Reynslan af mRNA-bóluefnunum

In Europe we are seeing surges at many places where most of the population has already been vaccinated. At the same time, the 15 least vaccinated countries don‘t seem to face any problem. At some point, denying this problem will get painful.

Eða svo er ritað hér og nánar tekið saman hér.

En bíddu nú við, eru mest bólusettu ríkin ekki óhult? Er því kannski öfugt farið? Bólusettu ríkin að koma verst út! Flest smit!

Rímar kannski ágætlega við reynslu Íslendinga þessa dagana: Fullbólusettir að smitast og smita aðra. 

Hvað sem því líður er ljóst að bóluefnin svokölluðu eru engan veginn fullrannsökuð, og þá sérstaklega ekki þau sem styðjast við mRNA-tæknina, og margt að koma í ljós um þau, sumt gott og annað ekki. Skiljanlega. Árið 2018 skrifaði maður að nafni Þórólfur Guðnason að fá lyf undirgangist eins viðamiklar og strangar rannsóknir hvað öryggi og árangur varðar og bóluefni áður en þau eru tekin í almenna notkun. Þótt sami maður hafi síðar valið að hunsa eigin skrif ætti ekki að breyta okkur hin neinu. Bóluefnin eru ein risastór tilraun og eftir því sem þau fara í yngri handleggi því meiri áhættu er verið að taka miðað við að smitast af veirunni.

Vonum að bóluefnin muni ekki valda verstu bylgju frá upphafi.

Athugasemdir

[Kristín Inga Þormar, 18.7.2021 kl. 23:47]

Þessi svokölluðu bóluefni eru að valda margfalt meiri skaða en þessi veira sem enn hefur ekki tekist að sanna að hafi verið einangruð eða raðgreind.

Það að fullbólusett fólk sé að veikjast í hrönnum er vissulega mikið áhyggjuefni, en á sama tíma er manneskju eins og mér sem dettur ekki í hug að láta sprauta neinum þessara tilraunaefna í sig mjög létt.

Ég fæ mér aldrei flensusprautur, fæ aldrei flensur og treysti bara á mitt innbyggða ónæmiskerfi sem aldrei er talað um núna.

Og gamla góða íslenska lýsið kann svo sannarlega að verja okkur gegn svona flensupestum, svo það er engin nauðsyn að sprauta okkur með einhverjum efnum sem við höfum ekki hugmynd um hvað innihalda.

Verst bara hvað allt of margir hafa lagt allt sitt traust á fólk og fjölmiðla sem hafa borið fátt annað en lygar á borð fyrir okkur í meira en heilt ár núna.

[Ómar Geirsson, 18.7.2021 kl. 23:48]

Blessaður Geir.

Alltaf gaman að glugga í staðreyndir sem liggja að baki þess sem þú vísar í.  Aðvörunarbjöllur klingja alltaf þegar heiti á síðunum ríma ekki við þekkt vísindatímarit sem gera kröfu um ritrýni og staðreyndatékk.

Hvert er orsakasamhengið??

Bráðsmitandi veira eða bólusetningar sem virka ekki??

Er það einhver vísbending um vanvirkni bólusetninga að jafnvel áður en hjarðómæmi er náð, að þá séu landamæri ferðamannalanda galopnuð, og slakað er á öllum sóttvarnaraðgerðum, þær jafnvel aflagðar??

Hefur einhvers staðar verið fullyrt að bólusetningar veiti 100% vörn??

Ég nennti reyndar ekki að lesa langt niður í síbylju fullyrðinganna, en gat hvergi lesið það samhengi að þegar það fór saman, eins og til dæmis í Bretlandi, að landamæri voru opnuð, slakað á sóttvörnum, á sama tíma og ljóst var að delta afbrigðið væri meir smitandi en eldri afbrigði veirunnar, að þá væri veiran að breiðast út hjá yngra fólki, óbólusettu.

