Stúlkan sem stefnir í atvinnumanninn

Aðgerðasinninn og skróparinn Geta Thunberg er hætt í skóla. Hún fer varla að setjast á skólabekk aftur með yngri krökkum og lepja þar upp bóknám. Hún verður ríkur ræðuhaldari og móðir hennar og umboðsmaður verður sömuleiðis efnuð.

Gott og blessað, segi ég nú bara.

Menn borga Hillary Clinton og Al Gore og Michelle Obama og fleirum stórar fjárhæðir fyrir ræðuhöld því þetta er frægt fólk. Það hefur þannig séð ekkert markvert að segja, en það er frægt, og það selur miða.

Velkomin í klúbbinn, Greta Thunberg. Vonandi dregur svartsýni þín fyrir hönd Jarðar og mannkyns ekki of mikið úr þér - þín og móður þinnar bíða stórar fjárhæðir ef þú heldur rétt á spöðunum!

Tekur ár frá skóla fyrir jörðina

Athugasemdir

[Þorsteinn Briem, 1.6.2019 kl. 20:42]

Ég var nú yfirleitt ekki í Menntaskólanum á Akureyri þegar ég var í Menntaskólanum á Akureyri en það kom nú ekki að mikilli sök og hvað þá að það væri slæmt fyrir íslensku þjóðina eða jafnvel allan heiminn.

Var til að mynda eina önnina á neta- og línubátum frá Grindavík.

Tómas Ingi Olrich, síðar menntamálaráðherra fyrir Sjálfstæðisflokkinn og sendiherra í París, gaf mér þá einkunnina 1 í frönsku.

Gérard Lemarquis, frönskukennarinn minn í Menntaskólanum við Hamrahlíð, gaf mér hins vegar einkunnina 10 og undirritaður fékk hæstu meðaleinkunnina í öllum greinum í skólanum, varð sem sagt dúx skólans.

Það sýnir að annað hvort kann Tómas Ingi ekkert í frönsku eða hann heldur að núll skipti engu máli. 

Og það síðarnefnda er að sjálfsögðu mun verra fyrir íslensku þjóðina, eins og dæmin sanna þegar Sjálfstæðisflokkurinn á í hlut, eins og sýndi sig til að mynda í Hruninu hér á Íslandi haustið 2008, einu stærsta bankahruni heimsins.

[Geir Ágústsson, 2.6.2019 kl. 04:10]

Gaman að því. Mætingaskylda er raunar umdeild. Þegar ég var kennari bauð ég nemendum upp á að mæta ekki en skrá samt á þá mætingu. Þannig batnaði oft vinnufriðurinn.

Greta fær vonandi einhverja kennslu frá móður sinni og umboðsmanni.

[Grímur (IP-tala skráð) 2.6.2019 kl. 09:10]

Hillary Rodham Clinton  lagði upp í heimsreisu með bókina sína What Happened og reyndi að sannfæra heimsbyggðina um að borga 30$ fyrir að fá að lesa samsæriskenningar um hverjum það væri að kenna að hún tapaði kosningunum m.a. vill hún meina í bókinni að Brexit hafi haft meiri áhrif en hennar misbrestir.

Stjórnmálamenn í svipuðum gæðaflokki og Hillary hafa borið hana Gretu Thunberg á höndum sér til að ná sér í vinsældir og allir fjölmiðlarnir hafa spilað með svo dyggilega að ekki má einusinni gagnrýna bók móðurinnar  Scener fra hjertet  án þess að vera stimplaður fordómafullur af heimspressunni.

Varla þarf að taka fram að ofangreindar bækur eru mjög dræmar í sölu

[Kolbrún Hilmars, 2.6.2019 kl. 13:33]

Gaman að sjá myndir af baráttustúlkunni Grétu. Þess er vandlega gætt að hún hafi ekki þetta "gelluútlit" sem jafnöldrur hennar leggja svo mikla áherslu á þessa dagana.  Hélt sjálf fyrst að stúlkan væri aðeins 12 ára.  En allt er leyfilegt í baráttunni, er það ekki?