Allar fórnir og aðgerðir til einskis?

Látum okkur sjá:

• Svo gott sem engin smit, gefið að maður trúi á niðurstöður PCR-prófanna til að segja til um raunveruleg smitandi smit sem leiða til sýkingar
• 214 þúsund manns hafa fengið a.m.k. einn skammt af bóluefni og þar af eru 128 þúsund fullbólusettir
• Búið að fullbólusetja alla aldraða og alla áhættuhópa - alla áhættuhópa (og jafnvel búið að búa til nýja áhættuhópa enda bóluefnin ekki alveg skaðlaus og fyrir marga meiri áhætta en smit og sýking)
• Búið að þróa meðferðir sem koma, að því er virðist í langflestum tilvikum, í veg fyrir dauðsföll og draga úr langtímaafleiðingum í mörgum tilvikum
• Búið að steypa ríkissjóði í vonlaust djúpt skuldafen og rústa lífsviðurværi margra
• Verið að glutra niður því óendanlega tækifæri fyrir ferðamennskuna sem aðgengilegt eldgos er
• Hækkandi sól sem dregur þrótt úr veiru ekki nýtt til að hleypa samfélaginu af stað
• Meira að segja Danir sem hafa verið frekar móðursjúkir eru nú að leyfa 25 þúsund manns að horfa á íþróttaviðburði og grímurnar horfnar að langmestu leyti (í gær fóru um 300 þús. Danir í veirupróf og rúmlega 200 smit greindust)

... en samt má ekki halda 17. júní með hefðbundnum hætti. 

Er Þjóðhátíð í Eyjum ekki dauðadæmd líka?

Takmarkanir setja svip sinn á 17. júní

Athugasemdir

[Ásgrímur Hartmannsson, 15.6.2021 kl. 15:10]

 Ríkið mun halda dauðahaldi í öll höft sem það egtur kennt veirunni um.  Fólk tók jú svo vel í þau.

[Geir Ágústsson, 15.6.2021 kl. 19:39]

Það sem vantar svolítið í Evrópu er svipuð "keppni" og á sér stað í Bandaríkjunum: Að opna sem hraðast nú þegar er búið að bólusetja viðkvæma og aldraða, og hreykja sér af ÞEIM árangri, s.s. að hafa OPNAÐ! En ekki hreykja sér af því hvað allt sé frábært þótt mikið sé lokað.

[Ásgrímur Hartmannsson, 15.6.2021 kl. 19:53]

Veit ekki betur en bara Rauð Fylki séu opin núna.  Repúblikana-fylki.  Demókrata fylkin eru rekin með Evrópsku viðmiðinum.

[Geir Ágústsson, 16.6.2021 kl. 07:00]

Ásgrímur,

Þetta er aðeins að breytast og þemað virðist vera að 70% bólusetning íbúa sé lykill vinstrimanna að opnunum.

Þórólfur skrifaði árið 2018 að 80-95% þátttaka í bólusetningu væri lykillinn að hjarðónæmi. En að vísu skrifaði hann líka (feitletrun mín): "Áður en bóluefni eru sett á markað eru þau rannsökuð hjá mörg þúsund einstaklingum til að kanna árangur þeirra og öryggi. Þessar rannsóknir geta hins vegar misst af mjög sjaldgæfum aukaverkunum og því er einnig fylgst náið með hugsanlegum aukaverkunum bóluefna eftir að þau hafa verið tekin í almenna notkun. Með þessu móti er hægt að finna mjög sjaldæfar aukaverkanir og endurmeta notkun bóluefnanna. Niðurstöður slíkra rannsókna hafa sýnt að alvarlegar aukaverkanir bóluefna sem notuð eru hjá börnum í almennum bólusetningum eru mjög fátíðar, eða um ein aukaverkun á hverjar 500.000-1.000.000 bólusetningar. Þetta þýðir að á Íslandi má búast við einni alvarlegri aukaverkun á um 40 ára fresti. Fjöldi aukaverkana er þannig óverulegur í samanburði við þann árangur sem sést af bólusetningum."

Ætli hann muni uppfæra greinina og segja að 1 aukaverkun á dag sé nú ásættanlegt áhættumat og að prófanir á bóluefnum séu aukaatriði?