið er að panta sprauturnar fyrir litlu krakkana, þessa 5-11 ára, sem verða sprautaðir á forsendum sem líða sennilega áratugir í að komi almenningi fyrir sjónir af ástæðum sem enginn skilur. Gegnsæið er slíkt að það er ósýnilegt. 

Þess má geta að fyrir ári síðan var öllum sagt að sprauturnar lofuðu góðu eftir rannsóknir og byrjað að panta. Nú er ástandið svo slæmt að óþekki krakkinn í bekknum, Svíinn, þorir ekki til Íslands vegna útbreiðslu veiru.

Verður Nýja-Ísland eins og Nýja-Sjáland dag einn?

Og ef þú dregst aftur úr í sprautunum, ekki kominn með þá þriðju eða fjórðu í tæka tíð, verður þú þá aftur sviptur borgaralegum réttindum á meðan hver puttinn í kerfinu á fætur öðrum bendir í hina áttina og neitar að gefa þér fyrirsjáanleika?

Sættum okkur bara við það: Sprauturnar leystu engin vandamál og gerðu jafnvel illt verra með því að gefa falskar vonir og margar alvarlegar aukaverkanir. Við ættum öll að sýna gott fordæmi og afþakka fleiri sprautur.

Hættum nú þessu bulli, verjum viðkvæma og leyfum öðrum að byggja varnarmúr ónæmis í kringum þá, vitandi að þótt læknar þegi eins og gröfin þá kunna þeir á meðferðir sem forða þeim fáu sem þurfa á aðstoð að halda frá henni.

Athugasemdir

[Deridiculator (IP-tala skráð) 24.11.2021 kl. 04:57]

Sæll,

Í auknu mæli er ég var við að fólk sem býr á Íslandi er að skoða hvert á að flytja ef óbolusettir verða útskúfðaðir. Meira hef ég heyrt svona frá fólki af erlendum uppruna en frá íslendingum en þó er slatti af íslendingum sem er með svona vangaveltur.

Menn hafa flúið frá ýmsum löndum til Íslands til að sleppa við harðræði sem virðist vera í uppsigliungu á skerinu.

Hver verður eftir að vinna fisk, byggja hús og framleiða ál ...?

Kannski finnuru nokkur orð um þetta til að skella á netið.

Kær kveðja,

Önnur kynslóð innflytjanda með afkomendur sem er þriðja kynnslóð og vill ekki yfirgefa landið...

[Geir Ágústsson, 24.11.2021 kl. 07:07]

Deri,

Ég sé ekki marga valkosti. Sem stendur er Flórída-ríki undir stjórn ríkisstjórans Ron DeSantis kannski meðal skástu kosta enda streymir nú fólk inn í ríkið til að setjast þar að. Börnin geta farið í skóla og ríkið spyrnir við fótum gegn yfirgangi alríkisins. Mér skilst að sum ríki (Bunde) Þýskalands séu skárri en önnur. Danmörk var góð í 2 mánuði en hefur á ný innleitt eitthvað og gæti innleitt meira, aldrei að vita. Þeir sem ég hef talað við og búa í Svíþjóð telja sig hafa fengið nokkuð eðlilegt líf í faraldrinum en vissulega eru þar teikn á lofti um aðgerðir sem engin vísindi styðja við. Svo þekki ég einn sem ætlar að flytja til Mexíkó og stofna þar frjálst samfélag, en það er jú Mexíkó. Costa Rica er víst nokkuð frjáls að þessu leyti en lítill fugl segir mér að það eigi að breytast.