Og varðandi alvarleik veikinnar að þá ykist hlutfalla sjúkrahúsinnlagnar ekki í sama hlutfalli??

Sem er einmitt dæmi um að bólusetningar virka.

Í Kýpur til dæmis (tekið sem dæmi í tístinu sem þú vitnar í) lágu 209 inná sjúkrahúsum landsins með kovid-19, þar af voru 90,2% óbólusettir ef marka má Gúgla þýðanda úr grísku yfir í okkar ástkæra ylhýra.

Ég hefði einmitt tekið þetta sem dæmi um að bólusetningar virkuðu, en vitgrannir stjórnmálamenn sem opnuðu mánuði of snemma, áður en hjarðómæmi var náð, virkuðu ekki.

Þetta er eins og með járnabindingu í húsum á jarðskjálftasvæðum, þó hús skemmist og jafnvel hrynji eftir öflugan jarðskjálfta, þá efa ég, að frjálshyggjumaðurin í þér sé það sterkur, að hann yfirskyggi verkfræðingin, og tæki undir skoðun hægrisinnaðra stjórnmálamanna, að fyrst hús skemmdust og hrundu, að þá sannaði það að ríkisstýrðar kröfur um styrkleika húsa væru íþyngjandi og jafnvel skaðlegar.

Því verkfræðingurinn sæi nefnilega öll hin húsin sem stóðu.

Kveðja að austan.

[Geir Ágústsson, 19.7.2021 kl. 06:50]

Ómar,

Hér er oft vísað í vísindagreinar. En stundum eru nú einfaldlega menn og konur að taka eftir hlutum þegar þeir eiga sér stað, í rauntíma, en ekki eftir X mánuði þegar vísindamanni hefur tekist að krækja í fjárstyrk og skrifa skýrslu, mörgum mánuðum seinna. Það er mjög verðmætt þótt stundum sé ekki alltaf víst að kyrrmynd af ástandinu lýsi langtímaþróun rétt.

Ég ætla bara rétt að vona að þessi bóluefni bjargi lífum og dragi úr veikindum nú þegar er búið að taka áhættuna og sprauta því í fólk. Ég bara vona það svo sannarlega. Ég vona að þau komi í veg fyrir að yfirvöld loki samfélaginu, eyðileggi hagkerfið, svipti ungt fólk námi sínu og félagslífi, dragi úr greiningarvinnu á krabbameini og öðrum langvinnum sjúkdómum, haldi ættingjum og vinum sem búa í sitthvoru landinu frá því að sjást, og svona má lengi telja. Ég vona að yfirvöld fái á ný trú á lækna - að þeir hafi lært eitthvað seinustu 18 mánuði. Ég vona að yfirvöld opni eyru og augu fyrir meðferðum og að þær séu jafnvel ekkert síðra úrræði en sprautunálar með glænýju gumsi. 

Ég hef bara því miður ekki séð nein merki þess að bóluefnin eigi að duga til að forðast endalausar takmarkanir, skerðingar og lokanir. Um leið og er búið að sprauta fólk er því sagt að allar alvarlegar aukaverkanir séu viðbúin viðbrögð líkamans, veiti ekki fullkomna vernd og komi ekki í veg fyrir að öllu verði skellt í lás, aftur.

Því miður.

[Ómar Geirsson, 19.7.2021 kl. 08:27]

Blessaður Geir.

Það er kannski óþarfi að skrifa athugasemd sem ég á erfitt að gera ágreining við, svo það er best að taka það strax fyrir sem á milli greinir. Þú veist það sjálfur að fyrsta málsgrein þín er Vúdú nálgun á vísindin, og ég hygg að þig grunar að það hafi myndast lítill svartur blettur á tungu þinni þegar þú sagðist oft vitna í vísindagreinar, skoðanir og fullyrðingar sem virða hvorki raunveruleikann eða aðferðafræði vísindanna telst seint vísindi.

