Hinn íslenski 'dauða'dómur

Bandarísk-íranskur maður og eiginkona hans hafa verið formlega ákærð fyrir að halda samkvæmi í Teheran en önnur hjón hafa verið dæmd til dauða fyrir að standa að siðspilltum samkomum. 

Fáránlegt, ekki satt? Jú vissulega, en lítum okkur nær.

Íslenskur einstaklingur heldur partý. Hann er í vinnu, á vini og stundar íþróttir. Hann er hins vegar óhræddur við að prófa nýja hluti og hafði eytt mánuðum saman í að rækta ákveðna plöntu og týna af henni laufblöðin, þurrka, mylja og vefja í pappír. Hann býður partýgestum upp á efnið, gjaldfrjálst. Flestir afþakka en einn og einn tekur boðinu. Allir eru glaðir, enginn beitir ofbeldi og enginn rænir eða er rændur. 

Nú mætir lögreglan á staðinn. Maðurinn er handtekinn. Hann játar. Hann iðrast. Honum er varpað í fangelsi og sakaskráin hans er uppfærð með mörgum svörtum blettum. 

Eftir mörg ár í fangelsi er manninum hleypt út. Hann fær hvergi vinnu. Hver vill ráða mann með flekkað sakarvottorð? Hann neyðist til að stela til að eiga í sig og á. Lífi hans sem venjulegs borgara er lokið. 

Vissulega heldur hann lífi en ríkisvaldið svipti hans lífsviðurværinu, ærunni og jafnvel vinunum. 

Lítum okkur nær. 

Ákærð fyrir veisluhöld

Athugasemdir

[Jón Valur Jensson, 13.3.2017 kl. 11:50]

Dramatísk (og ýkt?) er lýsing þín, Geir, á þessu íslenzka tilfelli!

Hitt, frá islamistaríkinu Íran, er náttúrlega hrikalegt.

[Hallur (IP-tala skráð) 13.3.2017 kl. 12:33]

Það fer enginn í fangelsi á íslandi fyrir að eiga nokkrar grasplöntur.

[Geir Ágústsson, 13.3.2017 kl. 14:49]

Blettur á sakaskránni lokar mörgum dyrum. Ég þurfti að sýna hreint sakarvottorð til að fá vinnu sem póstburðarmaður á sínum tíma. Þær dyr hefðu lokast fyrir mér þegar ég þurfti virkilega á þeim að halda. En nei, menn þurfa að hafa nokkrar pillur í vasanum til að fara í fangelsi á Íslandi.