En eru þetta ekki bara 'hefðir' annarra menningarheima?

Til eru þeir sem aðhyllast það sem kallast "polylogism", svo skilgreind á einum stað:

Polylogism is the notion that different groups of people have different and incompatible modes of logic.

Með öðrum orðum sú hugsun að telja að mismunandi hópar fólks aðhyllist mismunandi og ósættanlegar tegundir af rökhugsun. 

Samkvæmt þessari hugsun þá er rökhugsun manna í Evrópu önnur en þeirra í miðausturlöndum, og þeirra í Afríku frábrugðin þeirra í Norður-Ameríku, svo dæmi séu tekin.

Samkvæmt þessari hugsun er ekki hægt að heimfæra rökfræði eins upp á aðra og ekki má fordæma hugsunarhátt annarra því það er ekkert til að fordæma - við hugsum bara öðruvísi en þeir og ekkert við það að athuga!

Nú tilheyri ég vissulega ekki þeim hópi einstaklinga sem hugsa svona. Fyrir mér er þjófnaður bara það - þjófnaður. Fyrir mér er ofbeldi bara það - ofbeldi. Ég ætla því að fordæma þessar viðurstyggilegu og andstyggilegu aðferðir sem margar greinar af íslam boða að eigi að beita á ótrúa, gifta einstaklinga. 

Það skiptir í raun litlu máli hvað stendur í Kóraninum þegar kemur að hegðun og atferli margra múslíma og jafnvel flestra svo ég leyfi mér að alhæfa. Rit múslíma eru uppfull af réttlætingum fyrir voðaverkum, ofbeldi og hreinni villimennsku, og þótt hið sama sé hægt að segja um kristin trúarrit þá fer nú eitthvað aðeins minna fyrir framkvæmd voðaverkanna hjá kristnum svo vægt sé til orða tekið.

Á yfirráðasvæðum múslíma eru konur kúgaðar, jafnvel af sínum eigin sonum, og listinn yfir réttdræpa er langur. Þar sem múslímar eru í meirihluta innan ákveðinna borga eða hverfa eru þeir fljótir að söðla undir sig skólakerfið og úthýsa nákvæmlega því umburðarlyndi og virðingu og varð til þess að þeir fengu að flytja inn á viðkomandi svæði. Þeir hafa meira að segja gert arabísku að fyrsta tungumáli skólakrakka þar sem þeir hafa náð tökum á sveitar- eða bæjarstjórnum, t.d. á sumum stöðum í Bretlandi þar sem börn hafa ekki séð orð í ensku þegar þau byrja í skóla (dæmi). 

Hérna í Danmörku eru sagðar margar sögur af ungum stúlkum sem hafa hafið sambönd með múslímum og margar hafa þurft að flýja land til að losna við líkamlegt ofbeldi og af ótta við hefndarverk, þar á meðal ein íslensk stúlka sem bjó í sama hverfi og ég. Er það tilviljun?

Maður sem ég ræddi mikið við á tímabili bjó í næsta bæ við Luton á Englandi og sagði að enginn færi í þann bæ nema í hóp og aldrei nema í dagsbirtu, því hvítir og ótrúaðir menn væru ekki vel séðir þar. Hann kallaði Luton múslímabæ þar sem börn lærðu arabísku á undan ensku, bæði heima og í skólanum. 

Á Arabíuskaga þrifust á sínum tíma fjölmörg trúarbrögð áður en múslímar náðu vopnum sínum og gerðu allt nema eigin siði útlæga. 

Listinn er endalaus og það fer í taugarnar á mér að við sýnum svo mikið umburðarlyndi og virðingu fyrir hugsunarhætti sem boðar ofbeldi, kúgun og okkar eigin kvalarfulla dauða. 

Áður en ég flutti til Danmerkur fyrir 11 árum vissi ég ekki mikið um múslíma og hvað þá múslíma á Vesturlöndum. Ég er reynslunni ríkari í dag. 

Mér er persónulega alveg sama hvaða trúarbrögð fólk aðhyllist, ef einhver. Ég ætla hins vegar ekki að eyða öllu mínu umburðarlyndi í fólk með hugsunarhátt sem snýst um það að eyða eða útrýma umburðarlyndi og boða þess í stað ofbeldi og kúgun sem aðgöngumiða í þeirra eigin Paradís. 

Ung kona grýtt til bana

Athugasemdir

[Finnir Jónsson (IP-tala skráð) 3.11.2015 kl. 10:17]

Voðaverk eru bönnuð í kristinni trú. Það þekkja allir sem hafa EKKI látið aðra segja sér hvernig kristin trú er. Hitt er annað mál að menn hafa gert ýmiss voðaverk í andstöðu við boðskap kristninnar og kallað sig kristna. Aftökur eru t.d. bannaðar þótt að það standi í GT að grýta eigi fyrir tiltekin brot. í NT var þetta afnumið sbr dæmisöguna um hórseku konuna. Helsta vandamál "krstinna" er að allt of fáir hafa kynnst sér út á hvað kristin trú gengur. Kalla sig kristna en gera allt það sem kristin trú bannar þeim að gera. Varla kristnir?