Líkt og þetta Hér og Hér sem þú vitnar í að ofan, það er lítill realismi að skauta framhjá því orsakasamhengi sem ég benti á hér að ofan, heimska stjórnmálamanna að opna of fljótt er líkt og þeir teldu það dygði að verjast ógninni af jarðskjálftum að setja reglugerð um styrkingu bygginga, aukaatriði hvort það væri farið eftir henni.

En ég deili von þinni um að bóluefnin virki eins og til er ætlað, og að lækningin verði ekki til lengri tíma verri en sjúkdómurinn.  Mér er það einnig lítt skiljanlegt að þrátt fyrir meint hjarðómæmi að þá skuli sóttvarnaryfirvöld hamra ennþá á gömlu meðölum sínum sem voru þróuð þegar enga lækningu var að fá og sóttkví og einangrun voru einu tæki siðmenningarinnar gagnvart illvígum smitsjúkdómum.

Bólusetning á að koma í veg fyrir faraldur en ekki sjúkdóminn, og það kallast ekki að lifa með sjúkdómnum að loka alla inni sem hugsanlega gætu smitast, það hlýtur að duga að þeir sem veikjast haldi sig til hlés, um það má gera skýrar kröfur líkt og um aðra smitsjúkdóma, en ekkert umfram það.

Það er einnig eðlilegt að gera kröfu um að fólk sem ferðast milli landa beri ekki með sér smitsjúkdóma, og það ætti að vera auðvelt með allri framþróuninni í að greina veiruna.  En aðrar hömlur eiga ekki að vera.

Ef það er síðan einhver ágreiningur milli bólusettra og óbólusettra, þá hlýtur það að vera hægt að leyfa óbólusettum að japla það sem þeir vilja japla, telji menn einhverja áhættu af slíku japli, þá geta menn tekið tóbaksvarnir á þetta, og tekið fram á lyfseðli, þetta lyf getur skaðað þig ef notar það við kóvid, og ábyrgðin er því þín.

Menn mega nefnilega ekki gleyma því að faraldur meðal óbólusettra ýtir undir þetta margrómaða hjarðómæmi, og ef menn hafa áhyggjur af yfirhleðslu heilbrigðiskerfisins, eða að slíkur faraldur ógni heilbrigðisstarfsfólki, þá er ákaflega einfalt að nota sjálfvirkan símsvara sem kóvid göngudeild, og að biðja fólk að vera heima á meðan veikindi þess ganga yfir.  Ef svo ólíklega vill til að þau verði hættuleg, jafnvel lífshættuleg, þá er það bara gangur lífsins, shit happens.

En stríðinu við eðlilegt mannlíf verður að ljúka.

Ég sé ekki hvernig hægt er að gera ágreining við þá skoðun.

Kveðja að austan.

[Geir Ágústsson, 19.7.2021 kl. 11:42]

Ómar,

Ég er þér í öllum meginatriðum hjartanlega sammála.

[Guðmundur Ásgeirsson, 20.7.2021 kl. 00:39]

Harðar takmarkanir á bólusetta strax.

Það eru þau sem eru uppspretta allra smita núna.

[Þorsteinn Sch Thorsteinsson (IP-tala skráð) 20.7.2021 kl. 21:10]

[Guðmundur Jónsson, 21.7.2021 kl. 16:51]

Ég var á spjalli við kornungann mann í gær sem sagði mér að hann þori ekki í seinni sprautuna því hann varð svo veikur af þeirri fyrri. Hann talaði um ærandi höfuðverk í marga daga og enn með verk í öxlinni þar sem hann var sprautaður.

Annan mann hitti ég í síðustu viku sem man ekkert eftir að hafa farið í bólusetningu en hann rankaði við sér í hjólastól þar sem honum var sagt að hann hafi verið í bólusetningu en dottið meðvitundarlaus niður á leið út.