Er heimsfaraldurinn senn á enda?

Í aðsendri grein í Morgunblaðinu skrifar forsætisráðherra, Katrín Jakobsdóttir:

Framund­an blasa við stór verk­efni og mik­il tæki­færi. Öllu mun skipta hvernig við byggj­um upp að lokn­um heims­far­aldri.

Einnig:

Ný verk­efni blasa nú við og ný tæki­færi en eft­ir erfiða tíma geta komið mik­il fram­fara­keið. 

Auðvitað er þetta kosningagrein en maður veltir því fyrir sér hvort forsætisráðherra sé að leyfa sér að hugsa sem svo að heimsfaraldurinn sé að baki.

Það er hann auðvitað ef hann byrjaði einhvern tímann. Á upphafstímum nýrrar veiru var góð samstaða um að hægja aðeins á öllu í takmarkaðan tíma, kortleggja áhættuhópa, prófa sig áfram með meðferðir og verja þá sem viðkvæmastir eru fyrir veirusýkingum í öndunarfærum. En síðan tók við eitthvað annað en heimsfaraldur. Kannski móðursýki eða tryllingslegur ótti. En enginn heimsfaraldur.

Og bóluefnin virðast ekki ætla að duga nokkuð. 

Hvað um það. Forsætisráðherra er kominn í kosningaham og það er kannski bara hið besta mál. Hvernig ætla stjórnarflokkarnir annars að ná endurkjöri ef öllu hefur verið skellt í lás í haust, aftur? Ef skuldir ríkissjóðs verða orðnar óbærilegar? Ef lántökur byrja að kalla á hærri skatta? Ef peningaprentvélarnar duga ekki lengur til? Ef vaxtastig þarf að snarhækka? 

Slíkt umhverfi er ekki mjög kosningavænt. Miðflokksvænt, en ekki kosningavænt.

Svo kannski heimsfaraldurinn sé í raun að baki á Íslandi, en ekki af því þríeykið sagði það, heldur af því að forsætisráðherra vantar atkvæði.

Athugasemdir

[Ingólfur Sigurðsson, 20.6.2021 kl. 02:00]

Ég var að lesa um það í vefútgáfu DV að deltaafbrigðið indverska væri að breiðast útum heiminn og valda usla. Jafnvel í Bandaríkjunum og Bretlandi þar sem gríðarlegar bólusetningar hafa farið fram heldur smitum áfram að fjölga og dauðsföllum. Talað er um að baráttan við þessa veiru sé vonlaus á meðan ekki er hægt að bólusetja alla í einu (hvernig svo sem það nú á að vera hægt!!!)

Þær fréttir voru sem sagt réttar í upphafi að ófétið var búið til á tilraunastofu og gert meira smitandi en náttúruleg kvikindi af þessu tagi. Þá er spurning hvernig framhaldið verður, hvort bóluefnin sem voru tilbúin áður en veiran var send útí andrúmsloftið muni nokkuð duga yfirleitt til frambúðar.

Þetta er allt hið undarlegasta mál. Núverandi Bandaríkjastjórn reynir að hreykja sér af árangri, en samt hafa þau ekki náð tökum á vandanum á meðan kvikindið býr til ný afbrigði af sjálfri sér.

Svo er það víst satt að ekki hefur verið hægt að einangra eða finna veiruna sjálfa, bara þetta gaddaprótín sem verið er að framleiða og dæla í fólk, sem þó er talið eitrað af ýmsum. Þetta er allt hið dularfyllsta mál, en afleiðingarnar af veirunni eru hryllilegar. (Og viðbrögðunum).

[Jónas Gunnlaugsson, 20.6.2021 kl. 16:06]

Lesið þið þetta frá Guðrúnu Bergmann um þingmanninn á Finnska þinginu, sem las yfir þingmönnum,

Kæru þingmenn, ég mun nú veita ykkur eftirfarandi upplýsingar, svo að þið getið aldrei héðan í frá borið fyrir ykkur vanþekkingu eftir að hafa heyrt þessar upplýsingar um þá hættu sem finnskir ríkisborgarar eru berskjaldaðir fyrir. Hér í Finnlandi er nú verið að sprauta íbúa landsins með eitri sem dulbúið er sem COVID bóluefni. 

slóð

Jónas Gunnlaugsson | 20.6.2021

Ano Turtiainen talaði í þinginu 9. júní sl. varaði þingmenn og fjölmiðla við að blekkja íbúa, ljúga að þeim að bóluefnin væru örugg, væru þau af ásettu ráði flækt inn í nokkra mismunandi glæpi og sá alvarlegasti af þeim væri þjóðarmorð.

Egilsstaðir, 20.06.2021   Jónas Gunnlaugsson