[Tómas Ibsen Halldórsson, 3.11.2015 kl. 10:19]

Á vesturlöndum hefur fólk yfirleitt rétt til skoðana og trúfrelsis.  Þennan rétt nota múslímar, sem flytja til vesturlanda, til að koma sínum trúarbrögðum og viðhorfum að, jafnvel þeim viðhorfum sem almennt hafa verið óþekkt og fjarlæg vesturlandabúum.  En þennan rétt nota múslímar til að ræna okkur þeim sama rétti vegna þess að okkar réttarkerfi veitir þeim rétt til að hafa rangt fyrir sér, þannig að nái þeir sínu fram hefur enginn neinn rétt nema þeir sem fylgja þeirra siðum

[Geir Ágústsson, 3.11.2015 kl. 11:23]

Finnir,

Ég er sammála þér í því að NT afnemur margt af því miður aðlaðandi í GT og gott og blessað. Það á einfaldlega enginn að fá að beita ofbeldi að fyrra bragði, sama hvað túlkun á textum líður. 

Tómas,

Hjartanlega sammála. Múslímar geta ekki haldið sig við friðsælt trúboð og bænahald því ef styrkur þeirra verður nægur þá mun alltaf spretta upp á yfirborðið einhvers konar yfirspámaður sem velur róttækustu túlkun sem hægt er að selja og knýr hana áfram með einskonar ofstæki. Múslímar voru eflaust bara friðsamur lítill hópur sérvitrina á Arabíuskaga þar til þeir voru orðnir nógu margir til að geta útrýmt öllum öðrum. Sama saga endurtekur sig daglega allt til dagsins í dag og sér engan veginn fyrir endann á. 

[Finnur Jónsson (IP-tala skráð) 3.11.2015 kl. 16:40]

Kristnir menn eiga að vera friðsamir og hafa jafnan verið. Kristnir líða miklar hörmungar í dag og eru gegndarlaust myrtir. Við erum að tala um "alvöru" kristið fólk en ekki nafnkristna Vesturlandabúa. Í kristinni trú er okkur kennt að elska óvininn og biðja fyrir þeim sem hata okkur. Ég veit ekki til að önnur trúarbrögð kenni það? Múslimar og aðrir andstæðingar kristinnar trúar hamra alltaf á krossferðunum sem vissulega voru viðbjóður og alls ekki í anda Jesú Krists. Þeir minnast hisvegar aldrei á morðferðir Múhameðs gegn kristnu fólki og Gyðingum sem bjuggu þarna á undan. Svo má ekki minnast á þjóðarmorð á Armenum sem voru kristnir. Þeir tala heldur ekki um hvernig kristin trú felldi Rómarveldi án ofbeldis? 

[Gísli Sigurðsson, 3.11.2015 kl. 17:58]

Var í erlendri borg fyrir skömmu. Í þessari borg sem fleiri er mikið um múslima. Var staddur inni á skyndibitastað þar sem maður gengur frá eftir sig. Þar situr par/hjón sem klárlega voru múslimar. Að lokinni máltíð stendur karlinn upp og gengur út en konan tekur saman draslið og gengur frá. Af látbragði þeirra að dæma var þetta normið. Auðvitað er það upp og ofan hvort karlinn eða konan gengur frá svona, en þarna var þetta svo greinilega hennar verk og einskis annars. 

[Pétur D. (IP-tala skráð) 3.11.2015 kl. 18:30]

Gísli: Það er líka siðvenja að múslímsk kona gangi nokkrum skrefum fyrir aftan eiginmanninn, því að ef hún gengi samhliða honum þá þýddi það að hún væri jafnhá honum á virðingarstiganum. Og það er hún ekki. Skv. kóraninum (og þar með sharia-lögum sem flestallir múslímar á Vesturlöndum aðhyllast), þá eru konur bara hálfvirði.

[Geir Ágústsson, 4.11.2015 kl. 21:30]

Það er margt sem kristnir gera sem stendur ekkert um í Biblíunni, t.d. að halda upp á afmælisdag Jesús.

Það er margt sem múslímar gera sem stendur ekkert um í Kóraninum, t.d. grýta konur til dauða.

Það sem margt sem Biblían segir sem kristnir virðast taka lítði mark á, t.d. orð eftirfarandi orð Jesú: "Gjaldið þá keisaranum það sem keisarans er og Guði það sem Guðs er" (lesist: ekki afhenda honum eigur þínar). 

Það sem er að mínu mati verst við íslam er að alltaf skulu þeir róttækustu og ofbeldisfyllstu hafa orðið. Greyið friðsælir múslímar sem vilja bara dýrka sinn guð í friði og ró og angra engan, hvorki með sverði eða vélbyssu. 

Það gerir múslímum reyndar erfitt fyrir hvað íslam krefst náinna tengsla ríkis og trúar sem gerir þeim erfitt fyrir að búa í samfélagi við "ótrúaða" (og um leið réttdræpa eða rétt-ánauðuga skv. Kóraninum).

[Aztec, 13.11.2015 kl. 22:22]

Geir, kristnir halda ekki upp á fæðingardag Jesú, heldur jólin, sem er ljósahátíð heiðinna manna. Kirkjan stal jólunum frá heiðingjum. Jesús fæddist í byrjun marz (formlega 1. marz) árið 7 BCE. Árið 0 (um sjö árum seinna) í júlíanska/gregoríanska tímatalinu hefur ekkert með Jesú að gera.