Hvenær er komið nóg?

Enn er haldið áfram á fullum krafti að bólusetja Íslendinga og talað um að sprauta alveg niður í 12 ára börn, sem er þvert á tilmæli Landlæknis um að fara ekki neðar en 18 ár, með eftirfarandi rökstuðningi (tvenn góð rök):

Þau bóluefni sem eru komnir lengst hafa ekki verið prófuð á börnum og ungmennum. Börn smitast síður en aðrir íbúar. Ekki er mælt með bólusetningu fyrir börn og unglinga yngri en 18 ára.

223 þús. Íslendingar eru það sem kallast fullbólusettir og 262 þús. hafa fengið a.m.k. einn skammt, eða yfir 70% landsmanna, og sennilega stutt í að það verði fjöldi fullbólusettra.

Samkvæmt danskri rannsókn er talið að mörk hjarðónæmis vegna COVID-19 liggi á bilinu 60-80%. Okkur er sagt að bóluefnin veiti góða vernd og sé það tilfellið þá liggja mörk hjarðónæmis nær 60% en 80%. Séu þau gagnslaust sull þá liggja þau ofar. Svo eftir því sem yfirvöld stefna að stærra hlutfalli bólusettra, þeim mun meira gefa þau til kynna að bóluefnin virki illa.

Er til eitthvað opinbert markmið eða á bara að sprauta og sprauta þar til enginn mætir lengur í stungu?

Annars er stórfurðulegt hvað ásættanleg mörk fylgikvilla og aukaverkefna vegna bóluefna hafa víkkað mikið undanfarið. Árið 2018 skrifaði maður að nafni Þórólfur Guðnason grein þar sem hann meðal annars sagði, með hughreystandi texta (feitletrun mín):

Fá lyf undirgangast eins viðamiklar og strangar rannsóknir hvað öryggi og árangur varðar og bóluefni áður en þau eru tekin í almenna notkun. Áður en bóluefni eru sett á markað eru þau rannsökuð hjá mörg þúsund einstaklingum til að kanna árangur þeirra og öryggi. Þessar rannsóknir geta hins vegar misst af mjög sjaldgæfum aukaverkunum og því er einnig fylgst náið með hugsanlegum aukaverkunum bóluefna eftir að þau hafa verið tekin í almenna notkun. Með þessu móti er hægt að finna mjög sjaldæfar aukaverkanir og endurmeta notkun bóluefnanna. Niðurstöður slíkra rannsókna hafa sýnt að alvarlegar aukaverkanir bóluefna sem notuð eru hjá börnum í almennum bólusetningum eru mjög fátíðar, eða um ein aukaverkun á hverjar 500.000-1.000.000 bólusetningar. Þetta þýðir að á Íslandi má búast við einni alvarlegri aukaverkun á um 40 ára fresti. Fjöldi aukaverkana er þannig óverulegur í samanburði við þann árangur sem sést af bólusetningum.

Hérna erum við Þórólfur sammála: Einn á móti milljón eru frekar litlar líkur á alvarlegri aukaverkun og ávinningurinn af bóluefninu augljóslega stærri en áhættan af aukaverkun. 

En núna er jafnvel talið ásættanlegt að bóluefnin drepi fleiri en veiran sem þau eiga að temja. 

Er ekki komið nóg?

Allir velkomnir í Janssen í dag

Athugasemdir

[Eggert Guðmundsson, 7.7.2021 kl. 10:28]

 Það er eitthvað annað í gangi en einhver barátta við vírus.

Virkni þessa vírus sem hefur stökkbreyst mörum sinnum og í hvert skipti verður virknin minni og minni og því engin ástæða til að standa í þessum "bólusetningum".

Það er gott hjá þér að benda á orð Þórólfs í greinarskrifum sínum árið 2018. Það er með ólíkindum að "bólusetningum"hafi ekki verið hætt um leið og dauðföll voru tilkynnt til Lyfjastofnunar og þá tala ég ekki um þann fjölda alvarlegra aukaverka sem þessi efni valda.

Þá á ég erfitt með að skilja í að fréttamenn landsins spyrji ekki yfirvöld heilbrygðismála um hvað vaki fyrir þeim. Það má vera með ólíkndum að öll ríki heims skuli vera með sömu forskriftina  og sömu aðgerðirnr, líklega sama handritið um hvernig eigi að koma nálinni í hvern einstakling í sínum samfélögum. 

[Þorsteinn Sch Thorsteinsson (IP-tala skráð) 7.7.2021 kl. 14:43]

[Ásgrímur Hartmannsson, 8.7.2021 kl. 02:12]

Bóluefnin hafa drepið alveg ískyggilega marga hér heima - en jafnvel í USA, þar sem ekki nema ~6000 hafa látist úr þeim, þar eru þetta samt banvænustu bóluefni frá því bóluefni voru uppgötvuð.

Það væru 26.000 ef þeir hefðu sama dánarhlutfall og við.  (Sem er líka skrítið og þarfnast útskýringa.)

1 dauðsfall af hverjum 1.000.000 hefur hingað til þótt grunsamlega mikið í bóluefnageiranum.  Hvað breyttist?

[Guðmundur Ásgeirsson, 10.7.2021 kl. 22:33]

Þorsteinn.

Er staðfest að veiran hafi fengið minnisblað frá Alþjóðabankanum um tímaramma þessarar fjárfestingaráætlunar sem vísað er til?