Bóluefni og börn

Eitthvað er á reiki hvaða áætlanir eru í gangi víða um heim varðandi börn og bóluefni gegn COVID-19. 

Landlæknisembættið segir til dæmis:

Þau bóluefni sem eru komnir lengst hafa ekki verið prófuð á börnum og ungmennum. Börn smitast síður en aðrir íbúar. Ekki er mælt með bólusetningu fyrir börn og unglinga yngri en 18 ára.

Landspítalinn segir að "börn á aldrinum 5-15 ára gætu komið til greina í undantekningatilfellum". 

Engu að síður vilja 60-70% íslenskra foreldra barna niður í 4 ára aldur sprauta börnin sín. Var einhver að tala um að hlusta á vísindin og láta ekki glepja sig af hræðsluáróðri?

Einu sinni var talað um aldraða og áhættuhópa. Núna er verið að stækka möskvana og tala um bólusetningar sífellt yngri barna sem leiðina út úr sóttvarnaraðgerðum. Danir ætla ekki að sleppa tökunum alveg fyrr en 16 ára og eldri hafa fengið sprautuna (eða boð um hana). Mér finnst blasa við að íslensku umræðunni verði þrýst í þessa átt og að 18 ára viðmið Landlæknis verði gert að 16 árum, eða jafnvel 12 árum. Alltaf er fundin ný átylla til að viðhalda sóttvarnaraðgerðum.

Þjóðhátíð í Eyjum 2021 er dauðadæmd.

Athugasemdir

[Vagn (IP-tala skráð) 18.5.2021 kl. 09:11]

Þegar einum áfanga er náð tekur sá næsti við. Aldrei var sagt að þegar þessum markmiðum eða hinum er náð er þessu lokið og öllum vörnum hætt. Baráttan heldur áfram meðan óvinurinn er til staðar. Og ástandið á hverjum tíma ræður baráttuaðferðinni en ekki dagatalið eða óþolinmæði einhvers Dana.

[Geir Ágústsson, 18.5.2021 kl. 10:02]

Vagn,

Það væri óskandi að þríeykið hefði manndóm í sér að segja nákvæmlega þetta. Það er langur vegur frá því talað var um að "fletja kúrvuna" og "verja heilbrigðiskerfið" og í að ætla sér að útrýma veiru með því að sprauta nýstárlegum bóluefnum inn í litla krakka sem eru í engri hættu vegna veiru.

En sennilega veit þríeyki að hreinskilni sé ekki góð leið til að halda í blaðamannafundina sína. Almenningur þarf að fá grautinn sinn í litlum skömmtum.

[Kristinn Bjarnason (IP-tala skráð) 18.5.2021 kl. 18:15]

Það er ekki hægt að segja að það hafi verið nein vandræði með cov-19 síðan í Apríl 2020 fyrir utan Landakot. Það virðast engir vera að veikjast illa og búið að bólusetja flesta í áhættuhóp. Það þurfti ekki grímur til að losna við vírusinn síðasta vor en núna þarf að vera með grímur þó að það sé enginn vírus.

Þessi svokölluðu bóluefni eru hrein og klár tilraunastarfsemi.