Þingmaður með bein í nefinu

Ég vil hvetja alla með kosningarétt í prófkjöri Sjálfstæðisflokksins í Reykjavík til að styðja Sigríði Á. Andersen og setja hana hátt á lista, að lágmarki í 2. sætið. Hún hefur sýnt það og sannað að hún er þingmaður með bein í nefinu sem fylgir sannfæringu sinni. Um leið er hún ákaflega viðkunnaleg. Hvað geta kjósendur beðið um fleira?

Um leið vil ég hvetja kjósendur í sama prófkjöri til að styðja Guðmund Egdarsson í 5. sætið. 

Í suðvesturkjördæmi ættu Sjálfstæðismenn hiklaust að kjósa Óla Björn Kárason í 3. sæti. Hann hefur stundum komið inn á Alþingi sem varaþingmaður og jafnan gustar um hann þegar hann flettir ofan af froðunni sem viðgengst á löggjafarsamkomu Íslendinga.

Margir aðrir góðir og frjálshuga einstaklingar eru í framboði hjá Sjálfstæðisflokknum en þessir þrír sem ég hef nefnt hef ég persónulegan áhuga á að fái umbeðin sæti og komist svo vonandi á Alþingi. Ekki veitir af. 

Sigríður sækist eftir 2. sæti

Athugasemdir

[Steinarr Kr. , 26.8.2016 kl. 10:33]

Sammála þér, en ég myndi vilja sjá Óla í 2. sæti á eftir Ásmundi í því fyrsta.

[Geir Ágústsson, 26.8.2016 kl. 11:20]

Sjálfstæðismenn hafa verið óttalegar bleyður seinustu 2 kjörtímabil og ekki þorað að kjósa harða alvöruhægrimenn í prófkjörum. Vonandi verður núna breyting þar á. 

[RS (IP-tala skráð) 26.8.2016 kl. 18:00]

Ef þræll getur kosið á milli þrælahaldara sem hyggjast hýða hann einu sinni á dag og þrælahaldara sem hyggjast hýða hann tvisvar á dag, þá er svosem skiljanlegt að hann kjósi þá fyrrnefndu.

[Geir Ágústsson, 27.8.2016 kl. 12:23]

RS,

Skiljanlega. Aðrir velja að kjósa hvorugan svo atkvæði sé ekki túlkað sem óbein viðurkenning á valdi þeirra. Þetta er einstaklingsbundið.