Fjórða sprautan og annað gott

Fullbólusettur? Með þínar tvær sprautur og jafnvel þrjár og vottaður af yfirvöldum? Engar takmarkanir fyrir þig lengur?

"Think again", eins og sagt er. Í Ísrael er búið að sprauta þrisvar í marga og nú er talað um fjórðu sprautuna og því bætt við að ný sprauta á 5-6 mánaða fresti sé sennilega nauðsynleg. Í Bandaríkjunum er talað á svipuðum nótum. Íslendingar mega búast við að fjórðu sprautunni verði smátt og smátt laumað inn í opinbera umræðu, tröppuð upp og loks gerð að hinu nýja viðmiði. 

Á sama tíma er talað um meinta hættu vegna nýrra afbrigða á unga krakka og pressa á að sprauta þá líka. 

Heldur þú að þetta hætti einhvern tímann? 

Þú fékkst þínar sprautur gegn mænusótt, mislingum og hvaðeina. Þú ert fylgjandi bólusetningum! En hafðu í huga að þú fékkst þá efni sem er búið að þróa og prófa í áratugi og líkurnar á alvarlegri aukaverkum einn á móti hálfri til heilli milljón (ein á 40 ára fresti í íslensku samhengi). Þessar nýju sprautur eru víðsfjarri slíkum viðmiðum. Bara á Íslandi eru um 2200 kvenmenn, niður í 12 ára aldur, í lokuðum hópi fyrir þær sem hafa orðið fyrir röskunum á tíðarhringnum í kjölfar sprautu. Fyrir um 3 vikum lamaðist ung stúlka fyrir neðan mitti í kjölfar sprautu og hefur horfið af radar fjölmiðla í kjölfarið, enda enn lömuð, kannski og kannski ekki til lífstíðar. Ungir karlmenn eru að upplifa hjartabilanir. Erlendis er talað um týndar kynslóðir skólabarna og raðnauðganir á ungum stúlkum sem óbeinar afleiðingar sóttvarnaraðgerða. Sprauturnar eru jafnvel sendar til vanþróaðri ríkja til að koma starfsfólki aftur á færiböndin til að framleiða fyrir þá ríku. Á meðan er Alþjóðaheilbrigðismálastofnunin (WHO) hunsuð þegar hún biðlar til þeirra ríku að sprauta minna af börnum og láta þess í stað veikburða í fátækari ríkjum fá sínar sprautur. 

Hjarðónæmi leysir vandann! Ekki satt? Jú, vissulega. En hvað er hjarðónæmi? Sumir tala um slíkt þegar er búið að sprauta 70% alla yfir 16 ára aldri. Sumir tala um að slíkt ónæmi muni aldrei nást því dýr geta hýst veiruna og hún fer svo af stað við gott tækifæri. Þess í stað sé betra að tala um "praktískt" hjarðónæmi. Á Íslandi er búið að sprauta og sprauta og mun fleiri en í flestum öðrum ríkjum en umræðan um hjarðónæmi er varla til staðar. Hraðpróf er nýjasta nýtt í endalausri framlengingu á takmörkunum og jafnvel ekki óumdeilt því menn eru nú að tala um að skipta út tilviljanakenndum sóttvarnaraðgerðum út fyrir aðrar tilviljanakenndar aðgerðir. Allir í stuði að boða sína stjörnuspá. 

Þetta hættir aldrei nema við lærum að lifa með veirunni og treysta læknum, og leyfa þeim auðvitað að ræða og prófa meðhöndlanir. Læknar eru ekki hópur hauslausra hæna og vitleysinga sem læra ekkert nema fá skilaboð frá skriffinnum, og það er slæm hugmynd að setja öll eggin í körfu yfirvalda sem hlaupa eins og naut á eftir lituðu flaggi (næsta minnisblaði). 

Treysta vísindunum? Auðvitað.

Treysta stjórnmála-, embættis- og blaðamönnum? Ástæður til að gera það verða færri og færri, dag frá degi.

Athugasemdir

[Jón Steinar Ragnarsson, 6.9.2021 kl. 22:17]

Það er eitthvað athugavert við vísindin í þessu öllu, svo ekki sé minna sagt. Ísrael er með hæstu smittíðni í heimi um leið og þeir eru langsamlega mest bólusettir af öllu þjóðum heims. Ég sem sófavísindamaður myndi telja að þessi fylgni benti til þess að bólusetningin væri að gera fólk veikt.

Rakhnífurinn hans Occams virðist vera orðinn eitthvað sljór hjá þessum viðurkenndu vísindamönnum.

Lyfjafyrirtækin eru nátturlega komin með blóð á tönn eftir gróðaorgíu síðustu tveggja ára og vilja eðlilega meira af því sama. Þau nota líka kraft sinn í að banna hræódýr lyf sem sannað er að hjálpi verulega og skaði minna en magnýl. 

[Þorsteinn Siglaugsson, 6.9.2021 kl. 22:27]

Í Bandaríkjunum trúa upp undir 40% því að helmingur þeirra sem smitast af kóvít leggist á spítala. Raunin er um 2-3%.

[Þorsteinn Sch Thorsteinsson (IP-tala skráð) 6.9.2021 kl. 22:55]

Sæll Geir,

Í Zíonista Ísrael ertu ekki fullbólusettur nema þú sért búinn að fá 3 sprautur, en síðan er það eins og þeir segja mjög mikilvægt að koma inn 5, 6 og 7 eða halda svona áfram og áfram. Þetta er bara bilun, þar sem að þessi svokölluðu bóluefni virka EKKI neitt, nú og auk þess þekkt fyrir að vera ekki örugg, svo og þar sem þetta eiturefna- drasl kemur til að valda alvarlegum aukaverkunum.
KV.
     

[Þorsteinn Sch Thorsteinsson (IP-tala skráð) 6.9.2021 kl. 23:26]

[Hörður Þórðarson, 7.9.2021 kl. 05:50]

Það er sennilega besta bólusetningin að fá tvær sprautur og sýkjast svo af Covid. Að því loknu er ólíklegt að maður smitist aftur og ef það gerist er ekki hundrað í hættunni. 

[Halldór (IP-tala skráð) 7.9.2021 kl. 09:31]

Þetta er alveg sú fáranlegasta aðgerð hingað til hjá kötu og co, að senda fólk í hraðpróf kostað af ríkinu, ég sem skattgreiðandi hef engann áhuga á að borga fyrir svona rugl, kosningar koma ekki nógu hratt til að vonandi losna við eitthvað af þessu öfgaliði sem stjórnar landinu í dag.

[Geir Ágústsson, 7.9.2021 kl. 13:25]

Í Ástralíu er byrjað að tala um viðbótarsprautur "forever":

https://www.zerohedge.com/covid-19/aussie-health-chief-covid-will-be-us-forever-people-will-have-get-used-endless-booster

Hver og ein sprauta kannski ekki að fara leiða til hjartabilunar, lama þig eða drepa en eftir því sem þeim fjölgar, þeim mun meiri verða líkurnar.

Kannski fátæk ríki eigi bara að þakka fyrir að ríku löndin ryksuga upp þessar sprautur og taka á sig að byggja upp náttúrulegt hjarðónæmi sem virðist endast miklu betur en sprautuefnin handónýtu.